تدري اشوكت انساك ياسلوة الروح
من تسمع ابلا هيل گهوة هلي اتفوح
الادیبه عاطفه النوري
اشما انظر لطف حسنــــــک وبصره
اهیم ابطولک الســــــــاحر وبصره
ابجمالک فرهدت عگلی وبصره
اورمش لحضک یفر الکون بیه
کلمات ابوخلیل الشحیتاوی
یدنیـــــــــا اشما ملکتي اهموم ولمي
إلي او حت لو یصیر اضعاف ولمي
الحنضل و الشري امن اعضاي ولمي
عسل یصبـــــــــــــح و لو بیه المنیه
قاسم ابو میلاد النیسي
لا تهيج اجــــــــــروح كلبي يابدل
تفت صوبي وعوض نيتك يابدل
في غرامك كلي يــوجــــــد يابدل
حته أمنه الروح يدعج والحيات
حسین ابونواس الحیدری
موکل یمن تنحــــــسب لضیج تنعد یمن
یمن اتلاوی اصعب ولمجد صوبه یمن
ذنی ابعزمـــــهن عــزم ولسالمنه یمن
جـــادن وهلهن فخــــــربل ونعم کفین
ولمایشیده المجد اسمه الوکت کفین
وحیات ذاک الـــذی بطف فگد کفین
ماترتجه القانمه البطیب طبعه یمن
یمن الی تــــلاوی اصعب یمنه
اعدهه الچفهه گلب اصاح یمنه
المجد حنه هلــه اویرتاح یمنه
اوکرهنه الی یمن ویذل خویه
ناصرابوماجد فرطوسی
مو بــــس بالأسی من انهظت کلّي
المتن لا و النبي اتضــعضعت کلّي
صفيت ابمشکلي محتــــــــار کلّي
رمی ضده و خطه و صوّب خويّه
الشاعر الکبیر ملا فاضل السکرانی
دمعی اشما انشفــــــه یهل منشاف
وذچرهم مایزول الربـــع منشاف
گمنا ما نوچــــد الــدرب منشاف
ابسبب عسر الزمان الصار اذیه
یدمعـــــی لالی بجفونی ونزلی
لان وکتی هــــدم داری ونزلی
اخوی المارجف گلبه ونزلی
هم ارجـــــــه بعد منه خویه
ارید الخیــــــر اله ویــرید شرای
اصبله عسل صبلی کاس شرای
مامش بعـــــــــد لطیبات شرای
بارن ولغــــــــــلا سوگ الردیه
ردت وحدی اشیل الحمل منشال
وجرحـــی اشما الایم بیه منشال
الهدم حیلی اخوی الزین منشال
عنـــــــی وعنت الخـــــوه علیه
سعید ابوحسین الخالدي
حگ سبــــــــط إلرسول إحسین وبحر
إببرد وکـتک یصـــــــاح اویاک وبحر
مــــرکب بـــوس إلــــک ودیت وبحر
دَ خَل یرسي عله إشفـــــاف إلندیه
ثگل هــــم إلعلـــــی یاصاح کَتّال
او هجرک لا تظن بس یشل کتال
إلیه او مقتلــــي إقـــــــــراه کتال
و لا نــــــــاصر بعد بجفاک لیه
وگع طاح إلصبـــر عگبک هواوین
ولک رحـــه او إلک دگن هواوین
تحت ضلعي ولک صدگ هواوین
هوا حــــب او هوا الثاني حمیه
گلبي دافــــــع دوم منک حام إلک
مایحط بإلگاع طــــــایر حام إلک
إبکورة إلحــــداد مِحتَر حام إلک
حَمَر یلهب کلجـــمر حد إلممات
عادل خلف الساری
سین اسمــک لعد جهلی معلم
وفضلک عل ابو اتفضل معلم
امر واجب ابوس ایدک معلّم
لان غیرت وطن شتلیت بیه
رحیم المنهل الحمیداوی
فاطمــــــــــــه ( س )
علا اجنـــــــاح القیــــــم زفیت الدموع
املثمه ابعبــــــرات حمـــــــــای الحمه
السمه مکسور الضلــــــع ما بین ادیه
بـــــــــــــــــدر ماهو تام عمره امسلمه
و نور تبچی الشمس کل دمعه التطیح
الگاع تبلعها و یمس بیـــــــها الضمه
یم الیتــــــــــــــام اسمعت زینب تگول
اشلون یمّـــــه الیله آنـــــــــــه امیتمه
و من کثر ما هلت ادمـــــوع الحسین
النجـــــــم یسقط گام من عین السمه
و من کثر ما فاطمه حیـــــدر یصیح
الدنیه کلهه اتصیــــــح گامت فاطمه
کلمات الشاعر مجاهد العمرانی
رساله من الادیبه عاطفه النوری :
عايز واعز النـــــاس خطار اجاني
شتسوي كون تصير انته بمجاني
کلمات الاستاد حبیب ابو عدنان مزرعه
فاجابه بعضٌ من الشعرا :
لو انــــــــــــه مثلک هچ وینی خطار
افرش اضلوعی ابلیل وعلگهن ابنار
نسیم النبگانی
منکظ ادیـــــــه العوز وچهبنی خطار
من گلبی اگص ونطیه وشویله عنار
عزیز ابوعبیر البریهی
مايهم حتي ابعوز تنــــــوري داوي
لو كلش اعلي النار يلگه الچلاوي
عبدالسلام الزرگانی
ابعوز و اعزالنـــــــــــــاس لو جانی خطار
افرشله رمش العین و ابــــــــــــگلبی الدار
افرشله رمش العیــــــــــن وبروحی اظمه
یشرب شراب احشای ومن چبدی اطعمه
خصمی العسریاصاح ماسکنـــــه بلبیت
لوجـــــانی اعزالناس من چبدی گصیت
من چبدی اگص لضیف وبگلبی اسکنه
وماگله اجـــانی العوز وبعوزی امحنه
عبدالله ابو سجاد سلامات
ما ارتبـک بل عوزمن یجبــــــــــل الضیف
اچلای الغموس اتصیروچفوفی اله رغیف
سید ابراهیم الغرابی
لو مرني أعز الناس او عایز معندي
إبسچین أگص إچلای وطبخ وغدي
عادل خلف الساری
وصونه هلنـــــــــه إعلوم وإتعلمينه
لوضيف اجانه ابيوم رزقه إبجبينه
حجی عارف الخمیسی
لوعايزاعلى العوز والهم مضيفى
حافى الجدم سلفين اتلگه ضيفى
رحیم المنهل
طبــــــــع الأبی ایــــــهد ابـــعسر لعضیده
ایــــزیــــــح الألم عیب ویـــــمل لعضیده
ایشیل الحـــــمل یــکسر ضرس لعضیده
ویترک شفت خــــــــصمه ابدماء تتحمر
تگطر وفه اخلاص وشفه غیرتنه
وچود البله من هل طبـع غیرتنه
درب المجـد ماصاح ابد غیرتنه
راد الغایره الــهدو ابظهراحمر
عبدالله ابوسجاد سلامات
كــــف عمري الدهر ياصاح وانها
و روحي مابطل بـــــجفاك وانها
رجـال التكضي هاي وضيج وانها
صفو تحت الثرا و چانو ثريه
كلمات حسين ابونواس الحيدري
هواک الماتـــــــــــرک یدعج ورع بای
اوصدودک اثـــــــــرلوعاتی ورع بای
من روعک صرت طوعک ورع بای
ابالک خل خیـــــــــــــــالک یمربیه
ناصر ابوماجــــــــــــد الفرطوسی
الضعاين سرن والحادي دولهن
ومظن طبـــــرات دلالي دولهن
يدهري ايامك الوحـشه دولهن
ولَعَنّك بالفرح مجبــــــل عليه
کلمات الشاعرغلیم الصالح الخلیلاوی قریه حنیری
طبعی ما عوف الـــکرامه او لا أزل او یه الصدیج
روحی فدوه اتروح لجله ا عیب اعوفن هل طریج
أعبر ابــــحور اعله موده او ما أهاب امنل قمیج
و السوره الیت ما هم بیهه
ألطبعه ینـــوجد بل ذات یفرق من المطبع
و الابس بشت و اعگال یعزل عن المگبع
مو شرط الفهیم ایکون سدر الگعده یتربع
ینطق و ایعرف عنوانه
کلام الگالته العــگال ثابت کل وکت درسه
یصبح لل خلگ مذموم کلمن یمدح ابنفسه
ألخیر ما یعینه المال و لا یتعرف ابلبسه
من فهمه الناس ایعرفونه
صیر لل خوان زمزم و احــضر ابوکت الظمه
و اصبح اعیون العضیدک دله بل عز لو عمه
لا تگص ابزورک انته ابــــحیث تفال السمه
کلما یبعد یرجع صوبه
أخذ حچی العگل یا خوی و ابد لا تتخذ غیره
لأن عد العــرب معروف زاید کل وکت خیره
لجل هاذه السبب ینگال حچی اهل الفهم لیره
او حچی اهل الباطل زنجاره
یا زمان البـــــــــوم گالو گام یطرد عل صگور
او یا زمان الشات یزگح عل أسد و ایتم جسور
چانت ابحد الســــــوالف لاکن القاضی الشرور
خله الموگدهه ایگول آنه
کلام الگالته العگال یبـــــــگه لهل العــــز سند
تعنی اخوک احزام ظهرک و الأبو البیتک عمد
بیهم اتنـــــــــول المعالی او أرد اگولن هم بعد
من دون اهلک مالک قایه
کلام الگالته العــــگال واحـــــد مــــا یصیر اثنین
گبل طگت الخشم یا خوی دم تهمل دموع العین
الأخو احزام الظهر منعوت خله القاسیات البین
او لو صار الصد حیی ابزوده
کلام الگالته العـــــگال یبــــــگه لهل العز حذر
تعنی ابوک اسراج بیتک و الأخو احزام الظهر
أفتح اعیون البصیـــــره او من بعد دیر النظر
بعضاک العز کله اتنوله
مد روحك جسر لعضاك و الهم خلها مشتاگه
وايضاً خل حنينك كـــون يشبه حنت الناگه
الصگر مهما يريد ايصير لون ما عنده سباگه
حته الخطافه اتشل حاله
طبع بیـــــــــــه اعتنی الطیبین و اگصد کلمن امشید
و اخاوی البی حمیه اتکون گلبی ابهل صفه امقید
خصیم الیعرف المعروف أحسن من اخـــــــو امکید
عگال العالم گالوهه
کلام اهل العگل بستان یزهي او لا تظن یذبل
جرب و المثل مظروب جــل اهل المجد تنجل
صیر الثایتــــک فلاح أنهض و الزم المنجل
و الما ینفع حش اعروگه
خل اسمــــــک علم منشـــــور دوم ایـــرفرف ابغیره
او خل دمـــک مثل برکان یســـــــری العزت الدیره
المثل گال الوطن ناموس ریت ابگصته الف جیره
کلمن ما قدر ناموسه
خل اسمک علم منشور بحــــدود الشرف عالی
او خل حنضل أهل نخواک بریاگک یضل حالی
تدری اشگالت العگال ، شاجور الیضل خالی
ما یحله ابعین التفاگه
لچنی العوز و انجبریت احوفن و اخلف السیره
لزمت اسلاحی تالی الیل و افتر گمت بل دیره
وعیت ابروحی مانی افلان ذاک الیمتلک غیره
و العوز اعلا الذل بدیته
خل خلگک فره لعضاک و الهم عبــر العیله
و اصبح عیدل الخوان حتی' اتــــــعدل المیله
أخوک اشما یرید ایصیر ضدک لو سمع چیله
یجدم و ابسدره ایلاگیهه
أمثال العرب یا صاح کلها امأیده او حلوه
مثل باگة ورد فواح تنطي الکل گلب سلوه
تمطر عل حلیم ادروس و اهیا اتکتر البلوه
من گوم الیعرف معناهه
شفت قاضی اعله حکم اثنین ضل ابحالت الحیره
حــــرامی الگاصد امن ابعید ویه امعزب الدیره
ألحـــرامی ایعف علیه ایهون لاکن فاگد الغیره
حتی' الحواف ایرجمونه
ألیمشي ابحیله ویه الناس او لزم حبل الفتن بیده
صدگ و اعتقد یا خـــــوي حتی' ایحایل اعضیده
علیه گال المثل بـــــزون طبعه او کلشي میفیده
یاکل و ایکسر ماعونه
أسئلو من حته ابــــــزمانه اشلون تعرفهه الرجال
گال ثلث اشروط عـــــدهه الأوله جود البل دلال
أو ثانی شرط التلگه عدهه ایکون تتلگه النبال
او بمظیف الحگ تعجد رایه
ذاتن اتــــکون الجـــــساره او ماهي ابکبر الجسد
و الیــــربی الشات گله الشات ما یصبـــــــح أسد
هاذی من باب النصیحه او ماهی من باب الحسد
بل ملگه ایبین راعیهه
خل اسمک علم منشور غیره ایرفرف ابحدک
او خل یصبح مثل لناس بحدود الحرب صدک
لا تخضــــــع لون دنیاک کلها اتواچبت ضدک
مثل العباس اتحداهه
طبعی بحــــدود الصداقه اتخیر الیملک وقار
ألیوگف ابوکت المجدیه او یطبر ابعلو النهار
هاذه حر الکل تعرفه ایعید ابصید الحبار
یشهگ و ایصید ابعالیهه
قاسم ابو میلاد النیسی
من وکتی خان اویای و اصبح علیه
خـــــلانی شفت الظیم حتی' امن ادیه
ما صرت دوده ابصوف مره ابزمانی
او حــــیرته حتی' ابلیس ما حیرانی
ما صرت دوده ابصوف لدنیا مره
او کل الفلک و الکون بعیونی افره
تعتب تلوم الناس ما تگدر اتشوف
حبـــک سبه الدلال و ابگلبی مدیوف
چلمه ابمثل عگال کلش بهیجه
بس النذل یا ناس یغدر صدیجه
قاسم ابو میلاد النیسی
اهمـــوم ادهر یرنی ویرهن
وحدرظلعی چوانینه ویرهن
راح الچان یزمطلی ویرهن
ابجفاه اتشمت المابیه حمیه
حسین مجید نیسی
وحـــق الی ندب ربعه وقومه
اخوی الزین اله گعده وقومه
الوینـــــسام اسومنه وقومه
ابروحی والجسم لجله هدیه
الشاعر فضل الله الزرگانی
لون جـــرح المحبه لامسنته
علی سیف التجافی لامسنته
یگلبی اشکثر منه لامسنته
الیبدل الزین شین ابلاوعیه
یـــگلبی لاتبیـــــع اســــــــــرار علما
تجــــــــــربه او تختبر وتقیس علما
المشه ابوادی سراب اوحسب علما
ترا ایکتـــله اضمه اوماشـرب میه
صر در رحمت زمــــانک منتصر
حرزخلهه او بیهه تصبح منتصر
عل مجد وجـــــــود تربح منتصر
ابحسن نیه او تکتسبهه القانمات
المعالی ابصوت عزتـــــهه دلتنه
اخبرتنه اوعل سوانی العز دلتنه
تضل اتفوح امـــــــــــرواه دلتنه
اوعذب مرهه ابمذاق اهل الحمیه
ناصر ابوماجد الفرطوسی
غرامک لیش من کل صوب حطما
رحمنـــــــــــی و راح لدلال حطما
چذب یبچـــــی علی ونوب حطما
ابجفونه او یظهر ابدمـــعه علیه
کلمات الشاعر عبد ابوجمعه الناصری
شیر شـر الخصم ذوبل هلکسل
ورکد حیله ابعزم ربک هلکسل
الو سلت هنــادی ابعز هلکسل
و غیر امطهمـــــک بلموزمیه
کلمات الشاعر المهندس عبدالسلام الزرگانی
اخوتی اعلی الگبر گعدو وحنو
الیــــــه اضلوعهم رصو وحنو
بعد یومیــــن شو طربو وحنو
ادیهم ونـــــــکرو لطم العلیه
کلمات المرحوم سید صالح النوری
ارجـــع ولک ملیت کافی امنلغیاب
طر بلگلب موجود گد فتحت الباب
حسین ابو نواس الحیدری
اریـــــدک کون یمی ونتحرکون
ابغیابک ریت میت ونتحرکون
اشدهاکم وین رایح ونتحرکون
ابنــــــگل اول جدم تدنه المنیه
کلمات الشاعر المبدع سالم الساری
گل الدمـــــــــع گل الشوف یادار
علی الگــالو ذهاب النفس یادار
اشمحله مجلس الخــــوان یادار
ابگهوا وفرح و المجبل ایهاب
کلمات المرحوم ملا اکویش العگیلی
یناهی ایــــــــام هجرک صعب مرات
علی و اجـــرعت من اشظاک مرات
ضجت و انشقت نشقت موت مرات
عدم شوفـــــک غصب تدنه المنیه
کلمات الشاعر الادیب علی العموری
انفضح من انسمــــــــــع بلیل ونای
وعلیه اشهــــــــود می العین ونای
انا الحـــــــادی الولف ماراد ونای
برض شوگی العشت بیها ابحمیه
کلمات الشاعر الادیب عبداله ابوسجاد السلامی
گلبی من طاح ابغرامـــــک من هوه
گام یتچــــــــــوه ابحسرتی من هوه
یاهو التشکیله حـــــــــالی من هوه
گلهه مثلی اتیور من شوگ البنات
کلمات الشاعر جواد العتابی
خاوی البی حمیه اوزود یسر یوم القه الخاطر
واسولف بیت اخذ توصیف بلفاظ النفل ناصر
خاوی البی حمیــــــــه منتخاوی
الجعل جلمود عزمک منتخاوی
الردی اطباعه اتخاذل منتخاوی
صدیج ابوکت ضیج وگطع فیه
یقاتی استوعب الموضوع بالک لا تضل کاسر
عل ما یوگف یوم الضیجه
الابوذیه:کلمات الشاعر ناصرابوماجدالفرطوسی
الهوسه : کلمات الشاعر المبدع علی العموری