نشف دمعک من اجفونک وناهل

ونه ابغیرک علیل اصبح و ناهل

اناس الفرح عدهه ایهل و ناهل

علیه الحزن یـــوم اگطعت بیه

الدمـــــع بس للذی یسوون ینصاب

دمـــه و ایضاً عزاء الگلب ینصاب

عسه الخان ابوصلهم کون ینصاب

مرض و یضل نحیل اعله الوطیه

دوم انشر کتب بیدی و راسل

و گلک گلب الیحبک و راسل

تدری عل رحـل منی و راسل

الجسم وشتعلت النیران بیه

عباس العبادی



نوع مطلب : ابوذيه - عتاب - هات - ميمر،
label :

ابشوگ اعتنی العشرتهم حبانی

ولــو یضمون اصیرلهم حبانی

من جـــور الدهر محبی حبانی

هجــــر خلای من شحو علیه

خبر مامن من احبــــابی وسرنی

وبیده الـــــــوکت جفتنی وسرنی

سرظل مختـــفی ابگلبی وسرنی

ابحلگ شــــامت یرید العله بیه

هادی الضبی

 



نوع مطلب : هادی الضبی، ابوذيه - عتاب - هات - ميمر،
label :

ایــــصور العبـــاس لـو هد یاخیال

و یــــا بطل منعنــــده ماذل یاخیال

اچفوفه گصهن چف کتایب یاخیال

و للخیم چف وده لسکینه الفرات

عبدالرضا الحزباوی



نوع مطلب : عبدالرضاالحزباوی، ابوذيه - عتاب - هات - ميمر،
label :

نـــعم لحـسین بلــطف کف عباس

و جیش اعلوج امیــه کف عباس

اعتقد حین الی گطعو کف عباس

اگطعو گلب العقیـــله الهاشمیه

عباس جنامی(معاوی)



نوع مطلب : عباس جنامی (معاوی)، ابوذيه - عتاب - هات - ميمر،
label :

خاویلک اخوالبـل ضیج حمل الیکلف ایشیله

 اوگلبه ابیض مدیم اویـاک مایتعامل ابحیله

 الک یوگف وتدبل کون واسما ایسدرالعیله

 اوبگلوب اعداک ایحط خوفه

لاتجفی اویه اخوک ارجوک لوشفت الوکت موزین

دگ جدمک وتد بل گاع واشگف عنــه سهم البین

أوگف وگفت العبـــاس یومن ضحه لجل احسین

 شــــب نـــاراذلــــه ابعـــدوانــــه

قاسم ابومیلاد النیسی



نوع مطلب : الشاعر قاسم نيسي (ابوميلاد)، الهوسات،
label :

دریت ابحالنه ابحالک درینه

اذا تدرا ابسگم گبلک درینه

یدردمعک دمع صدگ درینه

و الک نیران بحشانه سریه

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

علل مشحون گلبی اعلیــــک بیتل

حچی امن الهجر طبعه اکتاب بیتل

مطب عگبـــک ابیوت الفرح بیتل

حــــزن ملفــــای من اگطعت بیه

نــــور ابناظری انتـــه و روح بعضای

ابجفاک انشل بعض و انسگم بعضای

متــــسلیـــت بــلــخـــــلان بــــعضای

سلوتی انتـــه و عــدم وصلک منیه

انسبـــــک حرت من آیــات موسم

مسیح و سم عشرتک عسل موسم

لون اربــــح حیات اویـاک موسم

احس گد نـــــوح عشت ابهل دنیه

عبدالرضا الحزباوی

 



نوع مطلب : عبدالرضاالحزباوی، ابوذيه - عتاب - هات - ميمر،
label :

انـــــادی و ما ترد لنــــدای یلما

تـــــجینی و هجـرک ادلال یلما

ورده انـا و اصیح اعلیک یلما

اذبــل لو یشـح و صلک علیه

انگطع حبل الصبر شیفید لحما

اذا گلبی اشمــــاته اتگوم لحما

اشتظن اترید الح اعلیک لحما

الـــــح سنین ظل مبــعد علیه

هادی الضبی



نوع مطلب : هادی الضبی، ابوذيه - عتاب - هات - ميمر،
label :

شــــــعوفن شتـــرک الآلام شنسل

الاسه وبلراس ماضل شعر شنسل

من غمدک یــدهری الشوم شنسل

سیـــــف الــــغدر بید اهل الردیه

اونــــن علجفه او بجفاه بطل

چبد و النـاس صاحوعلی بطل

همت منهم سکنت اسنین بطل

احــن حتی الاجل ما یمر بیه

الدهر ثوب الصبر یاصاح بسلا

تعبــــت وراح منی العنب بسلا

سهل مهما اعیش ابعسر بسلا

امـــد چفی علل ذاتــــــه ردیه

عباس جنامی (معاوی)



نوع مطلب : عباس جنامی (معاوی)، ابوذيه - عتاب - هات - ميمر،
label :

علـیک إلعین ما غمضت ونامت

اوعلیه إستفحلت علتک ونامت

أبــد کــل روح مـا بـیــه ونامت

تـــــرد إروح من تجبل علیه

ها عـمن عـینای عگبک هایرن

ها سکت هاون محبتک هایرن

ها تـجــف نـهــران ودک هایرن

و آنه محتار إبعشرتک یا نبات

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

انــــعــــصر ویـــــه الیـــــل

طاحت استــــارالخیـــانه ، انــــــعصر ویـــــــــه الیل بچفوف الصبح

ومطرت اچفوفک عزم وصدر صار الگوم کله وغیرتک صارت رمح

ونوخیت اسهام حربک  دنگت فشلت  بچت من شافت اعیون اجرح

وطلگت الغیـــــره ابعضیـــــدک خلفت بـیـــرالوفا

وشد مهرعزمه اویه چفه وگصص اچفوف اضما

وانـــت والغیره وعزمـــهه وهیبتک یــــم الخیم

واگـــف وینـــخاک سیفک والک یــترجه اسهم

وابدمارف جفن عینــک واگف ابوادی الطفوف

تدری کلمـــا یحر داوا البــطل تسـکر بل الوف

وگفض اردان اصبـح حد الأذان

اتــــــــوضت اشمس ابجبینک

وکبرت خلفک ملائکت اجنان

وتدری اخرفرض عمرک والأجل بسرعه حان

انچفت دمعت یود عینک غرگت خدک سلام

وخضراحساسک ورد حریه بجناح الحمام

و سجــــدت الـــــگاع الـــــخــــــــــــــشـــوعـــــک

من عرگ گصتک وگع بحضانهه وحاضن دموعک

وخجل ویـــــه الکون کله و لبس لـــون امنل حمار

واستــــحت حتی اشمس من شافتــک لبست سمار

وعـــــزف طـــــورالـــــموت بدمــــوع اســـــــراب

وخــــطـــبت اسنــــون الهنادی عل منابـــیرارگاب

وضحکت اشفاف الأسنه وحضنت الأجساد چفین اتراب

وصبـــــح چــــن ناثــــوره سیفک بیدر الروس ابنویه

ولحــــگ ملـــک المــــوت یشگف گـــــــام سیفــــک

ولله چــان انگلبت الگاع ابحوافر صیلمک بیهم گلاب

وظـــل یتــــریـــــع مـــــوت سیــــفـــــک

ولله لوما وعد ربک چاعرفت اشلون منهم خذت حیفک

وانـــت ماشــــدیــــت عل صــــدرک درع وکت الحرب

ستــــرمن اسیــــــف فـــــوگ ادرع شــــــدیت الگلب

اشــــــگد وکیــــــحه اعیــــــــون خیـــــل البغضتک

اشلــــــون ماخجلت ونزعت شوفـــــهه ابچف ادمع

و اشــــــکثـــــرصلبــــه اسیوفهم تــــلمـــــــع لمع

واشــــــکثر گـــــلب ارمـــــاحــــهم شــــــالت حقد

نبــــتـــــت ابــــجــــربــــت دلیـــلک یـــــــوم شافتـــــک تــــگع

ویمـــــــــک الحسره بچت هدلت زیج الغوافی انشلت اجدام ارکن

وانکسرگلب العافیه وظهراضمیر ودمعی غرگ چف خیالی بجفن

ویــــــبس حتی القلم هـــــرشه وجف من اعیونه الحبر

ومـــــــات سلطان القصیـــــــده وشعری اختـل بلوزن

من کلمات الشاعر الادیب رمضان ابوحیدر العگیلی



نوع مطلب : الشاعر رمضان العگیلی، قصائد اجتماعيه،
label :

سهم هجرک یه لب احشای بطل

 گلب وانـــــهل سوادالعین بطل

چذب کلمن یگول اعلیـک بطل

ونینی اوماطفت ناری السریه

 قاسم ابومیلادالنیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

تظن يخلص عگب عينـــاك وناي

 او تظن ايزيــــل همي العودوناي

تظن مـــا حــرم المطبـــوخ وناي

 اوتظن بجفاك اعيش اعلاالوطيه

قاسم ابومیلاد النيسي



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

الوکت عگب الاهل بدل شتانه

صیف اوعن ضعایــنهم شتانه

گبل چنـه ابجسد واحد شتانه

 انفردنه اوکل فردصارابنویه

انفردنه اوکل فردمشحون بلاه

دلیله اوضل یصیح الغوث بلاه

یریت البیت یبـگه ابطرج بلاه

ولا فرگت عضید البــی حمیه

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

الدنیادوم اویه النفل خوانه

غدرت ولامنها الغدرخوانه

لاکن مثل یوسف مکرخوانه

 خلاالذیابه ابهل عمل تتحیر

 قاسم بو میلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

گــــلت لل خــل علا الخلان بسمر

و خــــلفهم دوم طعم الریج بسمر

اشمگولن جرح گلبی طاب بسمر

یـــــرد ینــــزف اذا عنــــو علیه

من کلمات ابوسعید التمیمی



نوع مطلب : ابوذيه - عتاب - هات - ميمر،
label :

وحگ النـزهـک یشگر من السب

و جمـالک بلحسن آیـه من السب

افاعی الشعر عمتونک من السب

البشر منه ابخطر و انته ابخطیه

من کلمات المرحوم ملا محمد المایود



نوع مطلب : ابوذيه - عتاب - هات - ميمر،
label :

لیـــــالی طیر سعدی ما شلنه

او تفتگ جرح گلبی ما شلنه

ازمولی ثـگل حملی ما شلنه

ازمول الغیر عود اتشیل لیه

لیــــالی طیر سعدی الیوم شالیت

او عمام الی تشیل التفگ شالیت

انتـــخت بزموله للحــمل شالیت

ابــــکل حمل الثجیل اگطعو فیه

شلش الوهبی

 



نوع مطلب : ابوذيه - عتاب - هات - ميمر،
label :

الوکت ما شفت ساعدنی و لزمان

اسهـــام البین نصبنلی و لزمان

گلی الشــــــات نیبمن و لزمان

الذیـــب او وسده فوگ الوطیه

من کلمات حسین مجید النیسی



نوع مطلب : ابوذيه - عتاب - هات - ميمر،
label :

سلام و أفضل تحیة لرواد مدونة ملاثاني الکرام القصیدة التي تلي

للشاعر و الأدیب الفاضل قاسم کریم إلباوي نقلها لي إلأخ ابو مجتبی

لمؤیدي أحد محبي الأدب والشعر الأهوازي بما فیها من روعة أدبیة

صورٍشعریةٍ في غایة الجمال :


حَسبــــــــالک أذِلـَن مـــــــن عـِـفــــــــتني إبعـُـــــــز

و أنه إنــــــجوم إللیـــــــالي إتعــَـــشـن إبــــــــعمري

بعیــــــــوني إلــــــگمر یــــــا مـــــــا گــَـــعد خِـطار

بـــــــــــــس من کـــــــِـسَف ما تــیــــــــهت دربــي

چَـتـــــــــَفت إلـــــظلام اویــــــل مِحَـــــــن وإمشیت

لاگنـــــي الفـــــــــَــجـِر وإستــَحـــــــــمَدت ربـــــي

صــــــافحت إلشمس چف أبیــــــض إمنـــــــل غیم

او درت بیــــــه إشخـِسرتــــــه او ذاه من عمــــري

شبــــگتني إبمحنـــــه او زعل منـــــهه إلریــــــح

چه بخـــــــــــــــیوطها إشـــلبه شَعــــــــر صدري

أنه إبــــــدرب إلوحــــــل ما بـــــــرکت مـــــرکوب

جسر سویــــــت ضلعي او عــبــــــــرت ربــــعي

حمـــــیت إظهورهــــــم و إتقدمــــــو جـــــــــدام

او مَخالِب إلخـــــــــیانه إمعـَـشعِشه إبــظــــهري

مشیت آنه إعـــــــــــــــله جرحي ما درت إمنین

بــــس حســــیت بــــي لـَـــــــمَن شفــــت ظـلي

تعب عمــــــــــــــري إنذبح و آنه أعرف إلذباح

نــسه ســچـیــنـتـــه او چـــفه إبوســــط گلبي

او نعش حــــزني إبتعب شیعته وحدي إبلیـــل

او دفـنـته إبـــگاع غـــفــره او ماگلت گــبري

رجعت إمـــــنل گبر رغمـــــــاً عله إلشمات

لاهـَـلــَـن إعـیـوني او لا ضَعـَـف صـــبــري

لأن عـــــگلي بحــــــر ما نِبَط منـــه إلمای

او عــبر چـــم سفـیــــنه إلردمــت إبگلبي

او عبـــــــر چم سفینــــه إلردمت إبگلبي

قاسم کریم إلباوي مدینة الأهوازجنگیه



نوع مطلب : قصائد اجتماعيه،
label :

الک صوفر وجه گلبی ولک سل

ولک رف الحشه نادی ولک سل

دمع و الدمع اسهامه ولک سل

درش موگد اسه الیشتعل بیه

عبدالحسین الصالحی



نوع مطلب : ابوذيه - عتاب - هات - ميمر،
label :

یــــرعنی حبیبی اجفــــــاه بلسم

و لا ثمــــــر بعــــــد لدای بلسم

لشترت ابثمن غالی انوب بلسم

غدا یبیع ابرخص یاحیف بیــه

من کلمات شیخ صالح شجاع ال خمیس



نوع مطلب : ابوذيه - عتاب - هات - ميمر،
label :

بسم الله الرحمن الرحیم

انا لله و انا الیه راجعون

اصالتاً عن نفسی و نیابتاً عن جمیع عمامی اشکر اخوانی و

اخواتی الذین ساهمو و شارکوفی مراسم فقدان ابن عمی المرحوم(رئوف

 الحمیداوی) وانشاء الله تکون لنا فرصهً نخدمکم ب افراحکم و اطلب

 من العزیز الجلیل ان یکتب لکم السلامه ولعوائلکم الغالیه

لسانی قاصر ب الشکر لکم و لفضلکم  الکریم

رحیم ابوجساس المنهل الحمیداوی

 



نوع مطلب : عشاير الحميد،
label :

اشکثر احباب عدی ودراهم

الدهر عنی بــعدهم و دراهم

اذا یسعد زمــــانی و دراهم

و گلهم هذالاموطبع الاحباب


متــــــــی و یا یوم یاحبابی تعودون

الی اوشو احساب ما چنکم تعودون

علــــی افراگ الاهل اعیونی تعودن

دمـــا ایهلن عله الچانولی الاحباب

متی اتعودون یحبـابی علی عود

و آنه الچان ما ینـذب علی عود

بچیت اوناظری مولح علی عود

الامــــــل چـــــه یـــــهل میـــه


هدیت الگلب للــــــــغالین شهدی

الیمر بفراگهم حتی احس شهدی

یدنیــــا انتی علیه ابهای شهدی

احط اخضاب لــــو عادوا علیه

تدری آنه اشگد احبــــک ودراک

یل ما دریت اشلون دهری ودراک

عسه کون ابحــــال انزل و دراک

الفرّق ابینـــــاتنه ابهای الحیات

یاسر سالم الحزباوی



نوع مطلب : ابوذيه - عتاب - هات - ميمر،
label :

اسجل هذه الشعار من جوار مرقد الامام علی ابن موسی الرضا(ع):

من تطب حضرت امامـــک ذاک ابن طیبه نفوس

اطلب الحاجـــــه ابسهوله و گلبک ابدا لا یحوس

هل دمع یم باب صحنه و گله یا شمس الشموس

جیت اطلب و انته الوفایه

نسیم النبگانی

اجیت ابلهفه حامل شوگ گاصد حضرت السلطان

شمس عالی اعلا الشموس و کافـــــــــل الغزلان

کریم و بل کرم نعمین یشبـــه جده عالی الشان

ماحس ابغربه الساکن بیته 

رحیم ابوجساس المنهل


اعتنیت الحضرتـــــــــک یا کافل الغزلان

یا شمس الشموس اساکن اخریــــــسان

تجری ادموع عینی او گلبی الک ولهان

و الزارک یوصل لمراده

عادل خلف الساری


الخصم ویـای اله کل یوم مشهد

اولل حین ابحقوقی اعتقد مشهد

نخیته الی سکن بحــدود مشهد

امام الغربــــه بلچه ایحن علیه 

سلمان ابو میثاق الحمیداوی

 



نوع مطلب : الشاعر سلمان الحميداوي (ابوميثاق)، الشاعرنسیم النبگانی، الشاعر عادل الساری، الهوسات، ابوذيه - عتاب - هات - ميمر،
label :

بچیت او عم عله روحی شربچای

او بعت بچیی لچن محد شربچای

ال اسولفله گعـــد یمی شربـچای

اونسه کلشی الحچیته امنل قضیه

من کلمات الشاعر الشهید طاهر السلامی رحم الله



نوع مطلب : ابوذيه - عتاب - هات - ميمر،
label :

أحن الشوفتـــــک یا ریــم وکتان

واذا تبعــد دلیلی ایصیـــح وکتان

اشفافک ما مثلها اشفاف وکتان

یموعن والعسل یبـــدی ابتحیه

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

چثیره اجـــــــروح عندی اوطابن ابساع لچن واحدبقاالهل ساعه یدی

اشمــــــا اتعب واحاول ما الا اعلاج اضمــــده اوبل عجل یرجع یندی

 اشکثــــــرجبت انا اطبا او ما نفع بیه ینشفونه اویرد رگراگه یغدی

رجع منـــهم طبیب اوگلی یفــــلان یاجــــرح الأشده ایطیبــــه شدی

لچن جرحــــک فرق عنـده اویل اجروح المیبرمن اشله ایضل یعدی

گلتله هل جرح ماظن الا اعلاج  حچیت اوصب دمع عینی اعلاخدی

 اشما یمشی العمرواتسیرالیــــام اوحدای الظعینه ابســرعه یحدی

اکبر و الجرح یترعرع اویای اوکل یـــــوم الیمرنی اهمومی تبدی


لأن هاذه الجرح ماجرحته اجنــاب غدر بیه او  طعنی الهوه بدی

شگولن من وکتنه البدل النــاس اخوی اوشفته گام ایحل مشدی

گبل چــــان  ایتمنه ایشاهد الموت ولایقبل علا اعضیده التعدی

لچن هسه گبل لاعایل ایعیل یعیل اهوه اویشیل اسلاحـه ضدی

 کلمات قاسم ابومیلاد النیسی

 



نوع مطلب : الشاعر قاسم نيسي (ابوميلاد)، قصائد اجتماعيه،
label :

(صاحبة الجهالة .. )
مَـرّةً، فَكّـرتُ في نشْرِ مَقالْ
عَـن مآسي الإحتِـلالْ
عَـنْ دِفـاعِ الحَجَـرِ الأعـزَلِ
عَـن مدفَـعِ أربابٍ النّضـالْ !
وَعَـنِ الطّفْـلِ الّذي يُحـرَقُ في الثّـورةِ
كي يَغْـرقَ في الثّروةِ أشباهُ الرِّجالْ !
**
قَلّبَ المَسؤولُ أوراقـي، وَقالْ :
إجتَنِـبْ أيَّ عِباراتٍ تُثيرُ الإنفِعـالْ .
مَثَـلاً :
خَفّـفْ مآسـي
لِـمَ لا تَكتُبَ ماسـي ؟
أو مُواسـي
أو أماسـي
شَكْلُهـا الحاضِـرُ إحراجٌ لأصحابِ الكراسي !
إحـذِفِ الأعـْزَلَ ..
فالأعْـزلُ تحريضٌ على عَـْزلِ السّلاطينِ
وَتَعريضٌ بخَـطِّ الإنعِـزالْ !
إحـذِفِ المـدْ فَـعَ ..
كي تَدْفَـعَ عنكَ الإعتِقالْ .
نحْـنُ في مرحَلَـةِ السّلـمِ
وَقـدْ حُـرِّمَ في السِّلمِ القِتالْ
إحـذِفِ الأربـابَ
لا ربَّ سِـوى اللهِ العَظيمِ المُتَعـالْ !
إحـذِفِ الطّفْـلَ ..
فلا يَحسُـنُ خَلْطُ الجِـدِّ في لُعْبِ العِيالْ !
إحـذِفِ الثّـورَةَ
فالأوطـانُ في أفضَـلِ حالْ !
إحـذِفِ الثّرْوَةَ و الأشبـاهَ
ما كُلُّ الذي يُعرفَ، يا هذا، يُقـالْ !
قُلتُ : إنّـي لستُ إبليسَ
وأنتُمْ لا يُجاريكُـمْ سِـوى إبليس
في هذا المجـالْ .
قالّ لي : كانَ هُنـا ..
لكنّـهُ لم يَتَأقلَـمْ
فاستَقَـالْ !

من کلمات الشاعر احمد مطر



نوع مطلب : قصائد اجتماعيه،
label :

یدعج نظرتک من تصد یولف

تتک زیج الـهدل بزرار یولف

ایتـلایم و دلیـل الشاذ یولف

ایتچتف یرد و ایقــدم تحیه

یروحی احبـــــاب گلبی جوعینی

ارید اوصل و احطـــهم جوعینی

دعطشینی الوصلــــهم جوعینی

العطش یروی ابوصلهم لو تهیه

من کلمات الشاعر اسماعیل الضبی



نوع مطلب : ابوذيه - عتاب - هات - ميمر،
label :

حبیبی الناس خلــــها اتلوم خلها

تخـــــــل لاکن ابــــد میفید خلها

خلیلی انته او اکید الروح خلها

تریــــده و تهوا لل عاذل منیه

قاسم ابومیلاد النیسی

 



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

هلی ابموگد کرم یسعر حطبهم

بــــحر من الفهم ربهم حطبهم

طفلهم  لو سکن بیده حطبهم

یوسعله مـــدن و ایجود طیه

رحیم المنهل

 



نوع مطلب : المهندس رحیم المنهل، ابوذيه - عتاب - هات - ميمر،
label :

حبیبی ابوجنتک شمسین شفنه

یضون والعگل لتــــگول شفنه

عسل شفک لون ایلوح شفنه

نلزگ ما نهـــــــده المیه میه

نلزگ ما نـــــهد شفـــــک بتاتن

ولومـــــن الگلب یبــــقن بتاتن

عگب عینک چذب نسله بتاتن

اوسوالف فرگتک بیهن منیه

سوالف فرگتک یاریم بیهان

منیه والیحب اجفاک بیهان

جلدگلبه الیذم اشلون بیهان

وانته اویل بدر تنعد سویه

انته اویل بــــدر و الحورعداک

 اوعلیهن بل ملاح امرارعداک

جمیل اوکل جمال الکون عداک

او بنات النعش ودنلک هدیـــه

بنات النــــــعش یاغرنوگ ودان

هدایه اوتدری لیک اهوای ودان

لون ترمش یثورالــــکون ودان

ابدلیلی اویشتـــــعل برکان بیه

ابرمش عینک حبیبی ایثوربرکان

ابدلیلی اوأبگه بل آهـــات برکان

گبل طبعک ینـاهی اویای برکان

 عجب بل هم گمت تمـــطرعلیه

گمت تمطر علیه اهموم وآهات

ولا تــــذکر أخـــذ ویای وآهات

أبوذیـه اشکثر بهواک وآهات

حچیت اولاعطف گلبک علیه

عطف مامن بــــعد یا ریـــم والطاف

جفیت اویل یحج بــــهواک والطاف

حضرتک والأجه اعتذریت والطاف

علیــــــک ابطیف وســـدته المنیه

الیجیـک ابطیف لیش اترید کتله

واهو اسهام الدهر بــهواک کتله

 یریتک تتلی درس الشوگ کتله

اوتشوف اشگدترکت اجروح بیه

اجروحک عیب اضمدهن وداوی

ولـــو گلبی ابجمر یسعر وداوی

خسرت اچعاب بودادک وداوی

برد لاکن یحــــرالمیــــه میه

من کلمات الشاعر الادیب قاسم ابومیلادالنیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

کتــــاب الصبر حد یمـــــــــته بکتلی

اعجزت واناس بس تحـــــچی بکتلی

(بس )امی من عکس دهری بکتلی

ابسبـــــب شافت بیادر هـــــم علیه

(کامـــــــــل زنبــــــــــوری)

منقول من موقع دیره هلی



نوع مطلب : ابوذيه - عتاب - هات - ميمر،
label :

یــــصح بین الزلم رجـــال ینـــــعد بل حرب فارس

 اویصح واحدحشا الامجادمن طاری الزمر جارس

فرق بین الیشرگ روس اوذاک الکل وکت دارس

کل واحــــد بسمه ایندبــــونه

قاسم ابومیلاد النیسی



نوع مطلب : الشاعر قاسم نيسي (ابوميلاد)، الهوسات،
label :

چنت امشی ابطریج اوبــالی مشدوه اعاین عل أرض بعیونی ملحه

شفت بستان یبچی اویصرخ الویل یصیح اعلا الثـــمرواینادی فلحه

 علیمن هل زعــــــل چاویـن الوعود مشیتو والزمن حصل له ولحه

عگبکم ضل علی یتـــــکاثرالبوم یــــــون ابونتی اویصفگلی جنحه

 بعد مامن هنا او لا ضلت اشــــــــواگ ولا تاجد بعد بربـوعی فرحه

گبل چنت اناادورعل شمس ویــــــــن اوعلیه الغیم یظهرچنه سبحه

لچن هسه الشمس بس ساعت الیـــــــل تغیب اوباچر اتعاودمجدحه

اعاتب والعتب گلولی شیفید علی صارت سوالــــــــــــف مومصلحه

اخاف احچی اویزیدالظیم هلنوب اوگلبی ابهل کــــــلام اردوداجرحه

علی ظیــــــــم الینزل دمعت العید اوگلب فرعون یرجف من اشرحه

أمس مربع چنت وازهی امنل اورود اونهاری امنل فجریتبنه ربحه

ولاکن لیلی هسه امعاند الشـــوگ اونهاری بل حزن یبدیلی صبحه

 أمس صوت البــــــلابل بل فلا ایدوریبــشربل سعد والهم یمسحه

لچــــــن فگری سجــــن حتی البلابل والیغرد زمانی ایـــرد یذبحه

کلمات قاسم ابومیلادالنیسی



نوع مطلب : الشاعر قاسم نيسي (ابوميلاد)، قصائد اجتماعيه،
label :


قصیده ارادة الحياة من کلمات ابو القاسم اشابي


إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر

وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر

فَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر

كَذلِكَ قَالَـتْ لِـيَ الكَائِنَاتُ وَحَدّثَنـي رُوحُـهَا المُسْتَتِر

وَدَمدَمَتِ الرِّيحُ بَيْنَ الفِجَاجِ وَفَوْقَ الجِبَال وَتَحْتَ الشَّجَر

إذَا مَا طَمَحْـتُ إلِـى غَـايَةٍ رَكِبْتُ الْمُنَى وَنَسِيتُ الحَذَر

وَلَمْ أَتَجَنَّبْ وُعُـورَ الشِّعَـابِ وَلا كُبَّـةَ اللَّهَـبِ المُسْتَعِـر

وَمَنْ يتهيب صُعُودَ الجِبَـالِ يَعِشْ أَبَدَ الدَّهْرِ بَيْنَ الحُفَـر

فَعَجَّتْ بِقَلْبِي دِمَاءُ الشَّبَـابِ وَضَجَّتْ بِصَدْرِي رِيَاحٌ أُخَر

وَأَطْرَقْتُ ، أُصْغِي لِقَصْفِ الرُّعُودِ وَعَزْفِ الرِّيَاح وَوَقْعِ المَطَـر

وَقَالَتْ لِيَ الأَرْضُ - لَمَّا سَأَلْتُ أَيَـا أُمُّ هَلْ تَكْرَهِينَ البَشَر؟"

"أُبَارِكُ في النَّاسِ أَهْلَ الطُّمُوحِ وَمَنْ يَسْتَلِـذُّ رُكُوبَ الخَطَـر

وأَلْعَنُ مَنْ لا يُمَاشِي الزَّمَـانَ وَيَقْنَعُ بِالعَيْـشِ عَيْشِ الحَجَر

هُوَ الكَوْنُ حَيٌّ ، يُحِـبُّ الحَيَاةَ وَيَحْتَقِرُ الْمَيْتَ مَهْمَا كَـبُر

فَلا الأُفْقُ يَحْضُنُ مَيْتَ الطُّيُورِ وَلا النَّحْلُ يَلْثِمُ مَيْتَ الزَّهَــر

وَلَـوْلا أُمُومَةُ قَلْبِي الرَّؤُوم لَمَا ضَمَّتِ المَيْتَ تِلْكَ الحُفَـر

فَوَيْلٌ لِمَنْ لَمْ تَشُقْـهُ الحَيَـاةُ مِنْ لَعْنَةِ العَـدَمِ المُنْتَصِـر!"


نوع مطلب : قصائد اجتماعيه،
label :

الیــــعدی العمامه ازماط و الهم عزم و هیابه

مانشدو عدل لو مــــــات یوم العسر سد بابه

ذاک السبع جعلو شات و اعلیه صارو اذیابه

یردون الچبده او معلاگه

من کلمات الشاعر الاستاد الکبیر اغلامعلی الحمیداوی

الچان ابحد عمامه ازماط و اموصف یطلع احگوگ

اشوبـــــــعده الوکت مادار و افتکت علیه الحلوگ

سوهـــه الاهل ویاه مثــــل ما ینــــــعمل بل نوگ

خیرهم لازم سچینه

من کلمات الشاعر الادیب قاسم ابومیلادالنیسی

 



نوع مطلب : الشاعر غلامعلي الحميداوي، الشاعر قاسم نيسي (ابوميلاد)، الهوسات،
label :

طعم الریــــج احس کل یوم علگم

من واشی الیـــــذب الگوم علگم

اشوف الناس تحقد  یخی علگم

رفــــع رایت نصر لهل الحمیه

رحیم المنهل

طعم الریـــــــــج احس کل یوم بی مر

ابسبب شاف العریضی السلف بی مر

طبیعی الغبــــــر یحقد علا ال بی مر

جله ابسیــــفــــه الغبار امنل ثنیه

یابر حمد العطیوی

 

 



نوع مطلب : الشاعر حمد العطيوي (ابو يابر)، ابوذيه - عتاب - هات - ميمر،
label :

من اعیونی ابجفا احبابی بدلما

یکت و ایضاً احس گلبی بدلما

ال علیهم ودرت شوفی بدلما

یعوضونی ابامل جابو منیه

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

لــــون الـــقام  حــــطولی و فخما

اذل و اسعی الحیاه افضل و فخما

اذا اخ وگــــف بشــــــده و فخما

اظن یوصل عدو الهــای الثنیه

من کلمات الشاعر الادیب اسماعیل الضبی



نوع مطلب : ابوذيه - عتاب - هات - ميمر،
label :

لانی حی بفراگ شخصک لانمیت

اولا طبگ جفنی ابغیابک لانمیت

دوم اصیحن یل اعریضی لانمیت

حیث حارمنی الوصل منهل نبات

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

الیله شوگی ایــــــــدور بیه ونبی

وگلب حزنی انکسر صارت ونبی

ادنیــــه ملیانه مئــــــاسی ونبی

ابجیته زاح اجبال ظلم اراسیات

رمضان ابوکرار العگیلی

 



نوع مطلب : الشاعر رمضان العگیلی، ابوذيه - عتاب - هات - ميمر،
label :

هلی للموت ما نزعو عگلهم

نشامه و یرشد العالم عگلهم

هلی کل حین ما تنشف عگلهم

تضل تنبع کرم واتروی الاحباب

حسین المجید النیسی



نوع مطلب : ابوذيه - عتاب - هات - ميمر،
label :

طعم ریجک یقارن سلسبیل الله

و الحبک اکیداً  تکثر اجروحا

مثل ازبد خدک و شفایف تین

ماشایف بشر یتریگ ابروحا

 نسیم النبگانی



نوع مطلب : الشاعرنسیم النبگانی، دارمي - ومضه،
label :

هلی ابصــدرالمضایف دوم عدهم

عرب واصل الکرم موجودعدهم

نشامه اولو یصیـرازماط عدهم

الیـــــعادیهم یتم تحت التراب

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

إمشید إبگـلبي یروحي بیت إلک

من شعر هـاتــي أزفــن بیت إلک

او من دلیلي اویاه أودي بت إلک

حته تــــدرک آنه أحبک للممات

إلجسد بجفاک ذابل یخی منسال

اوسیل إدمـوع من إلعــین منسال

شضم إمنل عذول إعلیک منسال

إذا عیـــــن او جسد شهدن علیه

 عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

شفت گمگم هلی من ضیم مچفی وتنحب ادلاله

وشفت فنیان چن مکصور گلبه وطایح احذاله

یعد هاون لچن مبحوح صوته وعینه هماله

»» یل گمگم لیش ابهل حاله ««

اسبب جاوبنی گلی اشبیک گمگم هلی وشیالک

یـــمک طایح الفنیان اویویـلی و تنحب ادلالک

گبل مثلک تحب اتصیر کلها اتصیــح هنیالک

»» یا شیخ الموگد حاچینی ««

شفت عشمة هلی امنل ضیم اید اب ریل مشبوگه

الگبل تصهل یخی واتیول اویلی اشیاهه مخنوگه

شفت جمال من اعضای غریب ال یحلب اب نوگه

»» یبن العم دلحگ باگونی ««

وینک هــــــا یبن عمی غصبن گوه باگونی

اون ونه اب توالی الیل چن الخنسه خلونی

گبل خنگه سواد الیل امـــوت و لایسئلونی

»» حیـــــــی المن بخلاف الناگه ««

من کلمات الشاعر الادیب حسن ابوفلاح الزهیری



نوع مطلب : الهوسات،
label :

جد جـــــدمی ابثنایه المجد من جد

 وجدت جـود وجلال ومجد من جد

 ابزجر جفت شفای وروت من جد

 اشعذب مایـــــک یجود الیعربیه

احمد ابو شفیق المیاحی



نوع مطلب : ابوذيه - عتاب - هات - ميمر،
label :

یدنیــــــا اشما ملکتی اهموم ودی

الي او بس رایـــــد اتسلمین ودی

اخوی ال لجلا صرت اجروح ودی

اشو جایب ملــــح و ایرش علیه

 قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

یلهب ضل شبـــــه برکان یمراک

ابدلیلی اوتم جفاک النوب یمراک

انفذه اشمایــــــریدایصیر یمراک

فرض واجب والوبیـــــه المنیه

قاسم ابومیلاد النیسی



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

گلبی یاصاح ابغیــــــابک مایسل

وجفنی من اجفیت صدّگ مایسل

آنه ما اسئل علـــه اللی مایسل

آنه اسئل عل سئل و الذاته ذات

رحمان حزباوی



نوع مطلب : ابوذيه - عتاب - هات - ميمر،
label :

تعلمت المصــــــایب منصبانه

ابوسط احشای ماتم منصبانه

نبل فرگ الاحبـــهم منصبانه

احس دنیای کله اضلمت بیه

من کلمات الشاعر حسین المجید النیسی



نوع مطلب : ابوذيه - عتاب - هات - ميمر،
label :

مرض دنیـــــــــــای صبح منهبیه

وگمت حــــــــــلوالاشربه منهبیه

المصایب ریــــح صرصر منهبیه

ابهبیــه ارکس من اطلع منهبیه

عـدو ابهاذا الوکت یوجد وکوخل

وکو ابصرح اظلم عوجه وکوخل

اصریفه امـنل قصر احله وکوخل

فقیر افــــخر من اقصور الوطیه

امعبه اهمــــــــــــوم دلالی شعبی

حرت بـــــــدوای و امحیر شعبی

سهم صابنی ابچــــــبدی شعبی

امنجره ایجر چبدتی اویا سویه

لون الجفه و هاجــــر بسه ویه

و للمعاتب گعــــــدنه بسه ویه

اگله اهمومی مــوگد بسه ویه

ابلهیبه ایگلک اشماصار بیه

من کلمات اسماعیل الضبی فی حق ملافاضل السکرانی

قلیله النـــــاس تحصل منجناسک

وفــی وبلضیج تصبح منجناسک

ابوذیتــــــک انعرفت منجناسک

جناسک مثل جنسک عذب میه

من کلمات الشاعر الادیب اسماعیل الضبی

نشکر الاخ العزیز شهید الضبی علی هذا الرساله الجمیله

 



نوع مطلب : ابوذيه - عتاب - هات - ميمر،
label :

یل عینـــــک شمس والحاجب اهلال


 اوعسل ینگط عقیق اشفافک اجنون!


لون لحظه ابحـــلم تهجرنی واتروح


 اگص راس الفرح وابچیـلک اعیون!


قاسم ابومیلاد النیسی



نوع مطلب : الشاعر قاسم نيسي (ابوميلاد)، دارمي - ومضه،
label :

ریت انـــگلب لهوای چرچف مخده


حتی ابمنامه ایصیر خدی اعله خده

مهدی احمد الساری



نوع مطلب : دارمي - ومضه،
label :

مرت ایام اهوای ایدی اعله خدی


کلمن ولیفه اویاه بس انه وحدی

 

مهدی احمد الساری



نوع مطلب : دارمي - ومضه،
label :

إبغیابک ریـــــــجي حنظل  مایمر


و إلفرح ناسیني صـــــدگ مایمر


إلیلهب إبمـــــوگد ودادک مایمر


إحشای ذني یا حبیبي إلداویات

 

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

امهدله و تبچی العداله ابصوت تندب یاعلی

انته تهواک الولایه و ما احـب غیرک ولی

یاهو یقبل بل خلایق مسنــد الهزبر خلی

الواوی ایصبح مچمن بیه

نسیم النبگانی



نوع مطلب : الشاعرنسیم النبگانی، ابوذيه - عتاب - هات - ميمر،
label :

علی و نعم بسمک یا سراج الدین

یا آیت جمال او صوره بشعاری

نار اعله الیضدک وانامن والاک

بردن یعنی بسمک تنگلب ناری

سلمان ابو میثاق الحمیداوی

 



نوع مطلب : الشاعر سلمان الحميداوي (ابوميثاق)، دارمي - ومضه،
label :

ابدین الله علی العالم علینه

و لامنت شخص تعبر علینه

لان بل کون حشمنه علینه

داحی الباب حمای الحمیه

انا عالی او یمی هابــــــــــــط  یاعلی

او صرت فشگه اوکل سلاحک یاعلی

انا بل شــــــــــــــدات اصیحن یاعلی

و انته حشم کل شیاطین الـــــکرات

سلمان ابو میثاق الحمیداوی



نوع مطلب : الشاعر سلمان الحميداوي (ابوميثاق)، ابوذيه - عتاب - هات - ميمر،
label :

سلام وتحیة إجلالٍ و تکریمٍ لوالدي وکل والدٍ علی وجه الأرض دون إستثناءٍ
فما أحلی وأجمل من لفظ ((بویه )) علی لساني وله مایلي :


ضعن عمره  گطع  فیه مایرد


حشمیت إبصوت لجله مایرد


آنه  عطشان إلمحبته مایرد


نوگ حبي إگباله ضلن نایخات

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

عگب دم و دموع العین کتال

سواد و ب ادلیل اهموم کتال

سهم هجرک یخی بلله کتال

شرگ گلبی وشعل نیران بیه

من کلمات داعیکم رحیم المنهل



نوع مطلب : ابوذيه - عتاب - هات - ميمر،
label :

امر قوجی علي الكلـــفه و غيره


الشهامه امعلگه ابراسي وغيره


كـــــــلامي عيب ابدلنه و غيره


ازيده و الحـــــــــكم داير عليه



من کلمات الشیخ المرحوم الشاعر محیی الزیبگ الشریفی

 


يــداحچني الفلا يمــــهه وگدهه


وانا ابن الما طفت ناره و گدهه


المــــراجل يوم قسمهه و گدهه


ثلث اربـــــاع لهلي و ربع ليه

 

 من کلمات الشيخ سرتيب المحي الزيبگ الشریفی

 



نوع مطلب : ابوذيه - عتاب - هات - ميمر،
label :

ابظره المیت علیک ابچی بحیته

ابعویل وحته الک صوتی بحیته

لإمــــــــرن انالک سری بحیته

لعلک تهتــــــدی وتحن علیه

ابراهیم البریهی

منقول من دیوان غیرتنه



نوع مطلب : ابوذيه - عتاب - هات - ميمر،
label :

حزنی زاد عن یعـــــــــگوب چیما

یجی البچفا خــــــله احشای چیما

اکرهت عنی البچت بجفاک چیما

تهل مودم عجب صلفه او ردیه

عبد النواصری



نوع مطلب : ابوذيه - عتاب - هات - ميمر،
label :

مکیاجک انته امنین یا احله انسان

تین و عسل و عناب و شویه رمان

نسیم ابوحازم النبگانی

 

مکیــــــاجک إنته إمنین یمنوّر إلکون


یوسف وخوته إبشوگ یمک یسجدون

مکیاجک إنته إمنین عطرک علی فاح


شهــد او مسچ بل زیج و الصدر تفاح 

عادل خلف الساری

 



نوع مطلب : الشاعرنسیم النبگانی، الشاعر عادل الساری، دارمي - ومضه،
label :

ازعل و گلب الدنیــــــــا و الفلاک

اذا اسمع و حس غیـــری ولفلاک

الف واشی العلی ناصب و لفلاک

و الف یاخذ حچی و ایجیب لیه

ملا قاسم المایود



نوع مطلب : ابوذيه - عتاب - هات - ميمر،
label :

من بــــاب اصدق ارد احـــــچی احچایــــات


و امسح فــــوگ خـــــدهه ابچفی دمعتـــهه


امی الگمـــر ماخـــذ منـــــهه لـون البــــی


و ســـــواد الیـــل نایم حــــدر شیلتــــــهه


گلب امی غمیـــــج ابغمــــگ بحــــــرانیل


وحمـــارالخجــل کله ابــــراس وجنتـــهه


یعنی امی بحــروالعفــــه عدهه اشطـوط


وعــرج گلب اسواحـــل شعـــرگذلتـــــهه


بیهه اشگد حزن من تحچی چن یعـگوب


وتبــــچی الیـــل کله ابصـــوت ونتــــهه


و اذا شافتـــنی مجبـــل تنـــزع الأحـزان


وعکس تنــگلب دمعــت شوگ عبرتهه


چن اسنــین مبـــعد عنهـــه مولحــظات


وتضـــل ترعش علی بصـــوت شفتـــهه


وگبل لایمهه اوصل واحب چفهه ابشوگ


اشوف ادمــوع عینی ارکضـــت باستهه


عنــــد امی المحبه ابـــگد ملــک قارون


و لا بلکون عفــــــه اتنـــوش عفتـــهه


امی  اجنـــــه  لاکــن  بتـــــواضع  دوم


وعین انــــاس حوله وغلـــط شافتـــهه


مو مرئـــا امی ما یشبــــهه کل انســـان


وحتی الیـــــل یتغـــطـــه ابعبــــایتـــهه


من گصتــــهه ماخـــذ نوره نجـــم الیــل


وحتی الغیــــم ماخــــذ لــون شیبتــــهه


امی اشـــــگد حنینه ابـــگد صبـر ایوب


ولوافـــدی العمرمــا جـــازی طیبتـــهه


 ابحظن امی الغـــوافی اتبات سهرانات


و صرت شاعرابگد ما ایدی لمســـتهه


و بیت امـــن شعــــر دایـــــم اردد بیه


حــلوه اچلمــه لاکن مظن سمعتــــهه


غزل حبــــچ بانی عنـــدی منبات


وجنس خـدچ حالی طعمه منبات


عندی کل لیله اعلی زندچ منبات


اعدال عشرت عمرویه الحوریات


اشکثر سهرت  لیالی و ما یمــــرهه انوم


وچنت یـــاهل و اریـــدن علبــــچی حیــه


ومن ابچی ابحظنـــهه اتلفنی حتی ارتاح


وتگلی البیـــــک یبنی امنلمــــرض بیه


وتلولیــــلی و تــــدگ علراس بلچفیـن


وتــــفدی الگلب نوبـه وتفــــدی اریـــه


عین امی قصیــــده و ارمــــش مــــوال


ومحــــبس ذهب فمهه وخدهه ابوذیـــه


ولون غربلتــــو کل نسوان هاذ الکون


 ما تلـــگون مثل امی العربیـــــــــــــه

من کلمات الشاعر المبدع رمضان ابو حیدر العگیلی



نوع مطلب : الشاعر رمضان العگیلی، قصائد اجتماعيه،
label :

لهلنه یشهــــد التاریــــــخ واقع هذه عیب احساس


اومهیوب النــه حد مهیـــــوب للموت ابد ماینداس


اسئل من الی ایضدنه اعلی درب البیه رفعت راس


احنــــه الماینـــدل دلینـــا*

 من کلمات الشاعر الشعبی ستار ابو سررور السیاحی



نوع مطلب : الهوسات،
label :

ألف یا حیف شرجي إنگلب شملای


او بعد یسرای عیب إتنوش شملای


أنه ششرب ، شعبي یخی شملای


إذا شوف إلأحبــــــهم شح علیه

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

سلام وتحیاتي لک أخي رحیم وللشاعر عبدالحسین باوي وسبب مایلي :


أجلبنک یلیلي او بلگلب طوفان


و إصوابي یلچمه إلعاذل إلبطران


مایدري إلدلیل إنترس بس أحزان


حسبه إلتاخذه او حسبات إتجیبه

عادل خلف الساری

 



نوع مطلب : الشاعر عادل الساری، ابوذيه - عتاب - هات - ميمر،
label :

عربنه لیش ما تلـــــبس عگلهه

ذلت و الهضـــــم تارس عگلهه

العدو نــوخ اضعونه و عگلهه

ابارضنه و یندعی راعی الثنیه

الشیخ محیی الزیبق

اکرام النـــــفس ما تنسه عگلهه

الفهم و العلم هل تارس عگلهه

یوم الکون شدرجله و عگلهه

یثبت لو علیـــه هتف المنیه

الشیخ محیی الزیبق

یوم الـــــــــکون ما چنیــت لاگیت

وبس النه جیــــــاد الخیـــل لاگت

انامن اصطرعدوی ایروح لاگات

رحل من دار عزه و گطـــع فیه

الشیخ محیی الزیبق

احبک چه فرشت الارض منزل

ودوماٌ تـــــــکرم الخطار منزل

ابکل دیره یجد للرجـــل منزل

لچن فرگت عمامی اتعن علیه

من کلمات المرحوم الشاعر الشیخ محیی الزیبگ الشریفی



نوع مطلب : ابوذيه - عتاب - هات - ميمر،
label :

نسو طبــــرات اهلنا من دمنهم

اونسو خیل الاصایل من دمنهم

بعدها اجیال ماضی من دمنهم

اوبگه اصباب رمز الکل قضیه

من کلمات الشاعر الادیب یاسر شیخ کریم العنافجه



نوع مطلب : الشاعر یاسر عنافجه، ابوذيه - عتاب - هات - ميمر،
label :

الوکت بهموم بشعـه لاغزانی

هاجمتــه و صدیجی لاغزانی

ما همنی عـــــــدوی لاغزانی

الوتی غثنی ابصلب یتصل بیه

من کلمات الشاعر المرحوم ابو مزید السلامی



نوع مطلب : ابوذيه - عتاب - هات - ميمر،
label :

مــــثل کــارون دمعي نشف وي بس

 هظیمه إبصوت عالی صاح وی بس

 هلـــــي لِحگو علــی،چانون وي بس

 إبگلبـــي إو شـــــمّت الـــــعدوان بیه

ابوعارف النیسی



نوع مطلب : ابوذيه - عتاب - هات - ميمر،
label :

ردتک ذخر یوم الضیج من یهوه الحمل و ایطیح

و حسبتک تجینی ابیوم من یجبل عدو و ایصیح

خویی و حسبیت اعلیک و گلت فدیوم گلبی اتریح

لو شفت العایل بحدودی

من کلمات الادیبه شمس الاحواز



نوع مطلب : الهوسات،
label :

دون ابحزن بلله ارجــــــوک ینای

انشده عگلی وسکن بلراس ینای

عگب ذیچ الیــــــالی انوب ینای

لیال افراگ خلی الشــــح علیه

من کلمات داعیکم رحیم المنهل



نوع مطلب : ابوذيه - عتاب - هات - ميمر،
label :

یا موده إلمثل شوگي یا غرام


یا جریمه إتوفي حبي یا غرام


یا شعر هات إلیونسک یا غرام


حته أکتب لک یخی أجمل کلام



إرماحک بل گلب شچن وفالک


علیش او دوم کل وکتي وفالک


چنت ساکن إبقلعة حب وفالک


فزعن هدمــــــن إلقلعة علیه

من کلمات عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

 

بإسم رب إلحنان وإلود وإلسلام ، لاُمي من هذه إلصفات نفحات و لها مایلي :


وحگ إلبعث بین إلعرب اُمي


یدره إلبلخلگ بس إنـتي اُمي


سألت إلنبي وین إلفوز اُمي


تحت کف إلجدم جنه زهیه



یدرة حــــــب یطیبت ذات یومای


عگبــــــــچ ما یلذلي زاد یومای


سألت إلگلب وین إترید یومای


إلچ یا بحــــر طیب إبهل دنیه

عادل خلف الساری

 



نوع مطلب : الشاعر عادل الساری، ابوذيه - عتاب - هات - ميمر،
label :

فرق بین القـــلم و السیف اعلاج السیف عصابه

بس طبــــع القلم مسموم ما یتعالــــــج اصوابه

طبع موخوش عد السیف اوکات ایبات بگرابه

بس قلم العز ماضم روحه

من کلمات الشاعر علی ابن المرحوم عاید البدوی

نشــــلات الوکت کلفات ما یخـــــجل اذا ینشل

او منه الچم سبع مچتوف من کثر الهضم یتهل

اوگلی الچم فصیح السان من ضیمه صبح یرتل

اوحچی الحـــگ معجود السانه

من کلمات الشاعر الادیب سرتیپ باوی

 



نوع مطلب : الهوسات،
label :

أصـــــیح بل فریـــج إبصوت حیهم


او عله إلسلبو عگلي إبوسط حیهم


إلموته إسمــــعو لاچن یخی حیهم


فلا سمعـــــــــــو ولا ردو علیه


إبو عارف نیسي


عـــشرتي اویاک چانت ورد ونخال


إبرمح هجرک دلیلي إنطعن ونخال


شغـــــــــربل بلربع یا ناس ونخال


إذا حتــــــــه إلاُخو خاین بخیـــه


عادل خلف إلساري



نوع مطلب : الشاعر عادل الساری، ابوذيه - عتاب - هات - ميمر،
label :

عـســل یـل تـنـشد إلـخوان مرهم


او شریهم لو یطب إحشای مرهم


أریـد أوصیک یا خی دوم مرهم


إخوتـــــک لا تظل إبلا تچیـــه

من کلمات الشاعر الادیب ابوعارف النیسی



نوع مطلب : ابوذيه - عتاب - هات - ميمر،
label :

أگل للأهل گلبي إنعجــــد حل وین


نزل یا گاع ضعن إلولف حل وین


إشکثرربنه خلق یاناس حل وین


مثل رسمــــــــه أبد ما مر علیه

من کلمات عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

بیرغ شرف


الحشمه للتقی الشامخ


ابحکمه وزهد عنوانه


ایفزع لوحشمیته ابضیج


لوطبیت دیوانه


یابیرغ شرف یالماطوتک ریح


یاهیبة مضیفه وصوت فنجانه


من وگفت علی الکرار


من فکرالذبیح العله بنیانه


من نهج الشهید الثار


یاحادی الرکب یالصرت سفانه


خجل والرکض وی العار


رغبته یحرق التوحید بالسانه


وک مات الجهل واحنه ابحصاد الخیر


غیمک مو وکت نگاط نیسانه


اذا وکته گصیر وتاه


کلمن بدل العنبور بدنانه


وجرعنه الوکت بالجاهلیه اهموم


وفرقنه الجهل من سادت اعوانه


ولمتنه الرساله وخاوت البلدان


لجل الدین نصعد عالمنایه ابوجه عدوانه


وصگرنه التاه چفه اسنین


رفض ذل الملوک وعاد لخوانه

الشاعرعبدالحسین الباوی



نوع مطلب : الشاعر عبدالحسین الباوی، قصائد اجتماعيه،
label :

کنز الحیات


يا علی حبک کنز کلش ثمين وليحبک بلذهب ماظن قنع

وليضدک مده يتعله چثير ومن تشوف اهناک عل هامه وگع

وليدور حبک ابکل الزمان اشمايحبک ااکثر اشويه شبع

انته الاول من يگول انته الاخير تيهه احسابه وله الاخر رجع

انته سيف الله عايدت النفاق ومن تهد عل کافر الوحده انصرع

من تحل بابک اله الخالق طريق باب خيبر شاف بابک ونشلع

انته ويه الحق صرت ولحق معاک انته صوت الحق ييحدر ونسمع

انته مو انسان حتمن انته نور ومنهو غيرک يا علی ابکعبه انوضع

انته حيرت العقول ابمستواک و کل عگل بهواک يا حيدر خضع


عدنان العبادی



نوع مطلب : قصائد اجتماعيه،
label :

إلدهر أنصّب علیه إحـداد وشراک
 
وخاف أکفر إبرب إلکون وشـرک
 
ألـف مره بعتنی إبرخص وشراک
 
إبروحی وإلثمن یرخص علیـــــه
 
 
   کلمات ابو عارف النیسی


نوع مطلب :
label :

علیـــــک احشای گدالهم بهندای

و ذبحنی افراگک الیکتل بهندای

اصیح ابصوت ماتسمع بهندای

رجه وبحه وونین و مهضمیه

چنت ورده و انا ال ویــــاک کلما

و علی وسفه تدیرک غیض کلما

صرت مدمن علیــک انوب کلما

تصیح التفت حسبــــــالی علیه

الو مجروح اجی ابعینی و داوی

جرحک و احترگ لجلک وداوی

داوک کل وکت رابــــــح وداوی

ابخساره وبس انا الطگات بیه

تهودل و الزرار انفتـــــــــگ شی بان

انثنـــه وشعرات راسی اسود شی بان

تخوصر شبر خصره احشای شی بان

ابنـــــار ابحین عینـــــــه اشرت لیه

انگطع من سم جفه الخلان بتل

دلیــــل و گلبی صار الحزن بتل

ابلضه افراگ الاحبـه انوب بتل

الالم چانون احس مشتعل بیه

اصبــر جف المــــــدامع دمــــه کتان

علی الی روض ریجــــه ابطعم کتان

علیک ابصوت صحت ارجوک کتان

الهجــــر مر لا تشب النــــــــار بیه

من کلمات الشاعر الادیب رمضان العگیلی

 



نوع مطلب : الشاعر رمضان العگیلی، ابوذيه - عتاب - هات - ميمر،
label :

یبحر إلمایجف مایک ولاشف


أعاین بإلورد مثلک و لاشف


علیل اولا دوا إلعلتي ولاشف


إشفای إنته یهل مبعد علیه


***
گصگص إلدلال بیدک حشه لي


هاک بإلحب وإلموده حشه لي


من تسولف بإلخیانه حشه لي


ما أخونک یا حبیبي للممات

من کلمات عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

مرگ ریم العلیه اعیون کشاف

اخذ عگلی ولعد سرای کشاف

السمع بیه ابد میصیر کشاف

حسنــه اشلون یشبه لثــریه

من کلمات داعیکم رحیم المنهل الحمیداوی



نوع مطلب : ابوذيه - عتاب - هات - ميمر،
label :

الک ربده ابوسط گلبی ولک دچ

وتگل لشایل الخنجر ولــــک دچ

اجیتک شایل اهمومی،ولک دچ

شیــــبی و زوِّدت همّی علیـــه

کلمات ابو عارف النیسی



نوع مطلب : ابوذيه - عتاب - هات - ميمر،
label :

یورد إلما ذبل ورگک ولاعود


لا مسچ إلوصل طیبک ولاعود


حـــبک مـــا أرد مـــنه ولاعود


أودک دوم حـــــــد یوم إلمنیه

من کلمات عادل خلف الساری - یهدیه الی ابنه العزیز بنیامین



نوع مطلب : الشاعر عادل الساری، ابوذيه - عتاب - هات - ميمر،
label :

سبحانه إلزیـنک یا ترف وسام


یمن حبک شرف للروح وسام


أشرب کاس حنظل حبي وسام


وگول إبصحتک یل خنت بیه

من کلمات الشاعر الادیب عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

اعتنت ریم الفلی او یعزف حیلها

نشید او شیــــــــدت گلبی حیلها

شبت عل هــــــوا و چفی حیلها

اوقدت تنثر ورد جوری علیه

اعتنت ریم الفلا وجتنی بحلها

اواضنن یا خلگ موتی بحلها

احبها چی طلــــع حلی بحلها

واحبها چی ربیع اصبای هیه

غزاله و جذبت افـــکاری بلبها

اوخلت مهجتی اتــــعالی بلبها

اتکض ارویحتی اوترعا بلبها

اونواظرها ابنبل یرمن علیه

من کلمات الشاعر الادیب عبدالزهراابو خلیل الشحیتاوی

 



نوع مطلب : الشاعر عبدالزهرا ابوخلیل الشحیتاوی، ابوذيه - عتاب - هات - ميمر،
label :

الگلب عندک امانه ونتبـــــــــاهی

وعله اعیونک حواسی و نتباهی

ادورابهــــــــای عینی و نتباهی

لگیتــک یل چنت غایب علیه

گلبی ناحل من غیابک ونبی

وما احب غیرک یخلی ونبی

ال ما نبی دایـــم یبینه ونبی

ماشی عنی وبس ترکلی اذکریات

روحی من یوم المفــــــارگ هایمه

ها گربهه الموت بعــــــدک هایمه

ها یمه ادموعی امسحتهن هایمه

اجروح بیه و بل صبر متکفنات

من کلمات عدنان العبادی

 



نوع مطلب : ابوذيه - عتاب - هات - ميمر،
label :

سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .


یجنه إلــماذبل وردک و نخلاک


ذلول إلحب برک یمک ونخلاک


شغربل بیک یا خـلي ونخلاک


مو کلک ذهب صـــــافي إلیه

عادل خلف الساری



نوع مطلب : الشاعر عادل الساری، ابوذيه - عتاب - هات - ميمر،
label :

نزار قبانی

نزار قبانی جوانی در فرانسه

قولي احبك

بگو دوستت دارم

كي تزيد وسامتي

که زیبارویی من افزون گردد

فبغير حبك لا أكون جميلا

زیرا که بدون عشق تو زیبا نخواهم بود

قولي احبك كي تصير أصابعي

بگو دوستت دارم تا انگشتانم

ذهب و تصبح جبهتي قنديلا

طلا و پیشانیم بلور گردد

ألان قوليها ولا تترددي بعض الهوى

حالا این را بگو و تردید مکن زیرا که بعضی از عشقها

لا يقبل التأجيلا

تاخیر نمی پذیرد

سأغير التقويم لو أحببتني

اگر مرا دوست بداری تقویم را تغییر خواهم دادد

أمحو فصول أو أضيف فصولا

و فصولی به سال اضافه یا از آن کم می کنم

وسينتهي العصر القديم على يدي

و عصر قدیم به دست من پایان خواهد پذیرفت

وأقيم عاصمة النساء بديلا

و به جای آن پایتخت زنان را بنیان خواهم نهاد

ملك أنا لو تصبحين حبيبتي

اگر مرا دوست بداری من پادشاه خواهم بود

أغزو الشموس مراكب و خيولا

و خورشید را مرکب و اسبان خود قرار خواهم داد

لا تخجلي مني فهذه فرصتي

از من شرم مکن زیرا که این فرصت من است

لأكون بين العاشقين رسولا

که رسول عاشقان باشم

منقول من مدونه آدونیس



نوع مطلب : قصائد اجتماعيه،
label :

و حگ الصوبو عینه و جفنه

یوم الکون لل صاحب وجفنه

لون الـــــدهر نشفنه و جفنه

نضل ارسوم و نحامی الثنیه

چـــــف الهم یصاحب گام یملای

اوقده دمع البیابی اشطوط یملای

امس چان الیقــــــور البید یملای

صبح مطروح حمله اعلی الوطیه

قدت حالی ترانی ابحال صفصاف

اوعودی من هوان الدهر صفصاف

فرد مره علیه اجنــــــاح صفصاف

بلاوی امنل سمــــــا طاحت علیه

من کلمات الشاعر الادیب عبدالزهرا ابوخلیل الشحیتاوی



نوع مطلب : الشاعر عبدالزهرا ابوخلیل الشحیتاوی، ابوذيه - عتاب - هات - ميمر،
label :

من صوب النزل شع نور یمطور

سینا البی شمسکم زهت یمطور

علی سلمه الدمع دم دوم یمطور

جره امن اطرور گلبی و عمل بیه

من کلمات الشاعر الکبیر الاستاد ملافاضل السکرانی (حفظه الله)

 



نوع مطلب : ابوذيه - عتاب - هات - ميمر،
label :

ديـــــــــــــــوان ملاثـــــــــانــی
الاهـــــــــــــــــــواز عاصـــــــــــــمة الثقــــــــــافه و الادب
حول المدونه



موضوعات

آپلود نامحدود عکس و فایل

آپلود عکس


تماس با ما

استخاره با قرآن
استخاره با قرآن