ماحنــــت ظهر بلزیــج اهلــــنه ابســـــاعت اطلابه
رمضان العگیلی ایگول اسمــــــعک بیـــت اعتابه
هلی اعلی الیار حن النوگ حنو
من دم الخصـــیم اچفـــوف حنو
هلی مایوم ظهر ابضیـــــج حنو
هلی سیف الابد ما والف اگراب
یلخصم ذول اهلی والعباس سیف الماهوه اگرابه
من ینسل بالک تدناله
الابوذیه :رمضان العگیلی
الهوسه:حسین العگیلی
اخوتی من حلـــو وضعی شفتهم صارو اخوانی
اترکونی ابیوم دهری اویای خان او حیل اذّانی
اخوتی من حلو وضعـــی خوانی
اترکونی ابیوم من دهری خوانی
شنــوحن من الم وفگـــی خوانی
نحیــل ابقیــت من هظــــم العلیه
شنوحن گال العموری نحیـــل ابقیت هسه آنی
من خوتی الکلهم طماعه
الابوذیه:علی العموری
الهوسه:محسن ابو عباس مزرعه
موکل الرجـــــال ارجال بیهه ارجال خوانه
او بیهه الحمل منیطیح کلهه اتصیر عوانه
بیهه ابگبر نومه اهوای لاکت مرتفع شانه
و تشهدله ابهای العاداهه
علی العموری
موکل الرجـــال ارجال بیــــهه ارجال نشمیه
او بیهه لو یصیر ازماط تبچی الخصم لیله
او بیهه بس اسم ریال عیب ابهای مسمیه
ما یوگف لو صارت ظیجه
علی العموری
احسن ظامری للطیب منبــــــــع کرم لخوانی
وسمعک بیت العبیـــدی الجلیل اهوای اذانی
احســــــن ظامری لطیــــب منبع
وفتح باع احـــن لعضـــای منبع
خسرذاک ابرخیص السعر منبع
اخوته وغصـب یغزونه الضحی
خسر کلمن یبیع اعضا عذرن ینطــق السانی
یم مرته و سقطو چفیته
الابوذیه:جلیل شجیرات
الهوسه:علی العموری
یگلبی لا تـــلح ارجــــــوک عوفه البطمع خوان
وسمعک بیت العگیلی حچاعن البعض رمضان
یگلبی لا تـــلح ارجــــوک بس لح
علل خوته شجر عطشان بس لح
یرمی ما یلوح الخصـــم بس لح
جــــربتی وحــــرم المـــیه علیه
یرمی اوما یجــدر زین بلجربه السهم نیشان
طشر کل مای العبیته
الابوذیه:رمضان العگیلی
الهوسه:علی العموری
احکم ابکیـــفک یقاضی او لل بطل شید قصور
اوخلی فرخ البوم یمرح والقفس سهم الصگور
حطها ترچــیه او بــذانک هـل فلــک حتماً یدور
والفاله ابگلبک تلگاهه
قاسم ابو میلاد النیسی
تخیرلک صدیج اخیار عنک یشگف العصه
اذا تگصی العمام اویاک عندک بزلم حصه
او منتعله شبــر علگاع بالک تحگر انصه
کلمن بنصه ایحمدونه
سرتیب باوی
العاش کل عمره ابنفاهه او ما تجدم بل ضنک
لا تحسبه احزام ظهرک والحســب گبلک هلک
لاکن الربته حــــره ابصــــدته ایفــــــــر الفلک
وابحلگ الطوب ایذب روحه
قاسم ابو میلاد النیسی
احنا اهلچ یه های الگاع واهلچ بل حرب شطر
خلینه الخصیـــم ایگـــــوم لیــــل انهاره یتنطر
او یوم انعگلن الاقدام صدگینی ابعجــــل خطر
ایصرخ بل حد خلینا
قاسم ابو میلا النیسی
فرق بین الزلـــم مــوجود و الکل تعـــــرف القایه
البعض منهم بحــــــر مغتاض یرهب لو طفح مایه
او بعض منهم خصال البیه ما یثبت عله احچایه
کل ما یرمش یخلف رایه
قاسم ابو میلاد النیسی
طفل حینه اعلا صدر الموت شفته امطشر اچعابه
اوصوله ایهدشبه صــــــاروخ حتی الملعب ایهابه
مو عجبه امن ابن هل دار وحده ایصـــــدله دبابه
هزت کاروکه ام عصابه
قاسم ابو میلاد النیسی
موکل الرجـــال ارجال بیـــهه بــس جسماًذکر
وبیهه ابساعت البنـــــدارکوسی ابوسع البحر
بیهه امنل صریچ ایخاف وبیهه بلملعب سطر
فلش چم طوب ابمگواره
رحیم المنهل
سره ضعن الاحبهــــم حیف منی اومر تعده ابساع
وصدع راس الگلب منگال شیبت شعرهای الگاع
سره ضعن الاحبه او علی مرمر
وصدع راس الگلب لو چان مرمر
نهل حیلی او ضجت والریج مرمر
حیـــــــن اوداع اســـــود الموزمیه
احس گلبی انجســم نصیـــن یوم الوادعیت اسباع
صــــعبــــه انفــــارگ و الله احیـــــــــود الملزومه
الابوذیه:الشاعر الکبیر اغلامعلی الحمیداوی
الهوسه:الشاعر رحیم المنهل
انا مامد ایدی طبعاً للحفر عگله او وگع
بیها ادری لو امدها راسی بذله انصگع
ما یحمدونه التذلذل بس یحمدون ارگع
شگ هدمه وما مد اچفوفه
ابو سجاد سلامی
خل سیفک علــم منشور یبگه امعاند اگرابه
و اصبح لل خصم ییثوم دایم دمــــر اعصابه
من الشر اجتنب کل حین حاول تنفی الطلابه
بس اعلا الحگ اتعناهه
قاسم ابو میلاد النیسی
من زغری الدهر ویای یغـــــــدر ما نصح مره
شتل بگلیبی کثـــره اجروح وابکلهـن ملح ذره
إبحوافر خیله فوگ اچلای یطحن والطحن فره
یشبه میدان الیزاله
قاسم ابو میلاد النیسی
صگـــــــر ابلا جنح شیفیـــــــد یخضـــــع لل بومه
أو زلمه الما ابظهره اخوان یوگع وسطت الحومه
یضل متوسط الخذلان کلمـــــن ما جمــــــــع گومه
او یبلع گنطاره ابسلاهه
قاسم ابو میلاد النیسی
ما تگمــــــــن گلبــــــی للکع بنفــــــاه امنزلم
ولا عتب خله اعله نفسه او لا صعد لذل سلم
آنه عن شرها ارداسولف ما اهم لــــو ینثلم
لجل اسم اصاحب دلالی
ابو سجاد سلامی
موکل الرجال ارجال بیهه بس حچــی اتحنبط
او بیهه ابطاحنات الکون مثل المسچ هم تلبط
قایس انته های ابهای یا هو بـل فــــزع یزمط
وایکسر اخشوم العیاله
علی العموری
طیری ما طیره ابضباب اولو أطیر کون اصید
صیـدی حــر او ما أبالغ دوم انـــوش عل ایفید
أنا وسط السوره شبچـــی او ما أهمن بل رعید
والطار ابخزره اقبض روحه
قاسم ابو میلاد النیسی
هاج السومر امنجدید وضل دم یرضخ امچانه
وضح علته ابن منهل رحیم وعــــــدّل اوزانه
دفگ وانزف نزیف السیــل یرحل
الگلب من حیث چف الکرم یرحل
یدهری من تجرنه ابحزن یرحل
هلی اعناد وصمود ابکل قضیه
ابکیفک یا دهر جرحیل عدنه الحزن عنوانه
نصمد ونعاند بلنیبه
الابوذیه : رحیم المنهل
الهوسه : ابوسجاد السلامی
الو تسمع صهیــل الخیل والغاره الخصم شنها
دگ جدمک وتد بل گاع و اخیــول العشم عنها
ضل اطحن زلم بل کون و اسیوف العزم سنها
برگاب الگصدو عیاله
قاسم ابو میلاد النیسی
اللفض کلمه اوما رفضهه ابشاربی اختی ادللی
عل موت الحمر یمشی ابیــــــوم صدهن مایلی
العنده موقف لوتحـــــــزم صوته بطگ یعتلی
لو طار لموت اقبض روحه
رمضان العگیلی
الک حــــــب ابدلیلــــــــی ایدورماینقاس اقیسنه
حیث اویل عگل مدیوف حتــــی ابــــدمـی احسنه
اصیح ابصوت اسمع الناس تدری ابگلبی شتمنه
للموطن روحی اتفداهه
قاسم ابو میلاد النیسی
صدیق الچنت ازامط بی واثق بی میـه بل میه
وکلته الملـــح بیــــدی اوعلی دلــــه الحرامیه
غشیم اوچنت اظنن بی تچه ایصیر ابعسرلیه
تچانی اوگلهم لموله
رمضان العگیلی
موزلمه الیجیه الغیض وکـت النیبــــه مایشتد
وابوکت الصلــــح یعنـد ابد مــن غیضه مایرتد
ارجل ینعرف بل اخلاق والخصمه ابنظر لوصد
یجدح باروت امنعیونه
رمضان العگیلی
المواقف للزلــــم عنوان بیهن تکبـــــر العزه
واکید المهــرته اکحیلـــه یغیــــــر اباول اللزه
البی شمرت زلم معلوم مثل الجبل شی هزه
کلما یحتر شبت ناره
حمد العموری
نایح مایرید احسیـــن لالطـــم او دمــــع یجرا
حیث الکل نعرف احسین بل جنه ارتفع قدرا
منک بس ایرید الحید دین المصطفی اتنصرا
والعشیه ابذل ما تهواهه
قاسم ابو میلاد النیسی
تنول العزیخی بعضـــاک کل اهــل العگــــل تعنی
اوکلمن عگل عنده اوسیع یدری الهل چلم معنی
الوتجمع شملهه الگـــوم بیت امنـل شـــرف تبنی
محیوکه ابمرمر سیسانه
قاسم ابو میلاد النیسی
لواصاحب زین اصاحب ابــد مـــا صاحب غبر
حتی لو لاوانی دهــــری الــــوی بی چف ادهر
ذخری یبگه ابیوم ضیجی ویهدلو صار الخطر
جدامی اتشاگف چفینه
مصطفی کثیر
الصان ارضه ابزود عزمه اوراسه لذل ماهبط
کوسی اموصــف ابشطه الزوری ابــــدا مالبط
العنده غیره ابیوم صدهن عرجه لو بطگ نبط
بحماته الموت ایظم روحه
رمضان العگیلی
الیوگف من تریده اشراع وابعز ماخلف وعده
المثل گایل ثلث مرات یسوه الگومــه والگعده
خل عگلگ وسیع ایکون شان اهل الفهم صعده
والما یعرف سدالکتابه
قاسم ابو میلاد النیسی
امگیده ابچفــــی القریحـــه اوچتفـت بال الچلم
اوعل ورگ صفنت اعیونی اودمعت عین القلم
صوت ثار ابطف خیالی اوچن شفت راعی العلم
عباس الشط کبر مایه
رمضان العگیلی
العنـــــــزالعنوان صیته اوخیله بل ملعــب تغور
یفدی روحه اعلاالحقیقه اودمـــه لجل العزیفور
والماعرف معنه القضیــه او ما تبحـــــربل امور
اطرش بلزفه ایسمونه
قاسم ابو میلاد النیسی
الخوه مو فشــــــگ الشـــداده البلکلایف ما یثور
الخوه سیف ازماط عزمی البات بضلوع الصدور
الخوه چانون ابدلیلی وگمگــم ابکتـــــــره الیفور
مهیوب ایدنک لدلاله
کلمات الشاعرالمرحوم حمد ابویابر العطیوی
من مشت اخت الافاعی اویه السبایه امیسّره
حزّنت کـــــون ابحــــزنه و العقـــول امحیّـره
ریت اخوهه الباز یرجع وایده ماهی امطبّره
چا داس الکوفه او رک بیه
رحیم ابوجساس المنهل
الزینب صار ابومو بس خی اله
وچان ابرایتـــــه ایغطی خی اله
خیـل الحــــگ گمـر هاشم خیله
ابحوافرها اوگعت گوم ال امیه
صار ابو زینب الحـــره وصار والد لخوته
وظلهاما ینشاف چان ایغطی ظلهه ابرایته
خیله یـــوم الجیش عسکر بلحوافر طمته
حاطت عباس الخیاله
محمد جاسم الهلیچی
افنی الباطل الملعون والعایل یرد مهزوم
انا ابن التندبه الناس حید البل حرب معلوم
زینب خویه عد عیناچ انا ابکربلا الجیدوم
اوعباس السقا ایسمونی
قاسم ابومیلاد النیسی
زینب نادت العباس راعی الغیره یا ضرغام
گوم اجدم یسبع الگوم وارفع رایت الاسلام
صاح ابصوت عدعیناچ کل اهل الکفر تندام
واجیوش الباطل افنیهه
قاسم ابو میلادالنیسی
الشجاعه امفصله تفصال من حیدر ورثهه الحید
او کل ما یصرخ العباس من صوته الرجال اتبید
یوم الهد علی الجیمان چن صگر ابحبار ایصید
کل عشره ابسیفه ایشگ بیهه
من صاح ابغضب عباس شتت کلهه ذیچ الگوم
زینب من تنخت بیـــــه وگالت مـای ارید الیوم
سیفه چن صگر یوعان گام اعلا الرجال ایحوم
من زینب گالت عطشانه
من صاح ابغضب عباس حتی الخیل سکتهه
گامت بعد ما تصهل یــــــوم الصــرخه سمعته
عضید احسین شاف اخته ابضمه اتفطرت شفتهه
شگ صدر الشاطی ابچفینه
من صاح ابغضب عبــــاس ضنو حیـــدر الی صاح
المیت یرجف اعلاالگاع والحی سوه سکته اوطاح
غرفه من خذه ابچفه الفرات ابغیــــرت الچف فاح
واتــــذکر عطشـــــان اعضیــــده
من صاح ابغضب عباس ماضل ابجسدهه انفوس
فرت کلهه من سیفه و الخیل اعلی خیل اتدوس
ضل یحصد ابسیفه احیودوشتت من جثثهه اروس
و الروس ابسیفه ایذریهه
من صاح ابغضب عباس منه ارتجت الکوفه
صاح آنه ابن داحی الباب ابوی افعاله معروفه
الما شایف علی ابخندق الیوم ابکربلا ایشوفه
عباس ابحیدر هدّاته
رمضان ابو حیدر العقیلی
سهم حزنـــــــک یامحــــــرم نبت بعیونی اوکبر
وچن تشب نار ابدلیلی امن اذکر اوصاف الگمر
خویه جیب المای صاحو اچفوفه طاحن عل نهر
چن زینب عطشانه اتنادی
عقیل ابومسلم النیسی
حاتم بل کرم معروف و ابداً ما یرید اشهود
لچن حاتم بذل بل مــــــال ماگالو بذله ازنود
بس ابکربلا العباس دگ حد الکرم و الجود
جاب الشط لخته ابچفینه
قاسم ابو میلاد النیسی
جفنی الیــابس امن اسنین مثــل القیمه طلّ امطار
العمد صوت النزاهه الباح فمه امنل الحقیقه اسرار
یضل اسمــــه علـــــم منشور شبه النخله حی ستار
والعــــربی ایــــرتّــل هوســـاتـــه
رحیم ابوجساس المنهل
الخوّه مشتوله ابدلیلی او تنتظر غیم اومطر
اوثمّــرت رجّــه ابصباهه والوفا ابفیهه اننثر
قدّمت صلحی ابزعاجک صوتی یم اذنک عثر
ماتسمــــع خـــویه ارجـــع لینـــــه
رحیم ابوجساس المنهل
دم ســال الجفـــــن ماسال بسما
ولاسنی ابتسم من صدگ بسما
یعت وتصدعت وعسرت بسما
اطلبت فدیـــوم لو مــدیت ادیه
حبیب ابومکی العدگی
دم سال الجفن مومای احسن فقط من عینی
ولایــــــوم ابتسم سنی صدگ ولظیم قاطینی
یعت وتصدعت مهما اوعدیت اباسه اسنینی
بس ما اذکرمدیت ایدی
حسین الزبیدی
توجه للاصــابع زین بیهن تلگه چم حکمه
منهن اربــــعه ایگولون ما بیهن یفل بزمه
امکترواحدالهل حین بس ابوکت التحشمه
کل شغله العندک یگضیها
توجه چف یمینک زیـــن بیه احروف مکتوبه
زغیر اعضاک لو مفسوخ ایدک تضل معیوبه
کلمن باهه کل اعضاء بیــهن حصل مطلوبه
کل عجده التکلف حلاهه
یصــــــح بیــن الزلم رجّال صیته امامن الدیره
وجبان ایصح سبع مرات راسه امطلگ الغیره
تخیّر بل ربــــــع وفّای صاحب یعرف السیره
و اعداک اسلال ایحط بیه
رحیم ابوجساس المنهل
اتخیلت حاضن حبیبی وچن لمست اشفا بدی
اتبخریت ابعطر زیجه اتگول عنبر هب علی
لحظه وایفلت ابخیالی ما شفت حاظنلی شی
وعدیت الیل ابحسباتی
مهدی حیاوی
گوم شد حیلک یصاحب عین اخوک اعلاالسده
واسرج الخیــــل الاصیــــله لا تدعـهه امحدده
خلی ایــــد اب ایــــد نشبـــج لا تشتتنه العده
واحدود العز طومر بیهه
هادی ابوایاد الاهوازی
ابزور ما واحد تعله ولا صبح صاحب اسم
یعلــــه کلمن لم اخوته و بلفلس ما یستهم
هــذا هوا الفاز بیهه و لو ندب یلگه الزلم
جدامه اتهوس بلحومه
میلاد البدوی
حبــک انداف ابظمیری او هل عگل صدر قرار
أنتـه اعز کلشي الأملکه او هل بعد منک مرار
أنا ملهوف ارد اشوفک حتی' لو لیل او نهار
ما أشبع شوف امن اعضیدی
کلام اهل العگل معروف یعني السانک احصانک
إذا صنته یصونک دوم و اذا هنته ابعجل هانک
إذن خلي العــــــگل سکان هوه ایحرک السانک
و ابکیفه ایدبر چلماته
إلوکت لو عزم ایلاویک و اسیــــوف الغدر بیده
إشبــــــــگ یمنته ابیسرا او حط المشنقه ابجیده
گله الغیره من عباس عندی او خوت اعضیده
و الموت اعله الحگ اتحدا
إلوکت لو عزم ایلاویک و اعلن بل فتن غاره
غرگه اببحر عگلک گوم حتی' ایضیع تذکاره
چیل ابیمته امنل عار او خلي الذله بیساره
او موچابک خل یذکر یومه
إبزور ما واحد تعله او لا صبح صاحب مقام
یعله کلمن لم اخوته او ما یگص زور العمام
الخوه منشار اتوصف تاخذ او تنطی الوسام
و الما دبر یعثر بیهه
إبزور ما واحــد تعله او لا صبح صاحب بخت
یعله کلمن ذاته طیبه او نفسه لل حگ انتخت
إلما یجـــــد ذرّت حمیه لو یشد کاره ارتخت
و الشدهه الحر ما حلوهه
إبزور ما واحد تعله او لا صبح رمز الفخر
یعله کلمن شان حگه ایشلع اعیون الخطر
إلعزه عنها اگحیله گالو تطرد ابسوح الظفر
تصهل و اترید الخیاله
إلراید یکسب العنوان و ایطگ لل قمم شانه
لازم یجـــــمع الخـــــوان حتی' ایعلي عنوانه
مو هوه المثل مظروب صگر ابلایه جنحانه
حتی' امنل بومه ایظم روحه
إبزور ما واحد تعله او لا صبـــــــــح رمز العله
لن الیـــریــــــد المعالی ایـــــکون راعی المرجله
عنده صلحه اوصاف تحصل چلمه التظر و الأله
یحچیهه الگصت زردومه
کلمات قاسم ابو میلاد النیسی
سرجت خیـــــل القـــــوافی التـــطرد ابسوح النظال
صحت اریدن هوسه وحده التحچی بوصاف الرجال
لبّن الدعوه الاصـــــایل واصهلن شرجی او شمال
هوستهن یعرب غیراوی
ابچلت ایویرد اخوتک تحضر او تصبح دفو
بیهم انته ایزود عزمک و النعم عزم الاخو
تجدم اعضاک ابوکتهه و العلیک التف لفو
یتبره ابیوم الملزومه
کلمات قاسم ابو میلاد النیسی
طبعی ما عوف الـــکرامه او لا أزل او یه الصدیج
روحی فدوه اتروح لجله ا عیب اعوفن هل طریج
أعبر ابــــحور اعله موده او ما أهاب امنل قمیج
و السوره الیت ما هم بیهه
ألطبعه ینـــوجد بل ذات یفرق من المطبع
و الابس بشت و اعگال یعزل عن المگبع
مو شرط الفهیم ایکون سدر الگعده یتربع
ینطق و ایعرف عنوانه
کلام الگالته العــگال ثابت کل وکت درسه
یصبح لل خلگ مذموم کلمن یمدح ابنفسه
ألخیر ما یعینه المال و لا یتعرف ابلبسه
من فهمه الناس ایعرفونه
صیر لل خوان زمزم و احــضر ابوکت الظمه
و اصبح اعیون العضیدک دله بل عز لو عمه
لا تگص ابزورک انته ابــــحیث تفال السمه
کلما یبعد یرجع صوبه
أخذ حچی العگل یا خوی و ابد لا تتخذ غیره
لأن عد العــرب معروف زاید کل وکت خیره
لجل هاذه السبب ینگال حچی اهل الفهم لیره
او حچی اهل الباطل زنجاره
یا زمان البـــــــــوم گالو گام یطرد عل صگور
او یا زمان الشات یزگح عل أسد و ایتم جسور
چانت ابحد الســــــوالف لاکن القاضی الشرور
خله الموگدهه ایگول آنه
کلام الگالته العگال یبـــــــگه لهل العــــز سند
تعنی اخوک احزام ظهرک و الأبو البیتک عمد
بیهم اتنـــــــــول المعالی او أرد اگولن هم بعد
من دون اهلک مالک قایه
کلام الگالته العــــگال واحـــــد مــــا یصیر اثنین
گبل طگت الخشم یا خوی دم تهمل دموع العین
الأخو احزام الظهر منعوت خله القاسیات البین
او لو صار الصد حیی ابزوده
کلام الگالته العـــــگال یبــــــگه لهل العز حذر
تعنی ابوک اسراج بیتک و الأخو احزام الظهر
أفتح اعیون البصیـــــره او من بعد دیر النظر
بعضاک العز کله اتنوله
مد روحك جسر لعضاك و الهم خلها مشتاگه
وايضاً خل حنينك كـــون يشبه حنت الناگه
الصگر مهما يريد ايصير لون ما عنده سباگه
حته الخطافه اتشل حاله
طبع بیـــــــــــه اعتنی الطیبین و اگصد کلمن امشید
و اخاوی البی حمیه اتکون گلبی ابهل صفه امقید
خصیم الیعرف المعروف أحسن من اخـــــــو امکید
عگال العالم گالوهه
کلام اهل العگل بستان یزهي او لا تظن یذبل
جرب و المثل مظروب جــل اهل المجد تنجل
صیر الثایتــــک فلاح أنهض و الزم المنجل
و الما ینفع حش اعروگه
خل اسمــــــک علم منشـــــور دوم ایـــرفرف ابغیره
او خل دمـــک مثل برکان یســـــــری العزت الدیره
المثل گال الوطن ناموس ریت ابگصته الف جیره
کلمن ما قدر ناموسه
خل اسمک علم منشور بحــــدود الشرف عالی
او خل حنضل أهل نخواک بریاگک یضل حالی
تدری اشگالت العگال ، شاجور الیضل خالی
ما یحله ابعین التفاگه
لچنی العوز و انجبریت احوفن و اخلف السیره
لزمت اسلاحی تالی الیل و افتر گمت بل دیره
وعیت ابروحی مانی افلان ذاک الیمتلک غیره
و العوز اعلا الذل بدیته
خل خلگک فره لعضاک و الهم عبــر العیله
و اصبح عیدل الخوان حتی' اتــــــعدل المیله
أخوک اشما یرید ایصیر ضدک لو سمع چیله
یجدم و ابسدره ایلاگیهه
أمثال العرب یا صاح کلها امأیده او حلوه
مثل باگة ورد فواح تنطي الکل گلب سلوه
تمطر عل حلیم ادروس و اهیا اتکتر البلوه
من گوم الیعرف معناهه
شفت قاضی اعله حکم اثنین ضل ابحالت الحیره
حــــرامی الگاصد امن ابعید ویه امعزب الدیره
ألحـــرامی ایعف علیه ایهون لاکن فاگد الغیره
حتی' الحواف ایرجمونه
ألیمشي ابحیله ویه الناس او لزم حبل الفتن بیده
صدگ و اعتقد یا خـــــوي حتی' ایحایل اعضیده
علیه گال المثل بـــــزون طبعه او کلشي میفیده
یاکل و ایکسر ماعونه
أسئلو من حته ابــــــزمانه اشلون تعرفهه الرجال
گال ثلث اشروط عـــــدهه الأوله جود البل دلال
أو ثانی شرط التلگه عدهه ایکون تتلگه النبال
او بمظیف الحگ تعجد رایه
ذاتن اتــــکون الجـــــساره او ماهي ابکبر الجسد
و الیــــربی الشات گله الشات ما یصبـــــــح أسد
هاذی من باب النصیحه او ماهی من باب الحسد
بل ملگه ایبین راعیهه
خل اسمک علم منشور غیره ایرفرف ابحدک
او خل یصبح مثل لناس بحدود الحرب صدک
لا تخضــــــع لون دنیاک کلها اتواچبت ضدک
مثل العباس اتحداهه
طبعی بحــــدود الصداقه اتخیر الیملک وقار
ألیوگف ابوکت المجدیه او یطبر ابعلو النهار
هاذه حر الکل تعرفه ایعید ابصید الحبار
یشهگ و ایصید ابعالیهه
قاسم ابو میلاد النیسی
خاوی البی حمیه اوزود یسر یوم الوقا الخاطر
واسولف بیت اخذ توصیف بلفاظ النفل ناصر
خاوی البی حمیــــــــه منتخاوی
الجعل جلمود عزمک منتخاوی
الردی اطباعه اتخاذل منتخاوی
صدیج ابوکت ضیج وگطع فیه
یقاتی استوعب الموضوع بالک لا تضل کاسر
عل ما یوگف یوم الضیجه
الابوذیه:کلمات الشاعر ناصرابوماجدالفرطوسی
الهوسه : کلمات الشاعر المبدع علی العموری
خادم الخوان اصیرن و افخر ابهاذه الأسم
و العسل لو مانی یمهم ینگلب بشفافي سم
أدخل الکون الأجلهم حتی' لو أدری انجسم
ما گولن أوف الخوانی
لجل الخوه اضحی الروح و ابدن ما أعرف الخوف
او لونهم قصرو ویای ما ضجـــــــــن و اگولن أوف
أبسبب أدری المثل مظروب توگف فوگ اهلهه الطوف
ما توگع فوگ البرانی
توگع فوگ اهلهه الطوف هیچ اهل العگل گالت
أو لون الأید وحده اتکون لا تقبل حمل شالت
لچن لو صبحن چفین اذا أید الخصم طالت
گصنهه ابزود امن اذراعه
قاسم ابو میلاد النیسی
لجمع هوسه ارد اهوس بیهه ما فرق و اخص
یعرب العنـــــــــوان واحد و الشتات اکبر نقص
چلمه خلیهه اعله بالک کل مگص لمن یگص
ما تحصل خله ابصوبینه
من کثر العزم یعضای هاون بل عگل یدوی
و الکم حن دلیلی ایکون حن الیمل لل بدوی
جدمی الکم یضل ابشوگ لدروب الخطر ینوی
او لل موت الکم ما عز روحی
ما أظم سر اعله گومی او لا بعت سر العدو
أو عندی کلمن غیره یملک و النعم ینعد اخو
طبعی افخر بل نشامه او لو شفت واحد کفو
لل موت اتحزم جدامه
عود نفسک اعله الطیب واسعی لل حگ تعتنی
و انثنی التکریم ربــــــــــک لل بشر لا تنثنی
ألعزه ما تییی ابسهوله ابشق النفس تنجنی
و الما یتعب لا یرجاهه
أفتح لل کرم بیبـــــان او باب البی فتن سده
و الراد الکرامه اتضیع صیر ابکل عزم ضده
إخذ درس امن ابو الأحرار یوم الکربله اتعده
حتی' العز صاح انا ادخیله
ألو أسمک تریده الصیر خالد و ابمعالی ایدور
لجل الحگ مثل برکان خل دمک یضل ایفور
أصبح لشرف صیاد ، صیدک خل یصیر اصگور
و البومه ابعد لا تدناهه
حط بالک عله الخوان والهم رخص القالی
حتی' ابعین اجل الناس تصبح کل وکت عالی
ألفخر مو لل یلم المال و لا لصاح یا مالی
لل یوگف سده الخوانه
کلمات الشاعر قاسم ابو میلاد النیسی
ما أعز روحی اعله گومی او دوم اکرر هل کلام
ما شفت شي ابحیــــــاتی ایعادل او سام العمام
أهمه تاج الغیره طبعن و النعم لل عز وسام
واعگال امعدل عل هامه
کلام الگالته العگال بیه امنل حکم گاره
جرب و المثل مضروب عمی الخیل عثاره
بس اهل الفهم و الجود عن الزله غفاره
و الشینه ابحدهم مستوره
حکمه بل أمثال تلگه البل عگل تسکن مدیم
عن الیــــــویده الینشدک گول حضن امنل صریم
یحضه بیها الصان بخته او بل عرف ینعد فهیم
و النار ابعگله ایطفیها
أوگف لل وگف ویای و اشگف ساعة الملگه
و الو دردم صریچ الماو غیر الفوز ما یلگه
أدگ جدمی وتد بل کون حت لو صبحت زلگه
و الگال اتزحزح غثیته
أصبح مخزن الأسرار او سرک بل گلب ظمه
و الراد الهظم لعضاک بچفـــوف العزم غمه
فجّر لل کرامه اعیون او بیر البی فتن طمه
من حیث الذل یجری ابمایه
عندی دله اسنین چانت تهمل الضیفی اگهوه
الماتمل منــــــها یسرتی ولا الی چف انچوه
من اصب بیهاابمضیفی تصبح الضیفی دوه
ویتشافه ابسرعه ویچسیها
انطرق بابی ابیوم لاکن گلبی شوحس ابخطر
جــــــــــانی یاری یریدمنی دلت العزوالفخر
گتله اوگف خلی اگـــــلک ولنه ابحچی طفر
ابساعه انــــردالمطلوبه
رحت ابهم عله الدله شلتهاوطاحن ادموعی
وتذکرت ابمواقفها یـــــــــوم الهدعلیه یوعی
خذته وگتله هاک ارجوک بس لاتنسه موضوعی
من اهلی و وصلت بچفوفی
راح اسبوع ماشفته و لاوصل منه الخبر
رحــــــــت للبیت اسئلله گالوالبیت انطفر
انبگنه والحرامی فات وصاحبک طاح انکسر
ودله انبــــــــاگت بلبـــــوگه
عبدالله ابوسجاد سلامات
غیره ما تلگه ابوجوده او صیح باطل خوته
خاوی الیجد ابوکتهه او جود تنگط گهوته
او دیوانه ایحیی ابخطاره
إلما یگص ابزوت اهله او یعرف اسیاق الکلام
طبعن اینول المعالی او یکبر ابعین العمام
های چلمه او بعد اگله الراید ایحصل وسام
لو نار الحگ یرکض صوبه
أخوک اشما یرید ایصیر ابد لا تکسر ابعزمه
حیث ابساعت الکلفات بیه العایل اتهزمه
درگه ایصیر الک بل کون ؛ سیف البیدک اتلزمه
و ابیوم الملعب تطبر بی
من عودی اسمعت چلمات اگلک بیها و اتفیدک
روحک و التملکه اوصیک خلهن فدوه لعضیدک
علیه یبني المثل مظروب سیف الیلمع ابأیدک
و ابیوم الملعب زامط بی
قاسم ابومیــــــــلاد النیسی
التابعت صنــف الصداقه اونسخه تطلب للوثاق
لازم أن تعرف شرطهه اوتوگف الضرب العناق
المالک اخلاص ابصحبتک شنهوجبرک لضیاق
موگدهه اعلیش اتلاویهه
ما اذم قصدی الرفـــــــــاگه لاکن اعلم هلدرس
یجد طمعی اببین ربـــعه ابصدره سرماینحرس
بلحشیم ابأذنه گطنه اومن تعزمه اعله الفرس
ابطگت المس یحظربیهه
الرایداتحقق ابنیتک روحه متریدالشرع
موخصال الذیب طبعه الزین هزبربطبع
بلعسروالعوز یمک بلفزع یصبـح درع
جدام اسهام الرمایه
جلیل شجرات
کلف بحرالصداقه اهوای موکلمن یجی ایعبره
ولا یوفی اب وعد ویاک کلمن عل وفا اتجبره
یصح واحـــد حلیم الذات هوه اومدته ایطفره
اوواحد بل راگ ایشیعونه
کلف بحرالصداقه اهوای موکلمن یجی ایطره
ولا کل الصـــدف بل کون قطعن یمتلک دره
یصح واحد مثل لناس وشلت مــــای التفره
او واحد لسوره اینـــدبــونه
كلف بحر الصداقه اهواي مو كلمن يجي ايطبه
ولا كلمن يسيــــــر اوياك يسكن بل گلب حبه
حاول بل زلم تختار صاحب يــــــفدي الرگبه
لو شاف ابحــــدك عــيـــاله
کلف بحرالصداقه اهوای موکلمن یجی ایفویه
ولا کلمن یطب الراگ ملگه ایــــلاگی الرویه
أذن خاوی الیجوز اعلیه تلفظ چلمت الخویه
اولوصارت سوره اتکض ایده
مرمرسیس الوجدان اوحایــــــط لشرف علي
اوعزت نفس کل مصباح لازم عندک اتخلي
هوس لوشفت عیـــال عمرالــزاید ایـــولي
والمــــوت ابعـــز اتعناله
طالعت تاریخ اهلنه اوشوف عل هوسه اشیگول
الهوسه بحدود الکلایف هــــــوست بیها الفحول
الهوسه صمصام العروبه الگطعت ارگاب النذول
اوبیام الصـــــد هدو بیها
هوسه لهل الغیره اهوس واستلم معنه الکلام
کلنه من یعرب نسبنه اوبــــل اصل نرجع عمام
بل حرب نعگل طبعنه اویشهد ابحگنه الحسام
العایل یرکع خلینا
شفت کارون ابوالخیرات چــان ایــحیی بظیوفه
دجله اویل فرات اونیــــــل کلهن حاطن اجروفه
صحت شط العرب چاوین روعت گلبی ماشوفه
لن صاح امعزب خوانی
فرق بین الطیوراهوای منهن بل وصف شنقار
اومنهن ضل مثل لناس بس یعرف یصیدالفار
اذن خلی العگل میزان منهن لوردت تختار
الحربل ملعب زامط بیه
خاویلک اخو البل ظیــــج یحضر بالک ایریحه
او جبل عنه المثل مظروب یاهوالیگدر ایطیحه
مو ظلمه العهد ویـــاک حتی ابصایح ایصیحه
بعیون اعداک اشتل شوکه
الما رحم بچفوف اخیه او گصهن ابوکت الصلح
هاذه شتظن لو تـــــــکرمه ایقزر ابعینه الملح
عوفه لا تگرب دنوته اولو شفت صوبک یلح
عن لا یطمع بزه ابعینه
مد روحک جسر لعضاک و الهم خلها مشتاگه
و ایضاً خل حنینـــک کون یشبه حنت الناگه
الصگر مهما یرید ایصیر لو ما عنده سباگه
حته الخطافه اتشل حاله
الچان ابحد عمامه اوسام واموصف یطلع احگوگ
اشوبعده الوکت ما دار وافتـــــکت علیه الحــلوگ
سوهه الاهل ویاه مثــــــــــــل ما ینعمل بل نوگ
خیرهم لازم سچینه
صدیجی الچنت ازامط بیه وافخر من اجیب اسمه
واگولن لو یثــــــــور الکون حتی ایبدل القسمه
اشو گبل الفزع بسبــــــوع طار ابهبت النسمه
او یم خصمی امبسط بسراری
صدیجی الچنت ازامط بیه و اعده ابعدت اعضیدی
و اگولن لو یصیر اصــــیاح یصبح صارم ابایدی
گبل لا توصل العدوان حط المشنقه ابجیـــــــدی
او لل وادم ضلت سالوفه
خادم الامجاد اصیرن و اخدم الیملک وفا
العنده موچاب ابوکتها او دوم ثابت موقفا
عودی وصانی ابکلام او گلی یبنی اموصفه
عینک میزانک گالوها
لا تجفی او یه اخوک ارجوک لو شفت الوکت موزین
دگ جدمک وتـــــد بل گاع و اشگف عنه سهم البین
اوگف وگفت العبــــــــاس یومن ضحه لجل احسین
شب نـــار الذله ابــــعدوانه
الزین چنــــه الکل نجله او ینحمدبین الربع
و الغبر طبعن نذمه او ینوصف شین الطبع
لاکن اتبــدل زمنه او عل اسد شفنه الظبع
یزگح والناس امایدینه
خاویلک اخو البل ظیج حمل الیکلف ایشیله
او گلبه ابیض مدیم اویاک ما یتعامل ابحیله
الک یوگف وتد بلکون و اسمه ایسدر العیله
اوبگلوب اعداک ایحط خوفه
من کلمات الشاعرقاسم ابو میلاد النیسی
غار اعله الحریبه وصال جندل مارد ابهده
نفض سم الرمح بچلاه وفوگ امنلمهر شده
عباس و کفو ابعباس یاهو الیگدر ایـــرده
لوهد ابسیفه یمحی اطف
عبداله ابوسجاد السلامی
گمت احشی ابنهار الصیف وصرت للوکت مرجوحه
امغمض چـــــنت الـــــوح الطیرهسه الیمل مالوحه
صارت ماصخـــــــــــه العیشه بعد ماظلت املوحه
والمایـــــسوا ایشیل اذراعه
علیـــــــــــــــهل بطل ملامک و الغبر اترک هوا
المایعرف الصگر شنهی استطمع ابلحمه وشوا
گوم الیفهمون راقی ابحد مجــــــــــد رفرف لوا
خاوی ابعز لو ردت اتخاوی
اخـــــاوی الگدهه کون اگدود وابدن غبر ماخاوی
ایتحنبط ادری بس یمی ویغش من عویت الواوی
عمی امبین امنبعیـــــــــــد لیسه الدگل خستاوی
ومو کلشی التلمع ذهبایه
ابذیــــــــــل المجلس اگعد دوم موذله وفخر ادری
الزین الما علی منـــــــگود موبس یلبس البدری
الغبر بومه ابصدر دیوان لوحلگ جنح صگری
یخرک من طگت چلماتی
هیثم مجید الحزباوی
اوگف ابطگهن وبیــــن یومی لو صـار الزماط
للوفی وللزین دایـــــــــم اعتنی ابرجلی الرباط
عیب من الموت اهابن لو احس عندی انحباط
بلملگه امحــــــــــــزم تلگانی
حسین ابونواس حیدری
عــــــــــاگه او عبـــریتــــــه او علمیتــــه اوفای
علمته الرمی بسهــــــام واسهامه انبتن بحشای
یهل گاعد تعدی الروی هم حسب احساب الجای
من تضخن یاهو ایطب بیه
من کلمات الشاعر الکبیر حمدالعطیوی الحمیداوی رحمه الله
بچینه امنل بیابی ادموم وین الوعد وین الثار
یقیناً انته هسه اهنا وحگ طاها النبی المختار
دلزم رایت العـــــــــــــباس بیدک و الزم البتار
یلمهدی و خل ناخذ ثاره
دنهض یا عزیز الروح و اصرخ صرخت العباس
ناخذ ثار ابوک احسین ناخذ ثـــــار ابو النوماس
ملینه الصـــــــبر مولای ابصدرنا ذاگت الانفاس
اظهر یلمهدی و هد بینه
اعلن لل حـــرب مولای بینه وهد علی الکفار
تصح بینه رجال الویل تمشی ابنهج ابوالاحرار
لان انحس بعدنا الــیوم ابصدرنا نابت البسمار
ثار الزهرا انطالب بیه
کلمات رحیم المنهل ابوجساس
گعدو اکبارات امیه و صارت الهم مشوره
فارس ابگوم الحسین ابلقب سبع الگنطره
ایقدم الشط ایتحلف لختـــــه مثل الحیدره
من شال الخیبر لل هادی
عمر ابن سعد ایتلفت لل گمــــــــــر یطلب جبیل
شاف زلمه ابگومه مامن ینتخی ایلاگی الکفیل
لحظه لن مـــــــارد تحزم باچر اصیاح الدخیل
یوصلک من طبرت سیفی
یمارد منـــــــــک الحضار گله ابهای مدیونه
چیه باچر ترد عبـــــاس جثه ابظهر میمونه
بس ابهای ارید اوصیک لتحط عین بعیونه
چیه ملک الموت ابخزراته
جـــفن ماطبگله مـــــــارد سهر لیله او ماقفه
طلع صوب الگمــــر مارد ونطه للعسکر گفه
شعره موخاطی الی گله او عمر زین اموصفه
چیه سهون حط عین ابعینه
زمخ عل مارد العباس کظ الخوف رجلینه
چبیرک ما عرف یوصیک لتحط عینک ابعینه
من لحت ابظهر عشمای تدری اشطلبت اسکینه
عباس المارد گص راسه
گله فلتات اللسان الخلن ایــــزامط عمر
اوگتله عد عیناک باچر آنه چتال الگمر
بعد ما خلا یکمل شافـــــــو المارد حمر
من دم الطایح من راسه
اربعتکم گعدو یمی ابصوت تنخــــه ام البنین
ابوگفه یم احسین احلل تعبی کل های السنین
بیضو وجهی ابهای اریدن یم امیر المومنین
و الزهره اتبشر وفیتی
اربعتکم هـــــــــــــدو اریدن مثله هدت الاربعه
او جیبو ابشاره الحسین انفتحت النه المشرعه
گطعو اصفـــوف القیاده ابشکل گمطه الگطعه
عباس الزینب بصیاره
نظر نظریت اربعتکم کله لعیـــــــون الاخو
اومایوافی ابوعده اسئل للی خاله امنل بدو
احسین اریدنه ابوفاکم کونک ایسولف لبو
هدتک من هدو راوهه
باچر اصوات الحرایب بذنی بطف لودوه
ابرخصه من احسین کلکم طلعو لعداکم سوه
اوصیه لازمه الی عندی اللیله وای راعی اللوه
لو دمک لو مای اسکینه
بره امنل خیم عبــــاس غاب الوحده بظلمه
کتبهه اعلا العبــــاس وصیت ام البنین امه
ویعاین المهره اشلون باچر کونک ایظلمه
من کثر الهده ایشل حاله
صار الصبح و العباس صاح الیکض جدامی
اگله اسیف الف مرات منی الهل حرب ضامی
او زینب صاحت العبـاس ثلث تیام بصیامی
بس افطر من مای الشاطی
جاسم ابن اغلامعلی الحمیداوی
المراجل مــو کبارت جثث لوسن
شهم یل ما یمره ابحــرب لوسن
یفوز ابحگه شخص الثار لوسن
ابرگاب الخصم سیفه ابعنجلیه
الیثـــــور ابعنجلیه او سیــــفه ینحـــد بــرگاب
یـــرگه العبیه اعله حگه اینوله من شد انگاب
خاتل اومارمش عینه صگر مایخطی اصواب
یا بومه اتمر خر اعلیهه
جلیل الشجیراوی
شلت دفترها الصـداقه وجلبت ورگ العمر
شفت بس طعنات ربعی وما قریت الاالغدر
ابکثر ما خانتنی ربعی صبح ابگلبی فطر
ینزف بس اگلب صفحاته
مصطفی کثیر مدینه الحر
گبل الموت ارید اوصیک لازم تعمل اوصیتی
چفنی اببشت یـدی او وساده اتصیر چفیتی
مو لازم تــحط کافـور خلی الگهوه تحنیطی
کل لیلت جمعه اشتم بیه
سلمان ابن علی الموات الحمیداوی
صدیقی الچنت ازامط بی اوگلبی امحسب احسابه
رحتله ابیوم عیــــــد الله وصلته وسد علیه بابه
رجعت اردود ادگ بلباب طلعلی ونبـــــح اچلابه
گللهن هذه الباگانی
صدیقی الچنت ازامط بی واعز من عندی ما عنده
خنجر قدر شــــــگ بحشای طحت وشاف واتعده
کله وماحسبتـــــه ایخون گلت هاک الجرح شده
شد جرحی ونیشن بلثانی
صدیقی الچنت ازامط بی واعز من عنده ما عندی
لچمنی وخله کل شامت وگف وایهـــوس ابضدی
رحتله وگمت ادگ بلبــــــــاب گلهم دگت امجدی
گلوله یدگ باب الثانی
صدیقی الچنت ازامط بی اوگلت اینوح یم نوحی
غافلنی ابحلات النـــــوم ذب صم ملح بجروحی
گلبی ابطاعتی ویـــــای بس العیب من روحی
کلمن یضحکلی وخاویته
حبیب ابو عدنان مزرعه
مشیت اویصدیج ادروب البیهن معتقد موتی
وما اذکر علی علیت والعبــــاس ابد صوتی
تالی ایبرطل النجـــار شفته النجر تابوتی
بسمار ایخلی ایذینی
الشاعر حسین ابوعلوان الناصری
مشیت ویصدیج ادروب وبیهن خلصت عمری
وعلی بضیـــــج مااذکر فرد مره درت ظهری
لچن صدگونی یاهناس یوم افتر علی دهری
صافح چف دهری وطگانی
لربع ماعزهاروحی وطبعی لزین اعتنی
وراسی لحد مااطخه عالی والهم ینحنی
فرق ماحطن ابربعی سوا العایز والغنی
مافرق کلهم خوانی
مصطفی کثیرمدینه الحر
چلـــمت الام اشملذهـه بلحلگ لو تنطری
اعز مابلکون عندی وذکر حـلو ابخاطری
ابصف الاول اذکرآنه ردت چلمه الدفتری
ذکریت امــــــی وصبت عینی
حسین ابونواس حیدری
چـــــف الما یشیل اسلاح وایهد ساعت الشده
کون ابـمحکمه القضات تعلن لل خلگ برده
اوچــــــف الیسطرالعیــال لازم بل وقا اتعده
چف هـزبـر یــرهب عنوانه
قاسم ابومیلاد النیسی
الخوه تبقه اسنین عشره وماهی ابذبت شنص
ومن بقیت الخاوی حتمن لازم اتعرف الشخص
الخوه تفگه ابچف یمینک لوردت تطلع گنص
للحط وطایر رمایه
الخوه تلزمهه الشجاعه لو وصل وکت الفزع
کــــون تلتف اعله صدرک بلحرب مثل الدرع
الخوه وکت الجوع حلوه مو فقط وکت الشبع
لا تمسح چفک عطوفا
عدنان العبادی(الکوره)
گـــــــاع اهلنه العمـــــروها و تعبوا إعلیهه اشکثر
خــــــضّرت من المحبّـــــــــــه ادنـــان ماصفّه البذر
الماهو فلاح اهلي گالوا من یجي إعله الشوک ایطر
یصرخ من شوکة عاگولهمحسن الفرحاني - مدینة عبادان
ماشفت گالو زمان العین عـل حایب علت
اولا شفت مره ابمکان الفحمه در اتبدلت
لاکن ابهاذه الزمان امثال عکس اتمثلت
والیث امچتف شاهدنا
قاسم ابومیلادالنیسی
اهــــلي اببــــحر المحبـــــه علموني اشــــلون افوي
و من ابـــوسن ایــــــد عمي جني بایس ایــــــد ابوي
ابشده من انهض لخوي اشلون احط منه اعله اخوي
مـــــن یــــــوگع حمله ايــــتچیـــلّه
کلمات محسن الفرحاني من مدينة عبادان
أسف عد البعض یعضای شفنه الهوسه مظلومه
عشمه الساعت الکلفات تصهل وصطت الحومه
الطالع صفحت التاریــخ یلگه الهوسه منظومه
لل مـــلگه ابیــــوم الملزومه
قاسم ابومیلاد النیسی
لچــــــنی العسر وانجبریت احوفن مستحی ابلیله
وگلبی اینـــــوح یا هنــــــاس ولله ومنهدم حیله
صعدیت اعلی بیت ایواد یومن شفت انا امشیله
چن امی اتراوت جدامی
مصطفی کثیر مدینه الحر توابع الشوش
خاویلک اخوالبـل ضیج حمل الیکلف ایشیله
اوگلبه ابیض مدیم اویـاک مایتعامل ابحیله
الک یوگف وتدبل کون واسما ایسدرالعیله
اوبگلوب اعداک ایحط خوفه
لاتجفی اویه اخوک ارجوک لوشفت الوکت موزین
دگ جدمک وتد بل گاع واشگف عنــه سهم البین
أوگف وگفت العبـــاس یومن ضحه لجل احسین
شــــب نـــاراذلــــه ابعـــدوانــــه
قاسم ابومیلاد النیسی
اسجل هذه الشعار من جوار مرقد الامام علی ابن موسی الرضا(ع):
من تطب حضرت امامـــک ذاک ابن طیبه نفوس
اطلب الحاجـــــه ابسهوله و گلبک ابدا لا یحوس
هل دمع یم باب صحنه و گله یا شمس الشموس
جیت اطلب و انته الوفایه
نسیم النبگانی
اجیت ابلهفه حامل شوگ گاصد حضرت السلطان
شمس عالی اعلا الشموس و کافـــــــــل الغزلان
کریم و بل کرم نعمین یشبـــه جده عالی الشان
ماحس ابغربه الساکن بیته
رحیم ابوجساس المنهل
اعتنیت الحضرتـــــــــک یا کافل الغزلان
یا شمس الشموس اساکن اخریــــــسان
تجری ادموع عینی او گلبی الک ولهان
و الزارک یوصل لمراده
عادل خلف الساری
الخصم ویـای اله کل یوم مشهد
اولل حین ابحقوقی اعتقد مشهد
نخیته الی سکن بحــدود مشهد
امام الغربــــه بلچه ایحن علیه
سلمان ابو میثاق الحمیداوی
یــــصح بین الزلم رجـــال ینـــــعد بل حرب فارس
اویصح واحدحشا الامجادمن طاری الزمر جارس
فرق بین الیشرگ روس اوذاک الکل وکت دارس
کل واحــــد بسمه ایندبــــونه
قاسم ابومیلاد النیسی
الیــــعدی العمامه ازماط و الهم عزم و هیابه
مانشدو عدل لو مــــــات یوم العسر سد بابه
ذاک السبع جعلو شات و اعلیه صارو اذیابه
یردون الچبده او معلاگه
من کلمات الشاعر الاستاد الکبیر اغلامعلی الحمیداوی
الچان ابحد عمامه ازماط و اموصف یطلع احگوگ
اشوبـــــــعده الوکت مادار و افتکت علیه الحلوگ
سوهـــه الاهل ویاه مثــــل ما ینــــــعمل بل نوگ
خیرهم لازم سچینه
من کلمات الشاعر الادیب قاسم ابومیلادالنیسی
شفت گمگم هلی من ضیم مچفی وتنحب ادلاله
وشفت فنیان چن مکصور گلبه وطایح احذاله
یعد هاون لچن مبحوح صوته وعینه هماله
»» یل گمگم لیش ابهل حاله ««
اسبب جاوبنی گلی اشبیک گمگم هلی وشیالک
یـــمک طایح الفنیان اویویـلی و تنحب ادلالک
گبل مثلک تحب اتصیر کلها اتصیــح هنیالک
»» یا شیخ الموگد حاچینی ««
شفت عشمة هلی امنل ضیم اید اب ریل مشبوگه
الگبل تصهل یخی واتیول اویلی اشیاهه مخنوگه
شفت جمال من اعضای غریب ال یحلب اب نوگه
»» یبن العم دلحگ باگونی ««
وینک هــــــا یبن عمی غصبن گوه باگونی
اون ونه اب توالی الیل چن الخنسه خلونی
گبل خنگه سواد الیل امـــوت و لایسئلونی
»» حیـــــــی المن بخلاف الناگه ««
من کلمات الشاعر الادیب حسن ابوفلاح الزهیری
لهلنه یشهــــد التاریــــــخ واقع هذه عیب احساس
اومهیوب النــه حد مهیـــــوب للموت ابد ماینداس
اسئل من الی ایضدنه اعلی درب البیه رفعت راس
احنــــه الماینـــدل دلینـــا*
من کلمات الشاعر الشعبی ستار ابو سررور السیاحی
ردتک ذخر یوم الضیج من یهوه الحمل و ایطیح
و حسبتک تجینی ابیوم من یجبل عدو و ایصیح
خویی و حسبیت اعلیک و گلت فدیوم گلبی اتریح
لو شفت العایل بحدودی
من کلمات الادیبه شمس الاحواز
فرق بین القـــلم و السیف اعلاج السیف عصابه
بس طبــــع القلم مسموم ما یتعالــــــج اصوابه
طبع موخوش عد السیف اوکات ایبات بگرابه
بس قلم العز ماضم روحه
من کلمات الشاعر علی ابن المرحوم عاید البدوی
نشــــلات الوکت کلفات ما یخـــــجل اذا ینشل
او منه الچم سبع مچتوف من کثر الهضم یتهل
اوگلی الچم فصیح السان من ضیمه صبح یرتل
اوحچی الحـــگ معجود السانه
من کلمات الشاعر الادیب سرتیپ باوی
عندی لک چم هوسه من قبل الاخ علیرضا الحمیداوی عبرالرساله اجن
لی فی مدح عمامی بنی طرف وایضا رد جوابی اله داعیک احمد طرفی ان
ینال یعجبکم انشا الله*
احمد طرفی**
فرق بین الیگلک انه عد عیناک او متبره امن اخوته و ساکن اخیّمه*
او فرق بین التشوفه صاحب الکلفات ابن ماید نسل عدنان اخوشمّه*
طیب و مرجله وغیره وحمیه اهناک معروفه ابکرم اسمه*
(والناس اتعرفه احمــــیـداوی)
فأاجاب علیرضا حمیداوی**
الفخر الکم سلاله طی طرف احیود اهلک من ظهور احیود*
اخصن بلذکر ارجال حی سبهان نسل کهلان اهل علیه وفخر محمود*
اسمکم بلکرم والطیب متعله والکم رایه بیضه وماترید اشهود*
(تمتاز اباسم الطرفاوی)
احمد طرفی**
احبن گعدت الدیوان واحب الدله والفنیان*
واتنومس بهالی الزود منهم خیبر العلوان*
اهل شمه اهالی الزود والهم بلکرم عنوان*
(عنوان العز واهل النیبه)
علیرضا حمیداوی**
محروسه ارض اهلی، بلشجعان محمیه*
تحیه من عمامی احمید الی اسباع الخفاجیه*
اخص اهل الکرم والخیر بنی طرف الافاعیه*
(ابیوم الشــــد زامط بیـــها)
فأجاب احمد طرفی**
کفو یَهــل الشّیم والجود واهل المرجله حیاک*
شبل خیبر نسل ماید کل احــــمید تتنخاک*
بسم علیه وزلم ســـبهان کل الگوم عد عیناک*
(بس تأمــــــر واحد تلگانه)
وشکرا**
الخوه مو لرکبه حـدهه اگواش لو لذت سبح
و العرف قیمت الخوه قـــــــزر ابعینه الملح
لحم رگبه ایصیر لازم لو وصل وکت الذبح
ما یعزل لحمه امنعظامه
من کلمات الشاعر الادیب الدکتور مهند الطایی
هوسات بمناسبه زفاف الاخ مسلم ابن المرحوم شیخ داود الحمیداوی
فی مدینه ملاثانی فی یوم الخمیس ۲۸من نیسان عام ۲۰۱۱ المیلادی
یوم ۲۴ من جمادی الاول عام ۱۴۳۲ الهجری القمری
لچنی العسر و انجبریت احوفن مستحی اببختی
و تلثمت ابتوالی اللیــــل و طاللت بسلف طلتی
شفت شیله اعلی حایط ناس بس اتذکریت اختی
غطیت الشیله ابچفیتی
سید حکیم الشبری
لچنی العسر و انجبریت احوفن مستحی امنل ناس
طبیت اعلی بیت ایـــــــــواد بس اوداعت العباس
حسیت المـــــــایه اترید اتذب الشیله من الراس
صحتله اب بختچ خلیه
صاحت منهو هذا ابلیل دش بیتی ویحلفنی
سبحان الله مات اسنین ابنی و انت مثل ابنی
ردیت ابوجه عرگان یا یمـــــه العسر لچنی
خلانی اطفر های الطوفه
حسن ابوفلاح الزهیری
شمـــــه اهلچ ابیوم الضیج کلهم بلمعاره احیود
و داود ابعــــــــــــزم سلمان رد الملاثانی اردود
میت صگد صار اسنین بس محد یحس مفگود
السل خلف سل شاهدنا
میت صگد های اسنین داود و رحل منـــــــــهان
بس رده ابوگفته اردود لهله و من وگف سلمان
الـــدلال اتحزمت من طاح حیهم هوس الفنیان
بلملعب داود ابروحه
حسن ابوفلاح الزهیری
احفظ شرف عز اعضاک و اوگف ب اول السربه
و بالک زورک اتگصه ابمجالس لو شفت غربه
تدری اهل الاصول اتگول العنده ابخوته طربه
ایضل متاخر ما نهوا
عامرالسعداوی
علی یا دنیه صولی ابزود العبی اشلون ماردتی
و اسمعچ هات من ستار علتــــه اتشابه العلتی
صولی یا دنیــــا علیه و العبی
و گلبی ابنیران غدرچ و العبی
اظل افخر بل امــاجد و العبی
حیث لبسنهن خواتی الماجدات
اضل افخر لحد الموت ابعبایت ستر خدر اختی
لبسته و لاگت علهامه
رمضان العگیلی
تعال اتـــگرب الحضنی لاتبعـــــــد یبن عمی
و خل نتحد عل الکلفات یل دمک نفس دمی
لا تفگة شماته اترید فتنها اعلا الاهل یرمی
و اتضیع خوت ماضینه
حمید العیدانی
حـــاتم بل کرم معروف و ابدا ما یرید اشهود
لچن حاتم بـــــذل بل مال ما گالو بذله ازنود
بس ابکربلا العباس دگ حد الکرم و الجود
شال الشط لخته ابچفینه
الو تسمع اصایل خیل تسهل وسطه الحومه
حتما عل الظهر خیال عدهه اتزامط ابیومه
طبع خیل الاصایل هاذ بس الترهب اعلومه
تسهل بل ملعب جدامه
مد روحک جسر لعضاک و الهم خله مشتاگه
و ایضا خل حنینک کون یشبه حنت النــاگه
الصگرمهمایرید ایصیر لو ماعنده سبــاگه
حته الخطافه اتشل حاله
سیست لل خوه مرمر و حیطت حایط وفه
و عنزت گم گم مظیفی ابگهوه تنگط معرفه
شربت خطاری منها صاح ممنون و کفه
و ابهای اتعنز عنوانی
مرمر سیس الوجدان و حایط لل شرف علّی
و عزت نفس کل مصباح لازم عندک اتخلّی
هوس لو شفت عیال عمــــر الباقی ایولّی
و الموت ابعز اتعناله
قاسم ابو میلاد النیسی
الوفی و صاحب عقل یا خوی لهو الدهر ما یلهیه
ابسبب میمرجمیل اهوای قاسم نیسی الک حاچیه
کلمن ذکی ابلهو الدهر مایلهه
ویعدل یخی لهل الشرف مایلهه
ابوکت العطش یصبح عذب مایلهه
او وکت الحرب یسگی الخصم دم احمر
هذا اللی یریح البال و تگدر حارص اتخلیه
و اتامنه البیت او مفتاحه
نسیم النبگانی
وارجو التسامح من جمیع الشعرا الذی کانووساهمو فی هذا الفرح و ما
حصلت علی جمیع اشعارهم و هوساتهم الجمیلات
رحیم المنهل - دیوان ملاثانی
تدری بیه اشــــگد احبک لوردت تعرف بعد
گلبی من یوم العفتنی عافنی ابابــــــک گعد
های خلیهه اعله بالک لوردت تنسه الوعد
میت یم بابک تلگانی...
شمس الاحواز
الوکت لوعزم ایلاویـــک اسطره اعلا الوجه بنبـــــــال
و امشی ابدرب داحی الباب عوف اهل الگلت و الگال
البس درع یوم الــــــکون اوعصب هامتک بعـــگال
و حـــــدود اهلـــــک طــــومر بیـــــها
من کلمات الشاعر الادیب ابوخلیل الشحیتاوی
حاول و اکسب النوماس لاتبرد یبن عمی
وصیرالعاذلک برکان و امسح یا نفل همی
اریدک من یثور الماو توگف کل جبل یمی
واداوای اجروحی المچلومه
من کلمات الشاعر الادیب عبدالزهرا ابوخلیل الشحیتاوی
سامــع بل قــــــدر مرات بس ابعینی مــــــوشــــایف
اخــــوی ابعینی شفته الیوم صار امـعزب الحایــــف
سمعته اب اذنی هیچ ایگول آنه امعزبک اوخـــایف
لــــویگــــعد آنــــه اخـــذ راســــه
من کلمات الشاعر الادیب جاسم ابن اغلامعلی الحمیداوی
هذا الرساله من الاخ العزیز عبدالساده الحاج عباس الیبر الحمیداوی
ضکنی العسر ضکت موت ضکته الحره عل بسمار
اضحک و الخلـــــگ ما ضاگ من یجبل علی خطار
طبعی کل وکت لل ضیف کون اعزم اویاه الیـــــــار
لوکلنه انصیر ابحنایــــــــه
من کلمات الاستاد الادیب اغلامعلی الحمیداوی(ابوقاسم)
صحیح ابعسر طایح حیل ما گولن چذب و نکر
لاچن ما تضیج العین و کرهت ضیــف ما اذکر
تمر ایام ماکو افلوس خلت ایدی و بگت تصفر
ودی اعلی الچای اعزم یاری
من کلمات الشاعر فرج آلبوعبادی
خاویلک اخو ال بل ضیج یحضر بالک ایریحــه
اوجبل عنه المثل مضروب یاهو الیگدر ایطیحه
موضمـــه العهد ویاک حتی ابصایح ایصیحــــــه
بعیون اعداک اشتل شوکه
من کلمات الشاعر الادیب قاسم ابومیلاد النیسی
من جدح سیف الکلایف بل حروب و حشمت چاوین اخوتی امخدره
الیرف شارب عزمه مایهوه المنام و یوگف ابصف المنیه اول سره
یصمد الحد ال ممات و ما یهاب و یگلب ال عزته الثریا اعلی الثره
لو یوگع لویقلب داوه
من کلمات الشاعر الادیب سلمان ابو میثاق الحمیداوی
هلی عز الکرامه ونار موگدهم دفو
عدهم الخایف تامن لوگصدلیهم لفو
هلی حاتــم کرمهم ثلث تنعام و کفو
یشطر دیوان اهل الشیمـــــــــــــه
هـــلی حسن المـــــــکارم ما شفت بیهــم کسر
افیـــــای کوسرنه جنــــــه و ما ابدلنه ابقصــر
الضحه الگهوه اتفاوح من وصل وکت العصر
عشمتــــــــهم تــــلعب بل ثـــــــــایه
هلی ســـــــــــــوح المراجل بیهم ما تمر عیله
و عدوهم بیه یصیر اسلال منهم منشده حیله
خیالة وذن اهلی عدهم تصهــــــــــــل اکحیله
تگفــــــــــع جـــــــــدام الخیــــــــــــــــاله
اخذ عبره امنل دنیــــــــــــه و لاتغنی بلفگر
و اصبر ابســـــود الیالی و الیسر بعد العسر
الکدیش ایباهی حومه و الشهم ربه الصگر
کل شهـــــگه ابصیــــــــــــده ایــــرد بیه
من کلمات داعیکم رحیم المنهل