احبـــابی الی علیه الشین بدوه
جفونی واگطعو والطیــب بدوه
شجاهم مای حبنه ابعجل بدوه
اظن غشهم سراب اللمـــع میه
مرتضی النیسی
الک یشگر سکـــر عگــــلی ولکهام
والک ونه اشـــدهت گلـــبی ولکهام
ابدلیـــلی اوهیجــــت جدمی ولکهام
ابارض غفره او محیطه اجنون بیه
قاسم ابو میلاد النیسی
احکم ابکیـــفک یقاضی او لل بطل شید قصور
اوخلی فرخ البوم یمرح والقفس سهم الصگور
حطها ترچــیه او بــذانک هـل فلــک حتماً یدور
والفاله ابگلبک تلگاهه
قاسم ابو میلاد النیسی
علی وکتی الاغم ما یــــوم ینهل
اسااو حیلی ابجـــفا الخلان ینهل
صحت یمته ابسمای اهلال ینهل
یجیـــــب الخیـــرو ایکف الاذیه
قاسم ابو میلاد النیسی
اشمحاول شلهه انا اجروحی متنشل
ابسبب من کل شــهم دهری متنشل
الگبل اعیــون اسودا علیه متنشل
علیه حتی الضبــــاع اتریـــد حیه
قاسم ابو میلاد النیسی
العاش کل عمره ابنفاهه او ما تجدم بل ضنک
لا تحسبه احزام ظهرک والحســب گبلک هلک
لاکن الربته حــــره ابصــــدته ایفــــــــر الفلک
وابحلگ الطوب ایذب روحه
قاسم ابو میلاد النیسی
هلک لو عگلو بلکـــــون یفنون
العدا اومنفن علیــهم دوم یفنون
بهلک یا عقــــــول اتحیط یفنون
طفلهم لو حچه ایخرس الطواب
قاسم ابو میلاد النیسی
احنا اهلچ یه های الگاع واهلچ بل حرب شطر
خلینه الخصیـــم ایگـــــوم لیــــل انهاره یتنطر
او یوم انعگلن الاقدام صدگینی ابعجــــل خطر
ایصرخ بل حد خلینا
قاسم ابو میلا النیسی
یصاحب وین حچیک ذاک وعداک
الگلتلی ما تهمــنی اعدای وعداک
نسیـــــته ورافگــــت نمام وعداک
ابحچی الما خوذ خیره اگطعت بیه
مرتضی النیسی
لون بیدی یصح أصـرخ یهلکون
الصاحب بــدر للصاحب یهلکون
المشو بلحیله وی خلهم یهلکون
وعلیهم عـــار دنیــــــــه وآخریه
مرتضی النیسی
فرق بین الزلـــم مــوجود و الکل تعـــــرف القایه
البعض منهم بحــــــر مغتاض یرهب لو طفح مایه
او بعض منهم خصال البیه ما یثبت عله احچایه
کل ما یرمش یخلف رایه
قاسم ابو میلاد النیسی
نفسک عل کـــرم یا صــــاح مرهه
او دواوین التحیی الضیـــف مرهه
هلک واجب علیک اتضوگ مرهه
اوتشـــــد الحیــــل بیها ابکل قضیه
قاسم ابو میلاد النیسی
طفل حینه اعلا صدر الموت شفته امطشر اچعابه
اوصوله ایهدشبه صــــــاروخ حتی الملعب ایهابه
مو عجبه امن ابن هل دار وحده ایصـــــدله دبابه
هزت کاروکه ام عصابه
قاسم ابو میلاد النیسی
بچو شماتی من سمعو بخلای
اغدرونی او عیدو کلهم بخلای
إبظنک یاما فزعت الهم بخلای
ترهو و الضنـــــــک ذبو علیه
قاسم ابو میلاد النیسی
هلی ابیا جانب الگعدو لهم دار
الصدر وابقمه العـــــزه لهم دار
هلی ابسوح المجد دایم لهم دار
الزعامه اوکلهم اشیوخ القضیه
قاسم ابو میلاد النیسی
خل سیفک علــم منشور یبگه امعاند اگرابه
و اصبح لل خصم ییثوم دایم دمــــر اعصابه
من الشر اجتنب کل حین حاول تنفی الطلابه
بس اعلا الحگ اتعناهه
قاسم ابو میلاد النیسی
من زغری الدهر ویای یغـــــــدر ما نصح مره
شتل بگلیبی کثـــره اجروح وابکلهـن ملح ذره
إبحوافر خیله فوگ اچلای یطحن والطحن فره
یشبه میدان الیزاله
قاسم ابو میلاد النیسی
صگـــــــر ابلا جنح شیفیـــــــد یخضـــــع لل بومه
أو زلمه الما ابظهره اخوان یوگع وسطت الحومه
یضل متوسط الخذلان کلمـــــن ما جمــــــــع گومه
او یبلع گنطاره ابسلاهه
قاسم ابو میلاد النیسی
إلظیم ابلا عدد عش عش ولخزان
ابدلیلی اولم ألـــم دهـــری ولخزان
صدیجی ابخنجره اتحـزم ولخزان
لزم واثنینهــــــــــــم هــــــدو علیه
قاسم ابو میلاد النیسی
تهل شوفک علا العافوک شتهل
یجفنی او ما تهـــل لفـراح شتهل
إذا اظعون الأهل بسکوت شتهل
طمع شتظن غریب ایحــن علیه
قاسم ابو میلاد النیسی
طیری ما طیره ابضباب اولو أطیر کون اصید
صیـدی حــر او ما أبالغ دوم انـــوش عل ایفید
أنا وسط السوره شبچـــی او ما أهمن بل رعید
والطار ابخزره اقبض روحه
قاسم ابو میلاد النیسی
ماچل الجــــدم بل صدو مالای
أهدوا بخوتی اضنونی ومالای
أصیح الروح والدنیــا ومالای
فدو لل أهل یرحـــــــن سویه
قاسم ابو میلاد النیسی
امرار امــــرار یریاگـــــــی شحلچان
اوتشربکتن وسط گلبــــــی شحلچان
صرت شبهل الذی امدوهن شحلچان
اسمـــوم اعــــــداه یـــــوم الموزمیه
صادق النیسی
ما حل لشعــر یا صـــــاح بسباع
احل گلبی الهله التنقاس بسباع
خسر کلمن عله الدیوان بسباع
اوربح کلمن شره اوبایع خویه
قاسم ابو میلاد النیسی
کلف بحر الصداقه او صعب ینطار
یرید الگضه عمـــره ابکون ینطار
یصح واحد غبی امن الراگ ینطار
او واحد عل کواسی ایریــد حیه
قاسم ابو میلاد النیسی
یصاحب خل نشد رحلی ورحلاک
لئن مامن الی راحــــــه ورحلاک
ترا هلی انفـــگد منـــی ورحلاک
وطن فگد الوطــــن فگد الحمیه
صادق النیسی
صیر ابچف اهل نخواک سیف ابساعت اوزاهه
واسعی البیـها رفعت راس دوم ابشیمه تدناهه
مو هوه المثل مضروب راعی الشینه یلگاهه
والطیب ابطیب ایجازونه
قاسم ابو میلاد النیسی
الو تسمع صهیــل الخیل والغاره الخصم شنها
دگ جدمک وتد بل گاع و اخیــول العشم عنها
ضل اطحن زلم بل کون و اسیوف العزم سنها
برگاب الگصدو عیاله
قاسم ابو میلاد النیسی
هلی ابروس الاعادی اسیوف سنو
او سنن تگطر کرامه اوجود سنو
المـــــا تفتــــــرگ بل کــــــون سنو
یلاگی المــــــوح مابـــــــــدل سجیه
قاسم ابومیلاد النیسی
اجمل صباح العید عندی امنلاگیک
اوجنه عدن یندار گلبی امنحاچیک
قاسم ابو میلاد النیسی
اشمشلک یا جــــــرح ترجع تبسم
او علی یم شامتی ابغدرک تبسم
سری اوما تبی المـــــرهم تبسم
اومرامک شــوگ مایمرگ علیه
قاسم ابو میلا النیسی
هواک انــداف بگلیبــــی ولعشاب
دلیلی او خلف ابعگلــــی ولعشاب
حدر جدمی الورد خضـر ولعشاب
ولا مــــره ابحلـــم مریـــــــت بیه
قاسم ابو میلاد النیسی
الک حــــــب ابدلیلــــــــی ایدورماینقاس اقیسنه
حیث اویل عگل مدیوف حتــــی ابــــدمـی احسنه
اصیح ابصوت اسمع الناس تدری ابگلبی شتمنه
للموطن روحی اتفداهه
قاسم ابو میلاد النیسی
من خمره رضــــاب اشفـــــاچ جرمی
الی اویصــدع صـــــــدا الدلال جرمی
العشگ فتنی اوهواچ انحاک جرمی
علیش اسهــام بعــــدچ رشـــگ بیه
قاسم ابو میلاد النیسی
نایح مایرید احسیـــن لالطـــم او دمــــع یجرا
حیث الکل نعرف احسین بل جنه ارتفع قدرا
منک بس ایرید الحید دین المصطفی اتنصرا
والعشیه ابذل ما تهواهه
قاسم ابو میلاد النیسی
تنول العزیخی بعضـــاک کل اهــل العگــــل تعنی
اوکلمن عگل عنده اوسیع یدری الهل چلم معنی
الوتجمع شملهه الگـــوم بیت امنـل شـــرف تبنی
محیوکه ابمرمر سیسانه
قاسم ابو میلاد النیسی
الیوگف من تریده اشراع وابعز ماخلف وعده
المثل گایل ثلث مرات یسوه الگومــه والگعده
خل عگلگ وسیع ایکون شان اهل الفهم صعده
والما یعرف سدالکتابه
قاسم ابو میلاد النیسی
العنـــــــزالعنوان صیته اوخیله بل ملعــب تغور
یفدی روحه اعلاالحقیقه اودمـــه لجل العزیفور
والماعرف معنه القضیــه او ما تبحـــــربل امور
اطرش بلزفه ایسمونه
قاسم ابو میلاد النیسی
تشیـــــــریا دلیلـــــــی اوزاد شیراک
علا الیتمنـه بیـــده ایمـــــوت شیراک
الترک لجله اعلا سدرالموت شیراک
ترک خصمـــی او تعنـــه اورک علیه
قاسم ابو میلاد النیسی
گلبـــی غـــدرا یا زمـــانی لاحبی
سهم حقدک وانته عل ذل لاحبی
لا زحفت ازحوف لل عــز لاحبی
هوه شاهدنی او تعنه ابدمی بات
قاسم ابومیلاد النیسی
افنی الباطل الملعون والعایل یرد مهزوم
انا ابن التندبه الناس حید البل حرب معلوم
زینب خویه عد عیناچ انا ابکربلا الجیدوم
اوعباس السقا ایسمونی
قاسم ابومیلاد النیسی
زینب نادت العباس راعی الغیره یا ضرغام
گوم اجدم یسبع الگوم وارفع رایت الاسلام
صاح ابصوت عدعیناچ کل اهل الکفر تندام
واجیوش الباطل افنیهه
قاسم ابو میلادالنیسی
حاتم بل کرم معروف و ابداً ما یرید اشهود
لچن حاتم بذل بل مــــــال ماگالو بذله ازنود
بس ابکربلا العباس دگ حد الکرم و الجود
جاب الشط لخته ابچفینه
قاسم ابو میلاد النیسی
حبیبي اعگول من صدک تهیما
ترد او بیت الیحبــــــک تهیما
تهمني الـگال ما حبک تهیما
و انا البهواک نازعت المنیه
یقر تدري ابجفاک اشکثر مرهم
علیه او هل جروح اترید مرهم
أمس تصرخ تره ابلیاک مرهم
شجاک اتبدلت و اگطعت بیـــه
الي اشگد الیـــــــــالي اهموم ودان
طبگ و اخضع لدا العدوان ودان
لچنه العـــــل فشگ مفطوم ودان
ایتجوهر لو صفت صعبه القضیه
إبحر هاذه الوکت ما شوف شلهه
غـدرني او فـــاله بل دلال شلهه
أخــوي السلمیته الـــروح شلهه
ابیــومن حــشمت ما مر علیه
کلمات قاسم ابو میلاد النیسی
حبــک انداف ابظمیری او هل عگل صدر قرار
أنتـه اعز کلشي الأملکه او هل بعد منک مرار
أنا ملهوف ارد اشوفک حتی' لو لیل او نهار
ما أشبع شوف امن اعضیدی
کلام اهل العگل معروف یعني السانک احصانک
إذا صنته یصونک دوم و اذا هنته ابعجل هانک
إذن خلي العــــــگل سکان هوه ایحرک السانک
و ابکیفه ایدبر چلماته
إلوکت لو عزم ایلاویک و اسیــــوف الغدر بیده
إشبــــــــگ یمنته ابیسرا او حط المشنقه ابجیده
گله الغیره من عباس عندی او خوت اعضیده
و الموت اعله الحگ اتحدا
إلوکت لو عزم ایلاویک و اعلن بل فتن غاره
غرگه اببحر عگلک گوم حتی' ایضیع تذکاره
چیل ابیمته امنل عار او خلي الذله بیساره
او موچابک خل یذکر یومه
إبزور ما واحد تعله او لا صبح صاحب مقام
یعله کلمن لم اخوته او ما یگص زور العمام
الخوه منشار اتوصف تاخذ او تنطی الوسام
و الما دبر یعثر بیهه
إبزور ما واحــد تعله او لا صبح صاحب بخت
یعله کلمن ذاته طیبه او نفسه لل حگ انتخت
إلما یجـــــد ذرّت حمیه لو یشد کاره ارتخت
و الشدهه الحر ما حلوهه
إبزور ما واحد تعله او لا صبح رمز الفخر
یعله کلمن شان حگه ایشلع اعیون الخطر
إلعزه عنها اگحیله گالو تطرد ابسوح الظفر
تصهل و اترید الخیاله
إلراید یکسب العنوان و ایطگ لل قمم شانه
لازم یجـــــمع الخـــــوان حتی' ایعلي عنوانه
مو هوه المثل مظروب صگر ابلایه جنحانه
حتی' امنل بومه ایظم روحه
إبزور ما واحد تعله او لا صبـــــــــح رمز العله
لن الیـــریــــــد المعالی ایـــــکون راعی المرجله
عنده صلحه اوصاف تحصل چلمه التظر و الأله
یحچیهه الگصت زردومه
کلمات قاسم ابو میلاد النیسی
سرجت خیـــــل القـــــوافی التـــطرد ابسوح النظال
صحت اریدن هوسه وحده التحچی بوصاف الرجال
لبّن الدعوه الاصـــــایل واصهلن شرجی او شمال
هوستهن یعرب غیراوی
ابچلت ایویرد اخوتک تحضر او تصبح دفو
بیهم انته ایزود عزمک و النعم عزم الاخو
تجدم اعضاک ابوکتهه و العلیک التف لفو
یتبره ابیوم الملزومه
کلمات قاسم ابو میلاد النیسی
یدنیـــــــــا اشما ملکتي اهموم ولمي
إلي او حت لو یصیر اضعاف ولمي
الحنضل و الشري امن اعضاي ولمي
عسل یصبـــــــــــــح و لو بیه المنیه
قاسم ابو میلاد النیسي
طبعی ما عوف الـــکرامه او لا أزل او یه الصدیج
روحی فدوه اتروح لجله ا عیب اعوفن هل طریج
أعبر ابــــحور اعله موده او ما أهاب امنل قمیج
و السوره الیت ما هم بیهه
ألطبعه ینـــوجد بل ذات یفرق من المطبع
و الابس بشت و اعگال یعزل عن المگبع
مو شرط الفهیم ایکون سدر الگعده یتربع
ینطق و ایعرف عنوانه
کلام الگالته العــگال ثابت کل وکت درسه
یصبح لل خلگ مذموم کلمن یمدح ابنفسه
ألخیر ما یعینه المال و لا یتعرف ابلبسه
من فهمه الناس ایعرفونه
صیر لل خوان زمزم و احــضر ابوکت الظمه
و اصبح اعیون العضیدک دله بل عز لو عمه
لا تگص ابزورک انته ابــــحیث تفال السمه
کلما یبعد یرجع صوبه
أخذ حچی العگل یا خوی و ابد لا تتخذ غیره
لأن عد العــرب معروف زاید کل وکت خیره
لجل هاذه السبب ینگال حچی اهل الفهم لیره
او حچی اهل الباطل زنجاره
یا زمان البـــــــــوم گالو گام یطرد عل صگور
او یا زمان الشات یزگح عل أسد و ایتم جسور
چانت ابحد الســــــوالف لاکن القاضی الشرور
خله الموگدهه ایگول آنه
کلام الگالته العگال یبـــــــگه لهل العــــز سند
تعنی اخوک احزام ظهرک و الأبو البیتک عمد
بیهم اتنـــــــــول المعالی او أرد اگولن هم بعد
من دون اهلک مالک قایه
کلام الگالته العــــگال واحـــــد مــــا یصیر اثنین
گبل طگت الخشم یا خوی دم تهمل دموع العین
الأخو احزام الظهر منعوت خله القاسیات البین
او لو صار الصد حیی ابزوده
کلام الگالته العـــــگال یبــــــگه لهل العز حذر
تعنی ابوک اسراج بیتک و الأخو احزام الظهر
أفتح اعیون البصیـــــره او من بعد دیر النظر
بعضاک العز کله اتنوله
مد روحك جسر لعضاك و الهم خلها مشتاگه
وايضاً خل حنينك كـــون يشبه حنت الناگه
الصگر مهما يريد ايصير لون ما عنده سباگه
حته الخطافه اتشل حاله
طبع بیـــــــــــه اعتنی الطیبین و اگصد کلمن امشید
و اخاوی البی حمیه اتکون گلبی ابهل صفه امقید
خصیم الیعرف المعروف أحسن من اخـــــــو امکید
عگال العالم گالوهه
کلام اهل العگل بستان یزهي او لا تظن یذبل
جرب و المثل مظروب جــل اهل المجد تنجل
صیر الثایتــــک فلاح أنهض و الزم المنجل
و الما ینفع حش اعروگه
خل اسمــــــک علم منشـــــور دوم ایـــرفرف ابغیره
او خل دمـــک مثل برکان یســـــــری العزت الدیره
المثل گال الوطن ناموس ریت ابگصته الف جیره
کلمن ما قدر ناموسه
خل اسمک علم منشور بحــــدود الشرف عالی
او خل حنضل أهل نخواک بریاگک یضل حالی
تدری اشگالت العگال ، شاجور الیضل خالی
ما یحله ابعین التفاگه
لچنی العوز و انجبریت احوفن و اخلف السیره
لزمت اسلاحی تالی الیل و افتر گمت بل دیره
وعیت ابروحی مانی افلان ذاک الیمتلک غیره
و العوز اعلا الذل بدیته
خل خلگک فره لعضاک و الهم عبــر العیله
و اصبح عیدل الخوان حتی' اتــــــعدل المیله
أخوک اشما یرید ایصیر ضدک لو سمع چیله
یجدم و ابسدره ایلاگیهه
أمثال العرب یا صاح کلها امأیده او حلوه
مثل باگة ورد فواح تنطي الکل گلب سلوه
تمطر عل حلیم ادروس و اهیا اتکتر البلوه
من گوم الیعرف معناهه
شفت قاضی اعله حکم اثنین ضل ابحالت الحیره
حــــرامی الگاصد امن ابعید ویه امعزب الدیره
ألحـــرامی ایعف علیه ایهون لاکن فاگد الغیره
حتی' الحواف ایرجمونه
ألیمشي ابحیله ویه الناس او لزم حبل الفتن بیده
صدگ و اعتقد یا خـــــوي حتی' ایحایل اعضیده
علیه گال المثل بـــــزون طبعه او کلشي میفیده
یاکل و ایکسر ماعونه
أسئلو من حته ابــــــزمانه اشلون تعرفهه الرجال
گال ثلث اشروط عـــــدهه الأوله جود البل دلال
أو ثانی شرط التلگه عدهه ایکون تتلگه النبال
او بمظیف الحگ تعجد رایه
ذاتن اتــــکون الجـــــساره او ماهي ابکبر الجسد
و الیــــربی الشات گله الشات ما یصبـــــــح أسد
هاذی من باب النصیحه او ماهی من باب الحسد
بل ملگه ایبین راعیهه
خل اسمک علم منشور غیره ایرفرف ابحدک
او خل یصبح مثل لناس بحدود الحرب صدک
لا تخضــــــع لون دنیاک کلها اتواچبت ضدک
مثل العباس اتحداهه
طبعی بحــــدود الصداقه اتخیر الیملک وقار
ألیوگف ابوکت المجدیه او یطبر ابعلو النهار
هاذه حر الکل تعرفه ایعید ابصید الحبار
یشهگ و ایصید ابعالیهه
قاسم ابو میلاد النیسی
من وکتی خان اویای و اصبح علیه
خـــــلانی شفت الظیم حتی' امن ادیه
ما صرت دوده ابصوف مره ابزمانی
او حــــیرته حتی' ابلیس ما حیرانی
ما صرت دوده ابصوف لدنیا مره
او کل الفلک و الکون بعیونی افره
تعتب تلوم الناس ما تگدر اتشوف
حبـــک سبه الدلال و ابگلبی مدیوف
چلمه ابمثل عگال کلش بهیجه
بس النذل یا ناس یغدر صدیجه
قاسم ابو میلاد النیسی
خادم الخوان اصیرن و افخر ابهاذه الأسم
و العسل لو مانی یمهم ینگلب بشفافي سم
أدخل الکون الأجلهم حتی' لو أدری انجسم
ما گولن أوف الخوانی
لجل الخوه اضحی الروح و ابدن ما أعرف الخوف
او لونهم قصرو ویای ما ضجـــــــــن و اگولن أوف
أبسبب أدری المثل مظروب توگف فوگ اهلهه الطوف
ما توگع فوگ البرانی
توگع فوگ اهلهه الطوف هیچ اهل العگل گالت
أو لون الأید وحده اتکون لا تقبل حمل شالت
لچن لو صبحن چفین اذا أید الخصم طالت
گصنهه ابزود امن اذراعه
قاسم ابو میلاد النیسی
انا حبیتــــــــــــک صدگ یجـــمل حبیب
او نار حبـــــــــک بل گلب تلهب لهیب
ما عرف لیل او نهار او لا یکض جدمی الجدار
الا احط ایـــــــــــــدک بدیه لل مشیب
ساکن ابعگلی او دلیـــلی و العیون
یلی لحظت فرگتـــک یحصل جنون
عایش ابشوگ الوصال وصل ابو اعیون الغزال
او حبک اویای انعجن یشگر عجیب
ناذر اسنین العمـــــــر کلهن فداک
یلی مرهم لجــــــرح نشگت هواک
حبک اویای انعجن او گلبی بهواک انسجن
حیث من دونـک فلا اقبل نصیب
قاسم ابو میلاد النیسی
أذا گاعد اگبـــــــــالی او تـــــهمل العین
او بگت من دم دمعتی امخضبه اتسیل
تظن ما موت لجـــلک میت الف قاط
أذا لا سامـــــــــــح الله اتقــرر اتشیل
أذا ناس التضدک عنـــــــــــک اتگول
أرق ملک الجــــــــمال ابحسنک انته
أذن حگه الحبیب ابوصفک ایصیح
شمس بلیـــــــــل لو طلعت وجنته
قاسم ابو میلاد النیسی
لجمع هوسه ارد اهوس بیهه ما فرق و اخص
یعرب العنـــــــــوان واحد و الشتات اکبر نقص
چلمه خلیهه اعله بالک کل مگص لمن یگص
ما تحصل خله ابصوبینه
من کثر العزم یعضای هاون بل عگل یدوی
و الکم حن دلیلی ایکون حن الیمل لل بدوی
جدمی الکم یضل ابشوگ لدروب الخطر ینوی
او لل موت الکم ما عز روحی
ما أظم سر اعله گومی او لا بعت سر العدو
أو عندی کلمن غیره یملک و النعم ینعد اخو
طبعی افخر بل نشامه او لو شفت واحد کفو
لل موت اتحزم جدامه
عود نفسک اعله الطیب واسعی لل حگ تعتنی
و انثنی التکریم ربــــــــــک لل بشر لا تنثنی
ألعزه ما تییی ابسهوله ابشق النفس تنجنی
و الما یتعب لا یرجاهه
أفتح لل کرم بیبـــــان او باب البی فتن سده
و الراد الکرامه اتضیع صیر ابکل عزم ضده
إخذ درس امن ابو الأحرار یوم الکربله اتعده
حتی' العز صاح انا ادخیله
ألو أسمک تریده الصیر خالد و ابمعالی ایدور
لجل الحگ مثل برکان خل دمک یضل ایفور
أصبح لشرف صیاد ، صیدک خل یصیر اصگور
و البومه ابعد لا تدناهه
حط بالک عله الخوان والهم رخص القالی
حتی' ابعین اجل الناس تصبح کل وکت عالی
ألفخر مو لل یلم المال و لا لصاح یا مالی
لل یوگف سده الخوانه
کلمات الشاعر قاسم ابو میلاد النیسی
فک عین ابصیره او خاطر اتشوف
ذیب اهوه الوکت و امردن ابصوف
أبد ما عنده توبه الغدر و الحیله ثوبه
بحر و امن المکر ما یملک اجروف
أبد لا تقبل ایـــــــــــــعوف الخیانه
و لا یصبح وفي او صاحب أمانه
ردي او ما عنده غیره کلام الحگ یدیره
او یشل شل الصعب لل عاقل ایروف
حاول تفتکر و اترافگ الزین
خاطر لو نخیته ایقدم العین
وفي او یملک درایه او یشیل الهامه رایه
إذن خل العگل بمحبته ایطوف
قاسم ابو میلاد النیسی
حبیبی الناس عنی اشما یگولون
انا انطیتک دلیلی او یوز العیون
انا انطیتک دلیلی یبو اعیون الکحیلی
او مو بیدی العگل بیک انته مجنون
مو بیدی العگل هوه الیرسمک
و ایخلی السان اینادی بسمک
گلبی ابکل حنانه تم عندک مکانه
او شوکه اصبح تره ابعین الیکرهون
شوکه ابعین کلمن حاقد ایصیر
حبنه او یشبه احلوگ التنانیر
یلهب ما طفه ابیوم قالی او ماله کل سوم
ابحبنه اتحیرو کل الیحبون
قاسم ابو میلاد النیسی
ما أعز روحی اعله گومی او دوم اکرر هل کلام
ما شفت شي ابحیــــــاتی ایعادل او سام العمام
أهمه تاج الغیره طبعن و النعم لل عز وسام
واعگال امعدل عل هامه
کلام الگالته العگال بیه امنل حکم گاره
جرب و المثل مضروب عمی الخیل عثاره
بس اهل الفهم و الجود عن الزله غفاره
و الشینه ابحدهم مستوره
حکمه بل أمثال تلگه البل عگل تسکن مدیم
عن الیــــــویده الینشدک گول حضن امنل صریم
یحضه بیها الصان بخته او بل عرف ینعد فهیم
و النار ابعگله ایطفیها
أوگف لل وگف ویای و اشگف ساعة الملگه
و الو دردم صریچ الماو غیر الفوز ما یلگه
أدگ جدمی وتد بل کون حت لو صبحت زلگه
و الگال اتزحزح غثیته
أصبح مخزن الأسرار او سرک بل گلب ظمه
و الراد الهظم لعضاک بچفـــوف العزم غمه
فجّر لل کرامه اعیون او بیر البی فتن طمه
من حیث الذل یجری ابمایه
جمالک لا تظن موجود بنسان
و لا منه انوجد في عالم الحور
یجن کلمن یشوفک یفگد الراي
لأن عینک وسیعه اتغرگ ابحور
قاسم ابو میلاد النیسی
غیره ما تلگه ابوجوده او صیح باطل خوته
خاوی الیجد ابوکتهه او جود تنگط گهوته
او دیوانه ایحیی ابخطاره
إلما یگص ابزوت اهله او یعرف اسیاق الکلام
طبعن اینول المعالی او یکبر ابعین العمام
های چلمه او بعد اگله الراید ایحصل وسام
لو نار الحگ یرکض صوبه
أخوک اشما یرید ایصیر ابد لا تکسر ابعزمه
حیث ابساعت الکلفات بیه العایل اتهزمه
درگه ایصیر الک بل کون ؛ سیف البیدک اتلزمه
و ابیوم الملعب تطبر بی
من عودی اسمعت چلمات اگلک بیها و اتفیدک
روحک و التملکه اوصیک خلهن فدوه لعضیدک
علیه یبني المثل مظروب سیف الیلمع ابأیدک
و ابیوم الملعب زامط بی
قاسم ابومیــــــــلاد النیسی
کلام اهل العگل مامن مثیله
مرهم لجرح و الهم یزیله
مثل منهم سمعته درس و الکم نقلته
الطبع ماهو تطبع بل خصیله
الیجل الناس طبعن هم تجله
و الیعلی الأهـــل هوه ایتعله
أخذ حکمه امن المثال الیشایل حمله ینشال
او حمل الماله اهل محد یشیله
مثــــــال اعله الزلم شکلینه مظروب
البعض منهم حشیش ابوکت الغروب
او بعض منهم أفاعی المجدهه ابعز تداعی
او تصیح اول شعب تالی القبیله
کلمات الشاعر المبدع قاسم ابو میلاد النیسی
کلف بحرالصداقه اهوای موکلمن یجی ایعبره
ولا یوفی اب وعد ویاک کلمن عل وفا اتجبره
یصح واحـــد حلیم الذات هوه اومدته ایطفره
اوواحد بل راگ ایشیعونه
کلف بحرالصداقه اهوای موکلمن یجی ایطره
ولا کل الصـــدف بل کون قطعن یمتلک دره
یصح واحد مثل لناس وشلت مــــای التفره
او واحد لسوره اینـــدبــونه
كلف بحر الصداقه اهواي مو كلمن يجي ايطبه
ولا كلمن يسيــــــر اوياك يسكن بل گلب حبه
حاول بل زلم تختار صاحب يــــــفدي الرگبه
لو شاف ابحــــدك عــيـــاله
کلف بحرالصداقه اهوای موکلمن یجی ایفویه
ولا کلمن یطب الراگ ملگه ایــــلاگی الرویه
أذن خاوی الیجوز اعلیه تلفظ چلمت الخویه
اولوصارت سوره اتکض ایده
مرمرسیس الوجدان اوحایــــــط لشرف علي
اوعزت نفس کل مصباح لازم عندک اتخلي
هوس لوشفت عیـــال عمرالــزاید ایـــولي
والمــــوت ابعـــز اتعناله
طالعت تاریخ اهلنه اوشوف عل هوسه اشیگول
الهوسه بحدود الکلایف هــــــوست بیها الفحول
الهوسه صمصام العروبه الگطعت ارگاب النذول
اوبیام الصـــــد هدو بیها
هوسه لهل الغیره اهوس واستلم معنه الکلام
کلنه من یعرب نسبنه اوبــــل اصل نرجع عمام
بل حرب نعگل طبعنه اویشهد ابحگنه الحسام
العایل یرکع خلینا
شفت کارون ابوالخیرات چــان ایــحیی بظیوفه
دجله اویل فرات اونیــــــل کلهن حاطن اجروفه
صحت شط العرب چاوین روعت گلبی ماشوفه
لن صاح امعزب خوانی
فرق بین الطیوراهوای منهن بل وصف شنقار
اومنهن ضل مثل لناس بس یعرف یصیدالفار
اذن خلی العگل میزان منهن لوردت تختار
الحربل ملعب زامط بیه
خاویلک اخو البل ظیــــج یحضر بالک ایریحه
او جبل عنه المثل مظروب یاهوالیگدر ایطیحه
مو ظلمه العهد ویـــاک حتی ابصایح ایصیحه
بعیون اعداک اشتل شوکه
الما رحم بچفوف اخیه او گصهن ابوکت الصلح
هاذه شتظن لو تـــــــکرمه ایقزر ابعینه الملح
عوفه لا تگرب دنوته اولو شفت صوبک یلح
عن لا یطمع بزه ابعینه
مد روحک جسر لعضاک و الهم خلها مشتاگه
و ایضاً خل حنینـــک کون یشبه حنت الناگه
الصگر مهما یرید ایصیر لو ما عنده سباگه
حته الخطافه اتشل حاله
الچان ابحد عمامه اوسام واموصف یطلع احگوگ
اشوبعده الوکت ما دار وافتـــــکت علیه الحــلوگ
سوهه الاهل ویاه مثــــــــــــل ما ینعمل بل نوگ
خیرهم لازم سچینه
صدیجی الچنت ازامط بیه وافخر من اجیب اسمه
واگولن لو یثــــــــور الکون حتی ایبدل القسمه
اشو گبل الفزع بسبــــــوع طار ابهبت النسمه
او یم خصمی امبسط بسراری
صدیجی الچنت ازامط بیه و اعده ابعدت اعضیدی
و اگولن لو یصیر اصــــیاح یصبح صارم ابایدی
گبل لا توصل العدوان حط المشنقه ابجیـــــــدی
او لل وادم ضلت سالوفه
خادم الامجاد اصیرن و اخدم الیملک وفا
العنده موچاب ابوکتها او دوم ثابت موقفا
عودی وصانی ابکلام او گلی یبنی اموصفه
عینک میزانک گالوها
لا تجفی او یه اخوک ارجوک لو شفت الوکت موزین
دگ جدمک وتـــــد بل گاع و اشگف عنه سهم البین
اوگف وگفت العبــــــــاس یومن ضحه لجل احسین
شب نـــار الذله ابــــعدوانه
الزین چنــــه الکل نجله او ینحمدبین الربع
و الغبر طبعن نذمه او ینوصف شین الطبع
لاکن اتبــدل زمنه او عل اسد شفنه الظبع
یزگح والناس امایدینه
خاویلک اخو البل ظیج حمل الیکلف ایشیله
او گلبه ابیض مدیم اویاک ما یتعامل ابحیله
الک یوگف وتد بلکون و اسمه ایسدر العیله
اوبگلوب اعداک ایحط خوفه
من کلمات الشاعرقاسم ابو میلاد النیسی
عین علی حیات الشاعر قاسم الحاج اعنیفج النیسی
ولد الشاعر قاسم المکنی بابی میلاد فی مدینه ملاثانی من قضاء باوی تقع شرق نهر کارون فی عام 1357 ه ش الموافق 1978 المیلادی فی بیت یکتنفه الدین و من محبین اهل البیت علیهم السلام و کان والده یعمل فی جامعه الزراعه و النباتات فی مدینه ملاثانی . دخل الجامعه فی عام 1388 ه ش فی فرع فقه و مبانی الحقوق فی جامعه عبادان و فی سن الثامن عشر من عمره کتب الشعر فی انواعه ودرس بعضاً من فنون الشعر و الادب عند الشاعر ابوخلیل الشحیتاوی .و اما من رفقاء مسیرة الشاعر الذی کانوا کل مراة لهو هم الشعرا سلمان ابومیثاق الحمیداوی والشاعر جاسم ابن اغلامعلی الحمیداوی و نسیم النبگانی و رحیم المنهل و حسن الزهیری و الحاج عارف خمیسی و رمضان العگیلی و ترکی الضبی و مجاهد العمرانی و صادق النیسی و شهید الضبی و هادی الضبی و عباس العبادی .
ولم یتوفق الی نشردیوان اشعاره الی الحین .
ولازال ابومیلاد فی مسیره العطاء الشعریه و یدور فی جواء الشعر و الادب.
و من الله التوفیق
رحیم المنهل الحمیداوی
ادامه مطلب...
دخن الجـــومن غضب صــگر الطفوف
اوخـــــافت الــــــدنیا ابشکل لمن زعل
ألگاع صاحـــــت یاعلی اوضلت تموی
چن حجرسجیـــــــل من ضهضب نزل
صد علا الگــــــوم ابشکل کلش غریب
اوضل یلالی ابصدت اعیــــــونه الأجل
من رفــــــع سیفه انخطف لون اسیوف
اولاذت ابکتــــــــــــــرالغمد من الفشل
والمـــــــــــهرشاله العزم یرفل عزوم
اوملّـــــــــــخ اخدود الأرض لمن رفل
واتّــــــــبسل گامت اجیوش الخصیم
من مهر راعـــــــی العلم بطف صهل
غیمت عین العـــــــدو ابگد مایخاف
والـــــــرمل من البچـــــــی اتبدل وحل
موح صار اوســـــوره دارت بل دموع
والخبر بل حین لل مـــــــــــــارد وصل
صاح انا المارد واسمّـــــعها الجیوش
اوصوتی اریـــده الیوم یوصل لل ملل
أنا من ازعـــــل تطیر اهیـــه الرگاب
اتطیح یم مهری اتـــــــزاود عل نعل
اناییثـــــوم الزلم وکت الحــــــــروب
اومنـــی باتــت بیهم انـــــواع العلل
انا مارد وابنگل جــــدمی الحتوف
اومـن اشیلن غیض یختض الجبــل
أنا مارد و انته یــــا عباس اکیــــد
من حیـــــــاتــــک لازم اتشیل الأمل
ضل یصیح ابصوت مارد بل طفوف
وابجساره البیه دگ جدمه اویزل
أناحیدالبل حروب افنی الرجال والأرض منی ابکبرهه اتضل تموی
انا مارد بل حـــرب مارد اکید اومنی شجعان الزلم ضلت تلوی
ألااخلّی اجـــبال تغرگ بل دماء وانته یاعباس لوتعرف تفوی
الســــوره الیتک طـــب بیها
أتقدّم العبــــاس رأسن لل أمام
الگــوم کلهااتچعچعت ردّت وره
ألخیل هجّت والزلم گامت تطیح
ابساحت المیـدان صارت ضغبره
صاح انـا العباس کافل هل ضعون
أنا سیــف احسین ضنوت حیدره
أناابن لیث العرب حامی الدخیل
حیــــدرالکرارقالع خیبره
أنا بسمی الکون یشهد والطفوف
الحومه عنی اتگول سبع الگنطره
أنا من اغتاض تحتــارالحتوف
منّی تبچی اتگوم حتی المگبره
هوّس العباس وانـهم بطفوف
ضلت اتلوی الزلم فوگ الثره
أنا عبـــاس الزلم تعرفنی زین روس تمطر من اطب الملحمه
أناچف ازماط عودی اوسیف اخوی أنابسمی الغیره کلها اموشمه
وانته مارد حی صدگ مترد اکید من اصدن سورتک تصبح ضمه
وابسیفی المـــوت اخذ روحه
کلمات قاسم ابومیلادالنیسی
هل گلب ما لاب لحــــــــــد لابلاک
عگلی انته او ریت دهرک لابلاک
لاعرفت الشــوگ عگبک لابلاک
اهوه لحظه اتدوم کل های الحیات
ما احــــــــب العیشه عگبک ما احب
عمری وانته الصیف عمری ما احب
لحظه التــــــلمـح لی عینک ما احب
گلبی تبقه اوهاذی احـــلا الامنیات
احــــــلا امنیتی امن اشبگک یا مهای
والعگل مجنـــــــــون لجلک یا مهای
یا مه روحی اعلیک شاطت یا مهای
اعیونی صرخت رد یعنوان الحیات
رد علیــــــه اعیونی تصرخ رد یروح
موهــــــوه العذری النشگته رد یروح
تــــــــدری گلبی اویاک لمن رد یروح
کسراضلوعی اوشهگ صوب الحیات
شهگ گلبی او ضل یطوف ابحضرتک
او روحی گبله ازحوف یدعج حضرتک
انتــــــــــه من عیــلام طبعن حضرتک
و المعانی البیـــــــک خیـــل امعربات
قاسم ابو میلاد النیسی
کلمن حایــــلک بل ظیج حیله
اوکلمن حایـلک بل ظیج حیله
کلمن حایـــلک بل ظیج حیله
اوکلمن حایلک بل ظیج حیه
قاسم ابو میلاد النیسی
ابغیابک یا حبیبی الحال حاله
کئیبه او حیلی هم فرگاک حاله
ملف عمری الوکت لظیم حاله
او صدر حکم الفراق ابلاخطیه
قاسم ابو میلاد النیسی
ابغیـــــابک یل گلت عمری بکتما
ثگل همی او صرت عاجـز بکتما
چــــــذب کلمن ذکر عینی بکتما
بکت شوفی او شبابی الهل قضیه
قاسم ابومیلاد نیسی
احنـــــه اذیـــاب طبعاً مانخاوی
نخاوی الیــوث تجدم مانخاوی
شبلهم صاح بلطگ مانخاوی
الـــکلایف دوم ذبوهن علیه
من کلمات قاسم ابومیلادالنیسی
الوکت بـهواک فت چبدی ولاذاب
قهر والنــوب احس گلبی ولاذاب
بعدک وانتـه اسف گلبک ولاذاب
الی اوجلمود صار اشهل قضیه
قاسم ابومیلاد النیسی
انته وسط العین ســــاکن ودلیل
وابغرامه اویــــاک گلبی ودلیل
انته کل عمری اوحیـاتی ودلیل
چلمت افراگک تدمرلی الحیات
الدنیــــــا اظلمت ابــعینی وسوده
صفت واهمــــوم راوتنی وسوده
لان خـان الوکت بل حگ وسوده
علیـــها الشات یحکم شل قضیه
الدنیـــا رغماً بـــل مصــایب کلفات
گلبی وانا ابـــــــظیم عمری کلفات
تدری حالی اعلیک صارت کلفات
چبدته الهم او اخوته اویل وشات
قاسم ابو میلاد النیسی
الیمشی ابطریق احسین معرفه ذاته
یحسب بنـــــات الناس کلهن خواته
دخن سما العبـــــــــاس گبر رعیده
اوقدم جثث فرسان چسوه العضیده
تدری ابصـــــدیق الزین شنهی صفاته
غیره او وفا اواحساس مشحونه ذاته
قاسم ابومیلاد النیسی
اناحبــــــی اویـــــــاک یفتر بل دماء
یعنی دوم ایــــــــــــدور مامن منتها
طبعه مثل الدایره ابـوادی الحساب
امنیـن ماتنـــــظر تشــــــاهد مبتدا
ظنــــه ارجع بعد و اتعانق اویاک
و لا لجـــــلک اشلن حال النجوم
ثلاثه اعقــود مرت و انته ماجیت
و انه اگلیبی شبیه الفاگده ایحوم
قاسم ابومیلاد النیسی
سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .
هلگد حلا حط بیک یامحله طاریک
لوتمشی انته اویاک هم مااخلیک
هلگد حلا حط بیـــک جلت قدرته
خلانی احب اثنین بس انته وانته
هلگد حلا حط بیــــــک رب السماوات
لو تلمس انته المات حی یرجع المات
هلگد حلا حط بیک رب العباده
من بوست الشفتین طالب اعاده
هلگد حلا حط بیک رب العطوفا
مستحیه متواریک حته المشوفا
من کلمات الشاعر نسیم النبگانی
هلگد حلا حط بیک رب الخلایق
خلانی انجیت ب اول دقایـــــق
رحیم المنهل
هلگد حلاحط بیک رب الجلاله
خله اتغزل بیک حتی الغزاله
قاسم ابومیلاد النیسی
هلگد حلا حط بیک رب البــــــریه
نزل گـــمر عل گاع باالناصـــریه
ابونسیم_الفلاحیه
من کلمات استاد الطرفی مدیر موقع ادبنا
هلگد حلا حط بیک ربک إشکره
دلّـیـني بإلعاداک صدگــني فگره
هلگد حــلا حــط بــیک رب إلنبین
بس شفتک إنجنیت إبخزرت العین
هلگد حــلا حـط بـیک رب إلقلم ونون
بس شافتک عینای صرت آنه مجنون
عادل خلف الساری
هلگد حلا حط بیک ربنه الخلقنه
لو کلهه مثلک هیچ چا ما تعبنه
هلگد حلا حط بیــــــک رب السماوات
لولحظه منی اتغیب اشعر لک الهات
ماجد الدسمی
هلگد حلا حط بیک یا شیخ الاوطان
تسگینه گهوه اسنین لاکن بالحزان
هلگد حلا حط بیک مایک حیاتی
کارون اسولف بیک حتی ابصلاتی
بدر النصاری - مدونه فلاحیتی
هلگد حلا حط بیــــــــــــــــــــــک یا بعد اهنه
یاحــــــــــــــــــــــــلو یتحداک انت احلی منه
هلگد حلا حــــــــــــط بیک خالی عله کیفک
نخـــــــلک یضل نیشان ومحـــــــلی صیفک
هلگد حلا حــــــــط بیـــــــک لاله وتلالی
عونه الیعیش احذاک جـــــــسر الهلالی
هلگد حلا حـــــــط بیک ذللت الاعزاز
ما یعله عال اعلیک یا ارض الاهواز
صاحب کعبی - مدینة تبریز
حبیبی اشصارعنــــدک ماتحاچینی
احــــس الروح تطلع من تجافینی
حبیبی اعطف علیه
اوضوی الدنیا لیه
والک مرجوحه یمدلل شرایینی
انا ابشانک صفیت اجروح بجروح
وارید امحبَتک لو رگبتی اتروح
حبیبی الدنیا کلها
هیه اوکـل اهلها
فدوه افدیها لوبل حب تشاقینی
لوتحچی الجبل من حچیک ایذوب
یا أجــــــمل بشر یا اغلا محبوب
الشمس من وجهک اتغار
اومنــــــک کل هل أنوار
أذن حگه العگل لجلک یعادینی
کلمات قاسم ابومیلادالنیسی
گبل چان المضیف ایحیی بل ضیف
او من کثـــــر الکرم ما راید الباب
لچن یا حـــــــیف صبح کلا بیبان
طبعها امغفلا او ما عدهه میذاب
قاسم ابو میلاد النیسی
غـــوجک لو یصیر اصیاح عنه
ابعزم و اعله الـکلایف دوم عنه
خل اسمک تـــگول الناس عنه
ثلث تنـــعام گضــای الصــعاب
قاسم ابو میلاد النیسی
گلبی مــــن الظیـــم مـــامن منجلا
او همــــا ضل مکتـوم دایم منجلا
فـوگ ذنی اعضیدی جایب منجلا
یحصد اهروش الگلب یم الوشات
قاسم ابومیلاد النیسی
انته جــــسمک ساکن ابمهجر اکید
لاکن الــــــــــــدلال یمی ابهل گرب
و انه گلبی اویاک ودیته اعله مود
لافـــــــرد لحظه اتصور بل غرب
قاسم ابو میلاد النیسی
اسیــوف الدهر وسط اچلای بردان
اومن دون الخلگ بل صیف بردان
لچـن گمت او عجدت اردان بردان
و لاخلیــت شـــامت صـــــد علیه
قاسم ابو میلاد النیسی
الناس اهل العگل توصفهم اجناس
شي منــهم ذهب شی منهم انحاس
حــــاول مـــن تماشی
ابعگل موحاشی ماشی
اومایعله الصرح لوماتدگ ساس(۱)
الصگر یبگه صگر والبومه بومه
اوفرق بین الــــکدایش والعزومه
دوم ابعگلک اختار
اختـارالعنده عتبار
اوفک عین البصیره اوخلهامقیاس(۲)
الشین ابکل صنف ماینوصف زین
ولا زین ایتـوصف بل عگل شین
کلمن عنـــده ذاته
اویتسما ابصفاته
اوظنه اهل العقیده اتصبح ارجاس(۳)
کلمات قاسم ابومیلاد النیسی
النــــاس اتبدلت مدری شجاهه
دعنه امنـــل ملح عافت رباهه
الوجه لاوین ادیره
الوکت ماخله غیره
اوبدال الطیب بل مال اتباهه(۱)
المن احچی قصتی اوأشتکی الحال
اذا حتی الأخو ایســومونه بل مال
التگله الغیبه طالت
یگول افلانه گالت
کبرت علتی اوهمهم لفاهه(۲)
کبرت علتی امنل عافو الطیب
المنهم حتی راس الیاهل ایشیب
خلال اربع ثوانی
یبدلون المعانی
او یشدون الظهروکت النفاهه(۳)
کلمات قاسم ابومیلادالنیسی
ابــــد لا تــــمن ابـــدنیاک مره
ساعه ولن تجدهه اویاک مره
اخوک الینتخی ابنخواک مره
او تــحزم دوم لل بیهم حمیه
قاسم ابو میلاد النیسی
عتب ما ظل بــــعد بــدنیا موجود
اذن گلی العـــتب الـــــــمن تعتبه
اذا حته التصنعه ابچفک ایخون
یذم بیه الشعــــر و آنـه الأکتبه
بــــــطل یا حمد کفنه امن العتـــــاب تعتب والعتب ما عنــــــده قیمه
الــوکت مو وکت الأول و اقبل ابهای بعض هل ناس موناس القدیمه
حنطه اتراوی الک واتبایع اشعیر او مواعید الصدگ صارت عدیمه
صـــدگ چانت گبـــل ماتملک افلوس لچن غیرت گبل چانت عظیمه
او صدگ چانت گبل من طین البیوت اوحیاطین السلف کلش رمیمه
لچن چــــان السلف کل وکته مهیوب الــزلم خوان وانساهم وسیمه
او گبل چـــــان الــــکرم یفتر بل ادموم الفقیر ایعید ابوکت الولیمه
لچـــن هسه العزایم فخفخه اتصیر نــدورعـــل غنی ابوکت العزیمه
الکرم موقوزی تنطی اوتنهب الناس کریم اتکون لونفسک کریمه
اصبـــحو بعض الخلگ جــدن معازیب لچن مولل کرم لجل النمیمه
واحـــــدهم لخوته ایعزب اعدا او یبـــسط سرهله النـــاس الئیمه
اوگبــــل چانت صدگ تتحاشم الناس ولاتقبل بشریبـــگه ابهظیمه
لچـــن هسه الظلم ما یــــزعج الناس ولا قتـــل البشر ینعد جریمه
الأخوایـــهد اعلا اخیه امحزم اتگول جبیله مواخوامجابل خصیمه
اوگبل چان السلف یلتی فرد نوب طفل بـل بیت لویسحگ صریمه
لچن هسه اتــــدمر گامت اسلاف تــــموت الاف من ناس الحلیمه
صدگ تلتی علیها او تفزع الناس لچن تفزع یخی اتــــدورغنیمه
نذبـها اعلا الوکت وانگله دوارالوکت نفس الوکت لیله او نهاره
لچن شی التــبدل بـــل وکت هاذ نـــفس هوه البشربـــــدل مساره
تجد یومیه هوسه اوعرکه بسلاح اتـکاتل هل خلگ لجل الکباره
الچبیرابعگله یکبرموبـــل امـــوال ولابل هوسه تتشکل حضاره
کلمات قاسم ابومیلاد النیسی
احطنلك گلب ياگلبي کل حین
خاطرلا تحب مثل المجانين
تحـــب الما يحبك
ابسور الهم يذبك
اويقدم لك سگم لوقدمت تين(۱)
یگلبی الما یــــقدرک لاتماشی
ولاتصبح رفیج الطبعه واشی
ماشی الـــذاته طیبه
أبی او طیبک یویبه
اوگبل لاتنخه بیده ایقدم العین(۲)
احطنلک گلب یاگلبی و ارتاح
خاطر لا تطیرابطاری الریاح
یاهوالـــهب نسیمه
ابعجل تصبح ندیمه
اوتبیع السر والک لزین واشین (۳)
کلمات قاسم ابومیلادالنیسی
ابغیــــابک یـــا حـبیبی الظیم بین
علیـــــه و الجفــون اخضاب بین
لفانی الشیب و ادری الشیب بین
قضایه ایـــدلن ابحتــــف المنیه
قاسم ابو میلاد النیسی
بعد بسک یه گلبی اشگد شفت ظیم یغدرونک ولک واتگلهم احباب
چـــنت شجرت عنب واعلیهم افیــای تحمل کل اذه اوتنطیهم اعناب
لچــــن لمن تـــرهو دارو اعلیک او یاهو الی تنشده ایگول حطاب
واحــد گص یمینک ویـه الیسار والاخر لـــدلیل امحـــسب احساب
والأدنا امنل بــگایه ابدال یحمیک یصیح الهم بعد وابـچفه مشهاب
علااحد هم جره الیجرونه ویاک والو فگرک وحید ابوسطت اذیاب
اذیــب اشما صرت ماینصح اویـــاک مایعرف وفا اولا دگت الباب
یـغدرک لوشرب من مــای العیـون لأن طبعه الغدر وامکشرالناب
اولا تقبل تصیرالبـــومه شاهین ولامره الصـــگر یتبـــدل اغراب
الأصیل ایضل اصیل اشمابده ایصیر والکدیش ایتبین بأول اکراب
انصحک یاگلب وانته اقبل ابهای لون رایدصنف واتدور اصحاب
خاوی البـــل کلام ایهـــدم اجبال واحذرک تبتعدمن شین النساب
ما یثبت کلامه اودایم ایـــدوراوعلیه گال المثل یشبه هوه الهاب
اذا وصف بحربی یــرهب الموج حـــتمن هـل بحر یتبدل اسراب
واذا یـــملک ذهب واتعامل اعلیــه یقینن بل أخیرایصبح اتراب
کلمات قاسم ابومیلاد النیسی
یـــدنیا اشما ملکتی اهموم سلمی
الــی اومنهن حبیب الروح سلمی
علیه دوم ابسعاده ارجـوچ سلمی
اوجبــال الظیـــم ذبیـــهن علیه
قاسم ابو میلاد النیسی
حـــب الـــک یتـــجاره مـن لـــب الــدلیل یـــاغزال الحیرت عین المله
انامـــدهوش ابـــجمالک یا جـــمیل واسمـک ابـــوسط الظمیرامسجله
انـــا احــب طولک یه شطب الخیزران اوعینک البامرالجلیل امکحله
اوشحچی عــن شعرک مثل لیل الظلام والخدوداتگول شمس البل فله
اونگلت اجـــدامک تسبب لـی الجنون عگلی منی ایطیرواصرخ یاهله
انا مــنک یا ترف خـــایف علیــک اومـــن تصد الهیکلک گلبی انجله
أدری لیـــش اتصد لل امرایه ابحنان لــن تشوف الحـــور بیها اممثله
انتـــه موانسان حـــور امنل جنـــان اویمـــک املوک الجمال امخجله
اناحــگ بیدی امن اخریمک واطیح اوروحی یمک دوم تبگه اموجله
لـــن ودادی اویـــاک متعدی الحدود اولحظت افــراگک علی ینزل بله
انـــا قیس الغیروأسمه ابهــــواک اوصــار مجنـــون ایتشرد من هله
اناعـــن حبک حـــرت شنهو الأگول اویا لفظ یـــگدر یــراعی المنزله
منوه اریـــد اتمنه مـــن رب الجلال عبده ارید ابـــکل خلوص اتوسله
یـــملی گلبـک عاطفه اوحب اوحنان اوبس طریق البی وصال اتسهله
کلمات قاسم ابومیلادالنیسی
یـــدهری ابهل گلب وجیت برکان
او طبگ بیه الالم و الظیم برکان
صرت ضدی اوخلل خلیت برکان
حیلی او چـــــــتفیت اثنین ادیه
قاسم ابومیلاد النیسی
گلبـــک مــره یــوفی اویای علمه
اوخــــله ابیض مدیم ایصیرعلمه
تره اویل غیرحبک ساس علمه
وانا اشموخ الجبل موجود بیه
قاسم ابومیلاد النیسی
چـــــف الما یشیل اسلاح وایهد ساعت الشده
کون ابـمحکمه القضات تعلن لل خلگ برده
اوچــــــف الیسطرالعیــال لازم بل وقا اتعده
چف هـزبـر یــرهب عنوانه
قاسم ابومیلاد النیسی
لا تضحک دخیــل استر علا الناس
حبیبی اجبـــــال ذابت من بسمتک
امس غابت شمسنه اوظلم الکون
اذن طــــــر الفجر لمن رسمتک
امـــس غابت شمسنه اوظلم الکون
حسبنه اعلا الــخلگ طاحت مصیبه
لـــــمن مـا نظرنه اعلا السبب زین
اثاری انته افرشت طرف الگصیبه
حبیبی اشـگد جمیل امدوخ الکون
اکـیــد انتـه القصر والکل صرایف
اذن حــتی العسل من قرب اعلیک
دنت نفسه او لزگ فوگ الشفایف
من کلمات الشاعر الادیب الاستاد قاسم ابومیلاد النیسی
اذا نب دهــــــــرک ابهمه و جانب
ابهمه او زم زعل گومک و جانب
البغض و الفوز ما یثـمر و جانب
تــهد اویاک لو یتـــــــــک سریه
قاسم ابومیلاد النیسی
ماشفت گالو زمان العین عـل حایب علت
اولا شفت مره ابمکان الفحمه در اتبدلت
لاکن ابهاذه الزمان امثال عکس اتمثلت
والیث امچتف شاهدنا
قاسم ابومیلادالنیسی
أسف عد البعض یعضای شفنه الهوسه مظلومه
عشمه الساعت الکلفات تصهل وصطت الحومه
الطالع صفحت التاریــخ یلگه الهوسه منظومه
لل مـــلگه ابیــــوم الملزومه
قاسم ابومیلاد النیسی
عشت عــــمری غریب ابظلمت الیـــــل صافن والوکت مایبدی صبحه
الــــوین من حسرتی اوتهمل العیــــن واگضی الیل ویه اهمومی لبحه
مره اصبــــرواگولن یرجــــع الـــراح الی او بوم الیون بگلیبی اذبحه
اومره ارجــــع واونن ونت النای اومن اطــوارالحزینه الظملی سبحه
ســـــرح بیه الفکر ببـــــحورالهموم او کواسیه افزعت تگلب مربحه
اعایــن کلها ضدی الدنیا و الناس اوعلیه اعیون وکتی الکل مجدحه
الجرف ویه النوارس ونن اویای اوبچت عین الجبل واتشضه سفحه
او یاطیرالــــیمرنی اویشهد الحال یهل دمع الأسا او یصفگلی جنحه
لچن ناسی القضیتی الـکل ینظرون وانااعیونی الرمدضلت مشبحه
لا خــــــی الفزعلی اومــــدلی سبـــــاح ولاخل العلی گلبه ینصحه
اببحرهاذه الوکت ماشوف شلها
غــــــــدرنی اوفاله بدلال شلها
اخوی السلمیته الــروح شلها
ابیـــــومن حشمت مامرعلیه
یدنیا ادخیلچ اشسویتی بل نـــــــــــاس اشولجل الطمع والغش مطفحه
الگبل مثل البـــــــــلابل چانت اتعیش رغم ظیم الیمرهه اتضل منصحه
لچـــــــــن هسه البلابل صارت اذیاب تگص چف الکرم والسرتفضحه
والگلوب المثــــل چانت لــــدا الناس سوالفها اصبــــحت کلش مجبحه
الأخوایخون ابخویه اوینـــــــکرالزادعلا اصماط الغذا او بیده المملحه
عجیبه اشلون صارت یــــا خلگ های الگبل تمشی عدل تمت مصفحه
والــــــــگلوب الوصف بل خوه لناس عجب هسه الگطع هیه التمنحه
والگبل چانت تشل واتروف الجروح عجب هسه الگلب عمدن تجرحه
کلمات قاسم ابومیلادالنیسی
فــرح مامـن بعد بس نوح واتراح
ابدلیلی اولا تهیــد الروح واتراح
ابسبب یدعج ترید اتشیل واتراح
وانا ابلیاک ناری اتضل سریه
قاسم النیسی
هـــــــاذه الوکت یبرد برد منشاره
اویخسر یخی طول العمر منشاره
لونک تحب تسلم صدگ منشاره
خــل عگلک ابوادی العلم یتبحر
قاسم ابومیلاد النیسی
ولا تغتر لون وکتک صفا اویاک اوعلیـک الناس صاحت حضرت المیر
ترا ابلحظه او تدیـــرالدنیا ویاک اوشی المــــا تحسبه امربــــع ایصیر
واذا شفت الوکت ما ینصــــح اویاک اوحــدر جدمک بده ایشب التنانیر
دگ جـــدمک وتـــد واتعاند اویا اوخله اشما ثگب من عزمـــک ایحیر
عن طبــــع الوکت مظــــروبه المثـــال مثل شمس الظهربینـه التفاسیر
فلـک هـــاذه الوکت وابطبعــه دوار وی لمـــح البــــصر متوصف ایدیر
اذاصــــار ابسلم و ابــــرفقه ویــــاک لـؤلـؤینگلب بچفــــوفک الجـــیر
واذا دارت رحـاته اوعکست اویاک تذب حنطه ابحلگها او یطلع اشعیر
العمربستــــان وصفا ایـــکلف اعقود لمن یـزهی اویضل محتاج تعمیر
لچن لحظة خـــــرابه اتشاهد اشلون حطب یصبح تــره ابسن المناشیر
اوموکلشی الیطیـــراتگله شاهین الفــراشه ابکل ظعفها العلمک اتطیر
ولا کلشی الیغـــــرد بــلبـــل اتــــگول فـــرق بین البـــلابـل والعصافیر
اولا اتـــعاشر بشر واتگله انسان اوفرقــــه اویل نسر بس بل تصاویر
ولا اتــــعاشر بشر ما عنده وجــــدان یحرج بـــل بخت لجــــل الدنانیر
حــــاول من تــــعاشرعــــاشرانسان نفل تحتــــار بـــأوصافه التـعابیر
تصح صدقان لجلک تعتنی الموت اوعله اخیـول المنایه ابشانک اتغیر
اوگبـــل لاتنخه صدگ ساعت العــــوز تخلی ابحگک اتهلهــل شواجیر
اوتصح خــــوان لاکـــن سیرت اذیـــاب مثل خوان یـــوسف بچــوالبیر
او مـوکلمن رجل یتسمه رجــــــال ولاکلمن مــــره ابصف النسا اتکون
یصح واحد رجل بس ماهو رجال یطیح اعله الأرض من فرک السنون
اومـــــره اتصح نـــسا ابساعات الــــطراد تــــهد اویل زلم لمن یهدون
من کلمات الشاعر الادیب قاسم ابومیلادالنیسی
کسفسیـــــــرابظعن مبغض وسایس
صرت لجلک واداری الکل وسایس
گلتلــــــــک هشم اظلوعی وسایس
ابدلیلی ابراحتـــــک بس حن علیه
قاسم ابومیلاد النیسی